CHISƆSI 'A SƆ MƆƐ NU 23:30 - Yataa 'a Dɔbɛnɛ Nama

³⁰ Chɛ an fɛ mu, mɔɛ‑a a fɔ kɛn n ye, mbɛ Chu mɔɛ n mbe dɔbɛnɛ chɛ tena, a fa koe a, n ma tima yayi ni. N‑na a ma wan, an na‑a i tena. Mɔɛ chɛ n bɛɛ, miin‑na a bia, n‑na a fɔ wan an bɛɛ ye, mbɛ an ni ta an 'na bai a i tena.

CHISƆSI 'A SƆ MƆƐ NU 23:30 ပူးပေါင်းရင်းမြစ်များ

CHISƆSI 'A SƆ MƆƐ NU 15:29

Wo ma daun fenɛ daun, mɔɛ n‑na min bɔ yasi a, fen chɛ n tena, miin ma Yataa a. Wo ma soe kan kɔ kan daun, min kanɛ a ma tɛ ni, wo gbu sin ma wii daun. A yɛ to, wo ma koe tɛ. Ni wo ma wo boo chɛ ni to chɛ n dɔ, a nyin fan wo ko a. Wo mmɔ a gbɛ.

CHISƆSI 'A SƆ MƆƐ NU 23:12

Banda ɔ ka‑a kɛn, mbɛ Chu mɔɛ dɔ nu, an bɛn‑da, an‑na dɔbɛnɛ chɛ, a si Pɔɔ ma. Mbɛ an‑na an gboo, an dɔ, an mbe ee fen kɔ fen daun, an sin mbe ee yii wɛɛ min, aan an ni Pɔɔ fa.

CHISƆSI 'A SƆ MƆƐ NU 23:20

Mbɛ kamin tɔngbɔɛ chɛ ɔ, “Chu gbakoo chɛ nu, an gbɛɛ‑a an kun puin kaina dɔndɔ, i ɔ tisa koe a, i ni Pɔɔ a ta Chu kuti wa chɛ ɔ. An mbe a ma tena wan, yɔ an toen mu, an ni a wakoe an kɔɔ gbɛngbɛn chɛndɛ chɛ.

CHISƆSI 'A SƆ MƆƐ NU 23:31

Mbɛ soya chɛ n‑na a ma ka wan, yɔ an kun ti chɛ‑a a fɔ buɛ min dɔ an ye, a ma koe a. An ta‑a wan Pɔɔ a pimbi ɔ, Andipatisi duu ɔ.

CHISƆSI 'A SƆ MƆƐ NU 23:35

mbɛ a‑a a fɔ a ye, a ɔ, “N mbe n too ma sɔ‑a wan i 'a bai chɛ ma, ni mɔɛ chɛ n na‑a, koɛ ɛ wo tɛ miin na.” A ɔ, an ni Pɔɔ a don kata chɛ ɔ, Mansa Ɛdɔdi Wa na‑a min sɔ.

CHISƆSI 'A SƆ MƆƐ NU 24:19

Chɛɛ Chu mɔɛ dɔ nu, miin ka‑a Esia chɛnyɛ ɔ, an ni wan nɔ a tima chɛ a, a sin mbe nyan fan an bɛɛ ni ma nɛ, i chen kɔɔ. An bɛɛ ni an ta koe ɔ yian, ni bai ɔ bai ɛ wan an da a, a si n ma.

CHISƆSI 'A SƆ MƆƐ NU 25:16

Chɛɛ n‑na a fɔ wan an ye, mbɛ Domi mɔɛ n mbe ee koe ma ka. An mbe ee kaa a tɛ ka dechee mɔɛ a bai ma. Chɛɛ mɔɛ miin mbe a ma siibia, fɔ ni an‑na a ɔ yian, an mɔɛ chɛ‑a koe min ma. A sin, an mɔɛ chɛ wɛɛ, a ɛ koɔ wan, a si an siibia ma. Chɛ an mbe a ɔ yian, mbɛ tea ɛ wan siibia chɛ mɔɛ n boo ɔ, chɛ ma, ni tea ee an boo ɔ.

CHISƆSI 'A SƆ MƆƐ NU 9:24

chɛɛ mɔɛ n‑na an 'na dɔbɛn chɛ kɔɔ yian fan Sɔɔ a. Su ɔ tee a, mɔɛ n ni wan Sɔɔ ma kɔn tena, a fa koe a. Kanda wa chɛ min tindandenɛ ni duu wa chɛ a, an ni wan sɔ ɔ a da gbɛɛ ma kɔn‑da.

GBOO FEAN BƆƐ KƆYINDI KO A 13:11

N suun ma nyɔɛ nu Chasi ɔ, an nɛ, wo buɔdia bɔ. Wo butuin chɛ, wo ni wo tachɛ buɛ n dɔ bɛn. Wo wo too ma sɔ n 'na dasi n ma. Wo ma kuiɛ dɔndɔɛ ɔ, wo ni ma faachima ɔ. A sin, Yataa min mbe faachima be, koadia ɛ to a faa ɔ, ɛ ma‑a wan wo kɔ.