CHISƆSI 'A SƆ MƆƐ NU 23:12 - Yataa 'a Dɔbɛnɛ Nama

¹² Banda ɔ ka‑a kɛn, mbɛ Chu mɔɛ dɔ nu, an bɛn‑da, an‑na dɔbɛnɛ chɛ, a si Pɔɔ ma. Mbɛ an‑na an gboo, an dɔ, an mbe ee fen kɔ fen daun, an sin mbe ee yii wɛɛ min, aan an ni Pɔɔ fa.

CHISƆSI 'A SƆ MƆƐ NU 23:12 ပူးပေါင်းရင်းမြစ်များ

MATIU 26:4

An bɛn‑da kɛn, an‑na dɔbɛnɛ chɛ wan, an ni Chisɔsi bia nun dɔ, mbɛ an‑na a fa.

MATIU 26:74

Chɛɛ Pita ɔ, “Yataa ni n tɔɔya, ni n mbe ka fania an fɔ tena. N ma kamin chɛ sɔn.” Ɛ bai chɛ fɔ‑a dechee, mbɛ tɛ kɔnɛ konchee‑a.

MATIU 27:25

Chɛɛ mɔ fanka chɛ ɔ, “Aa. A fa koe ni sɛ nn kun ma, nn bɛ nn 'na denɛ n na.”

CHISƆSI 'A SƆ MƆƐ NU 23:13

Mɔɛ miin‑na koe chɛ ɔ bɛn, an benden ni mɔ bi naaninɛ ma.

CHISƆSI 'A SƆ MƆƐ NU 23:14

Mbɛ an‑na an kɔɔ sɔ, an ta‑a Chu n tɛ mɔɛ nu Yataa a, an 'na mansa n tena, an bɛ Chu gbakoo n na. Mbɛ an‑na a fɔ, an dɔ te, “Nn‑na nn gboo kaina dɔndɔ, mbɛ nn ma fen kɔ fen daun, aan nn ni Pɔɔ fa.

CHISƆSI 'A SƆ MƆƐ NU 23:21

Chɛɛ i ma i too ma sɔ an ma. Koe min na mu, mɔɛ n mbe wan nun dɔ, Pɔɔ ma kɔn tena. An mɔɛ nu, an benden mu mɔ bi naanin bɛɛ ma. An‑na an gboo wan, mbɛ an mbe ee daun chɛ, an sin mbe ee yii wɛɛ min, aan an ni Pɔɔ fa. An gbu sin ma bɛndenɛ mu gbɛ sanche, a ma koe a. An mbe gbɛ dechee i wan ma kɔn tena, an ni a a min, ni e bai min fɔ‑a.”

CHISƆSI 'A SƆ MƆƐ NU 23:30

Chɛ an fɛ mu, mɔɛ‑a a fɔ kɛn n ye, mbɛ Chu mɔɛ n mbe dɔbɛnɛ chɛ tena, a fa koe a, n ma tima yayi ni. N‑na a ma wan, an na‑a i tena. Mɔɛ chɛ n bɛɛ, miin‑na a bia, n‑na a fɔ wan an bɛɛ ye, mbɛ an ni ta an 'na bai a i tena.

CHISƆSI 'A SƆ MƆƐ NU 25:3

a ni basan an ma, a ma koe a, an ni na Pɔɔ a Chuusaɛn duu ɔ. An‑na chɛ fɔ, koe min na mu, an na‑a a ɔ bɛn fan, a fa koe a chia tɛ.

CHISƆSI 'A SƆ MƆƐ NU 9:23

Tee sɛsɛ bendenɛ gbakɔ, Chu mɔɛ n bɛn‑da wan kaina dɔndɔ, mbɛ an‑na a ɔ bɛn Sɔɔ fa koe a,

CHISƆSI 'A SƆ MƆƐ NU 9:24

chɛɛ mɔɛ n‑na an 'na dɔbɛn chɛ kɔɔ yian fan Sɔɔ a. Su ɔ tee a, mɔɛ n ni wan Sɔɔ ma kɔn tena, a fa koe a. Kanda wa chɛ min tindandenɛ ni duu wa chɛ a, an ni wan sɔ ɔ a da gbɛɛ ma kɔn‑da.

GBOO SAA KƆYINDI KO A 16:22

Mɔ ɔ mɔ, Mansa Chisɔsi ko a ee dia min ye, danka ni ma a fɛ. Mansa Chisɔsi, na wɛ nn ye.

GBOO FEAN BƆƐ KƆYINDI KO A 11:26

N 'na tachɛ sɛsɛ n dɔ, n ni wan chianɛ kɔɔ, yii fa boo ɔ, a basan kanka n na. N ni wan chianɛ kɔɔ, n bɔ Chu mɔɛ n boo ɔ, ni mɔɛ chɛ n bɛɛ boo ɔ, miin ma Chu mɔ a. Ko ma chiandenɛ n ma‑a wan duu wa n dɔ, an ma‑a fuinɛ ma, an ma‑a kɔ yii a. N suun ma nyɔɛ chɛ n gbu wɛɛ Chasi ɔ, a wakoe ni sa ɔ dechee miin ya kɔɔɛ, chɛɛ a ee an faa ɔ, n chiandenɛ ni wan an ma.

Gboo Kadesia Ko A 3:13

Chasi‑a mmɔ kun ka wan, a bɔ sawa chɛ 'a danka kɔɔ. Mmɔ wakoe an na‑a a ma, a‑a danka chɛ ɔ bia, a ka koe a mmɔ kun ma. Koe min na mu, a nyɛnden fan mu Yataa 'a gboo ɔ, “Mɔ ɔ mɔ, min mbe fa‑a dɛn dɔ kɔnɛ ma, Yataa ni a danka.”

Gboo Saa Tɛsadonika Ko A 2:16

Nn ni sakana bai chɛ sa wan, mɔɛ chɛ n tena, miin ma Chu mɔ a. Chɛ an ni a ma, an mbe bauncha ma sɔn Yataa a. An‑na butuin chɛ wan, min mbe a ma, nn ni sɛmbɛ chɛ ma koe a to. Chɛ gbu‑a a ma gbɛ, an 'na ko yama maenɛ da fa‑a gban. A sin, Yataa ɛ a faatɛ a bɔ tena gbɛ an ma, mbɛ a sin ɛ ko ma gbaaenɛ si‑a wan an na.