CHISƆSI 'A SƆ MƆƐ NU 23:9 - Yataa 'a Dɔbɛnɛ Nama

⁹ Mbɛ an gbɛɛ bun‑da sɔnkɔ sɔnkɔ wa chɛ‑a. Mbɛ Chu mɔɛ n 'na sawa kan mɔɛ dɔ nu, miin ni Fayisii gbee a, an sɔ‑a. Mbɛ an dɔ, “Nn ma bai yama kan kɔ kan yen ni, Pɔɔ‑a min fɔ. Mmɔ ma a ɔ sɔn, kɔkɔɛ maeka mu, min koɔ‑a a tena, chɛ ma, kɔkɔɛ nyina dɔ mende nu mu.”

CHISƆSI 'A SƆ MƆƐ NU 23:9 ပူးပေါင်းရင်းမြစ်များ

MAKI 2:16

Mbɛ Fayisii mɔɛ chɛ dɔ nu, miin ni sawa kan min be‑a Mosisi ma, an ni wan nɔ. An na‑a Chisɔsi yen fan daunɛ chɛ‑a, an bɛ mɔɛ n na, miin nii sɔ ɔ Yataa chia ma, a basan pawa kain mɔɛ chɛ n na. Mbɛ an dɔ a fɛ denɛ n ma, an dɔ, “Kai chɛ nii daunɛ chɛ ɛnden bɛɛ a, an bɛ mɔ bonda chɛ n na.”

DUKU 23:22

Mbɛ Kɔfana Padeti‑a a fɔ to an ye a si tena sawan bɔɛ ɔ, a ɔ, “Fen ko a chɛ ɛ ma? Kamin chɛ gbu, a‑a fen ko yama ma? N ma ko ɔ ko yen ni, a‑a min ma, ɛ saya ma sɔn min ko a. N mbe a ma‑a wan, an ni a pɛndɛn pien, mbɛ n‑na a boo ka, a ni ta.”

DUKU 23:4

Mbɛ Kɔfana Padeti‑a a fɔ wan Chu n tɛ mɔɛ nu Yataa a, an 'na mansa n ye, a basan mɔ fanka chɛ a, a ɔ, “N ma ko yama kan kɔ kan yen ni, kamin chɛ‑a min ma.”

DUKU 5:30

Mbɛ Chu mɔɛ dɔ nu miin ni Fayisii n na, an bɛ an 'na mɔɛ n na, miin ni Chu n 'na sawa kan, an bu ɔ nii ma dia ni. An gbonyɛ‑a wan Chisɔsi a, a fɛ denɛ n tena, an dɔ, “Wo kan mɔ ee ka ko chɛndɛ a. A ma nyin wo ni daunɛ chɛ kaina dɔndɔɛ, wo bɛ pawa kain mɔɛ chɛ n na, a basan mɔ dɔ gbɛɛ n bɛɛ a, miin mbe ee sɔ ɔ Yataa 'a chia ma.”

CHƆN 12:29

Mɔ fanka chɛ miin ni ka nɔ sɔ ɔ, an‑na kuiɛ chɛ a min fan. A sin, an dɔ nu, an dɔ, “Banda an na‑a koɔ ka.” Mbɛ an dɔ n sin, an dɔ, “Maeka an koɔ‑a a tena.”

CHISƆSI 'A SƆ MƆƐ NU 11:17

Yataa wandi‑a a Nyina dɔndɔ gbe chɛ an be an ma, a na‑a min be mmɔ wɛɛ ma, mmɔ‑a mmɔ kai fa kɛn Mansa Chisɔsi Chasi a. Ni a‑a chɛ ma, n mbe ee che n kun si‑a Yataa a. Nyɔn mu n na, chɛ ma koe a?”

CHISƆSI 'A SƆ MƆƐ NU 22:6

“N to‑a ben ben‑da an tachɛ ɔ, mbɛ n che‑a Damasikɔsi baima. Tee cheenɛ ni a kun tɛ, a sin, man ba sɔ‑a wan, a‑a n na bɛn a ka banda a.

CHISƆSI 'A SƆ MƆƐ NU 22:7

A sin, n bea‑a wan duu ma, mbɛ n‑na mɔɛ kuiɛ a min, ɛ a fɔ‑a n ye, a ɔ, ‘Sɔɔ, Sɔɔ, fen mu e ko ma gbaaenɛ sa tena ka n ma?’

CHISƆSI 'A SƆ MƆƐ NU 23:29

N‑na a kɔɔ gbɛngbɛn fan, n‑na a ɔ yen, mbɛ a ma ko yama kan kɔ kan ma ni, ɛ saya ma sɔn min ko a. Chɛ ma, an ni a sa pimbi chenɛ a. An‑na a bia dechee, an ta sawa n fan ko a, an dɔ, a‑a an yɔn.

CHISƆSI 'A SƆ MƆƐ NU 23:8

Koe min na mu, Sadusii mɔɛ n mbe a fɔ wan, mbɛ ni mɔ gbu fa‑a, a ee che to a kɔɔ sɔ‑a kamba ɔ. A yɛ to, an dɔ, maeka n mbe ee nɔ, nyina dɔ mende wɛɛ ee nɔ. Chɛɛ Fayisii n tana, an danden fan ni ko sawa chɛ n gbɛɛ a.

CHISƆSI 'A SƆ MƆƐ NU 25:25

Chɛɛ n ma che ni, ko yama kan kɔ kan dɔ yen‑da, kamin chɛ‑a min ma, n mbe kaa a tɛ min ma, a ni fa. A sin, a wandi ban‑da ka buɛ min dɔ a fɔ‑a, mbɛ a 'a bai ni ta Domi kun ti wa tena, n dɔn‑da a ta koe ma nɔ.

CHISƆSI 'A SƆ MƆƐ NU 26:31

mbɛ an ta‑a pɔɔ, an sɔ‑a. An sɔ‑a kɛn, mbɛ an dɔ an nyɔn ma, an dɔ te, “Kamin chɛ ma ko yama kan kɔ kan ma ni, a ɛ saya ma sɔn min ko a, chɛ ma, ni a ee sa pimbi chenɛ a.”

CHISƆSI 'A SƆ MƆƐ NU 27:23

Koe min na mu, kunun yɛɛ ma, Yataa min ta mu n na, a yɛ to, n mbe min fai, a 'a maeka ni wan sɔ ɔ n baima,

CHISƆSI 'A SƆ MƆƐ NU 5:39

Chɛɛ ni Yataa 'a dɔbɛnɛ an nɛ, mbɛ wo ee kun‑da wo ni a a bea. Wo e a ɔ yen‑da wan, mbɛ wo e ka butuinɛ chɛ‑a Yataa an na.” Mbɛ Chu kuti wa chɛ ɔ mɔɛ n‑na an too ma sɔ Kamadiɛɛ 'a dasi chɛ ma.

CHISƆSI 'A SƆ MƆƐ NU 9:4

A bea‑a wan duu ma, mbɛ a‑a mɔɛ kuiɛ a min, a ɔ, “Sɔɔ, Sɔɔ, fen mu e ko ma gbaaenɛ sa tena ka n ma?”

GBOO SAA KƆYINDI KO A 10:22

Ni i‑a chɛ ma, e a ma tena koe min na, i toen mu Mansa Chisɔsi faa ni yɔn a si i ma. Tea gbu sin ko a, i ɔ ma gbɛ a ni ben Mansa Chisɔsi ma.