CHISƆSI 'A SƆ MƆƐ NU 23:11 - Yataa 'a Dɔbɛnɛ Nama

¹¹ Mbɛ a yɛɛ dɔndɔ gbe chɛ ma, Mansa Chisɔsi na‑a, a sɔ‑a Pɔɔ baima. Mbɛ Chisɔsi gbu ɔ, “I ma chian. I‑a a ɔ yian buɛ min dɔ, mɔɛ n na Chuusaɛn duu ɔ, i‑a koe min dɔ sɔn, a si n ma, e an ma tena to pan bɛɛ Domi duu ɔ.”

CHISƆSI 'A SƆ MƆƐ NU 23:11 ပူးပေါင်းရင်းမြစ်များ

MATIU 14:27

Mbɛ a ya kɔɔɛ a, Chisɔsi koɔ‑a an tena, a ɔ te, “Wo sɛmbɛ ka kaina chɛ an yee tɛ‑a. N fan mu, wo ma chian.”

MATIU 28:20

A sin, wo ni mɔɛ n kan sawa chɛ n gbɛɛ bia koe a, n na‑a miin be wo ma. Wo sin ni dan to a a, mbɛ n mbe ma‑a wan wo fɛ tima ɔ tima, aan dunya chɛ ni ban bɛɛ.”

MATIU 9:2

Mbɛ a yen ko, mɔɛ dɔ n na‑a a tena kamin dɔndɔ a, min ni namaa a, ɛ sa ɔ yaa ɔ. Mbɛ Chisɔsi‑a a ɔ yen danaya min nyɔn sima ni an dɔ. Mbɛ a‑a a fɔ namaa chɛ ma, a ɔ, “N 'na den, i faa ma yɔn. N mbe a fɔ tena i ye, mbɛ n‑na n boo bɔ i 'a ko yama ɔ.”

DUKU 16:28

a mu min na, n dɔ kaima duu n mbe nɔ. A ni ta, a ni an na si, min mbe a ma, an bɛɛ ma na na nɛ tɔɔya chɛ ɔ, n mbe ka min dɔ.’

CHƆN 14:18

“Ni n ta‑a, n mbe ee wo boo ka‑a. N mbe yɛ‑a wan wo tena.

CHƆN 16:33

N mbe chɛ gbɛɛ fɔ tena wo ye, min mbe a ma, wo ni faachima sɔn. Koe min na mu, mɔ dɔndɔɛ mu mmɔ a, mmɔ gbɛɛ. Ko yawaenɛ n mbe wo tan‑da wan dunya chɛ ɔ. Chɛɛ wo wo faa sɔ, n kun‑da gbasaya ti ma dunya chɛ ɔ.”

CHISƆSI 'A SƆ MƆƐ NU 18:9

Yɛɛ dɔndɔ ma, Mansa Yataa‑a koe ɔ yian fan Pɔɔ a, yɔ a ni cho an dɔ. Yataa‑a a fɔ wan Pɔɔ ye, a ɔ, “Pɔɔ, i ma chian, koe min na mu, n mbe i fɛ. Mɔ ɔ mɔ ee che ko yama ma‑a i a. E Yataa bai sa min na, a a tun, i ma sɛmbɛ. Koe min na mu, mɔ sɛsɛ n mbe wan nɛ duu chɛ ɔ, miin mu n 'na mɔɛ n na.”

CHISƆSI 'A SƆ MƆƐ NU 19:21

Koe chɛ n gbɛɛ gbakɔ, Pɔɔ‑a a yiima ɔ bɛn fan, Yataa Nyina 'a gbasaya ɔ, ben koe a Masidonia chɛnyɛ ɔ, a basan Akaya a, ta koe a Chuusaɛn duu ɔ. A‑a a fɔ wan, a ɔ, “Ni n ta‑a Chuusaɛn, n mbe che‑a wan Domi bɛɛ.”

CHISƆSI 'A SƆ MƆƐ NU 2:25

Koe min na mu, Mansa Defidi wandi gbu na‑a chɛ an fɔ, Yataa 'a gboo ɔ, a si Chisɔsi ma, a ɔ, ‘N mbe Mansa Yataa yen fan sɔ ɔ n ya kɔɔ, tima ɔ tima ko a. Ɛ n baima, chɛ an‑na a fɔ, n ma n gbɔsɔ ni.

CHISƆSI 'A SƆ MƆƐ NU 20:22

Sanche gbɛ sin, n yen ko, n mbe ee che Yataa Nyina da a kuiɛ bɔ a ɔ, n mbe ka ta‑a Chuusaɛn duu ɔ wan. N gbu ma a ɔ sɔn, koe min mbe n tan‑da nɔ.

CHISƆSI 'A SƆ MƆƐ NU 22:15

Koe min na mu, a toen mu i ni ma siiya a a ko a, mɔɛ gbɛɛ tena dunya ɔ, a si koe chɛ ma, i‑a min dɔ yen, a basan chɛ a, i‑a min na min.

CHISƆSI 'A SƆ MƆƐ NU 22:18

mbɛ n‑na Mansa Chisɔsi yen. A ni wan a fɔ tena n ye, a ɔ, ‘A a gbandia, i ni bɔ dɔndɔ gbe nɛ chɛ Chuusaɛn duu ɔ. Koe min na mu, an mbe ee an boo si‑a bai chɛ kɔɔ, e miin fɔ‑a, a si n ma.’

GBOO SAA KƆYINDI KO A 9:1

Ko ɔ ko boo ee n na, ae? Chisɔsi 'a sɔ mɔɛ mu n na, ae? N‑na a yen fan n ya a pɛnɛnɛ, mmɔ 'a mansa chɛ. A sin, wo ma min chɛ a Chisianɛ n na, a bɔ‑a wai chɛ an dɔ, n‑na min chɛ Mansa Chisɔsi ko a.

Gboo Fiipai Ko A 1:13

Chɛ‑a a ma gbɛ, mɔɛ gbɛɛ, an‑na a ɔ sɔn, mbɛ n mbe sa ɔ pimbi chenɛ min na, Chasi an fɛ mu. Soya chɛ n gbɛɛ nɛ, miin mbe Domi kun ti wa 'a kata kun ma fɛn, an‑na chɛ ɔ sɔn fan, a basan mɔ sɛsɛ dɔ gbɛɛ n bɛɛ a nɛ.

2 TIMOTI 4:17

Chɛɛ Mansa Chisɔsi sɔ‑a wan n kɔ gban, a‑a a ma n che‑a a 'a sakana bai fɔ‑a chɛndɛ chɛ. Chɛ‑a a ma wan, mɔɛ miin ma Chu mɔ a, an gbɛɛ‑a a a min. A sin to, a‑a n kun ka wan.