Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




CHISƆSI 'A SƆ MƆƐ NU 23:1 - Yataa 'a Dɔbɛnɛ Nama

1 Mbɛ Pɔɔ‑a kuti wa chɛ ma fɛn, mbɛ a‑a a fɔ, a ɔ, “N suun ma nyɔɛ nu, a ka n suun tima ma, aan a sɔ tee chɛ ma, n ma sika ni n fandi ɔ. A sin, n mbe tachɛ tena tea chia an na, Yataa chen kɔɔ.”

အခန်းကိုကြည့်ပါ။ ကော်ပီ




CHISƆSI 'A SƆ MƆƐ NU 23:1
17 ပူးပေါင်းရင်းမြစ်များ  

Chɛɛ n mbe sanche gbɛ a fɔ tena wo ye, mbɛ ni mɔ ɔ mɔ faa tɛ‑a a ɔ benden ba a a, a suun ma nyɔɛ ma, an mɔɛ chɛ ɛ gbɛmbo‑a wan. Mɔ ɔ mɔ min mbe bai yama sa‑a a suun ma nyɔɛ ma, an mɔɛ chɛ ta gbɛmbo kɔ ɛ gbɛ‑a wan, Chu kuti wa ɔ. A sin, mɔ ɔ mɔ min mbe a fɔ‑a a suun ma nyɔɛ ma, a ɔ, ‘Yataa sɔn bai mu a a,’ a mɔɛ chɛ nɛnɛ ɛ ta‑a ta an dɔ, ni a fa‑a.


A ɔ, “Fa nu, n suun ma nyɔɛ n gbɛɛ, wo wɛn na sɔndenɛ ɛ nɛ bi, wo wo too ma sɔ n ma, n mbe koɔ n fandi ko a.”


Chɛɛ an ban‑da ɔ ka dɔndɔɛ ma, soya n kun ti chɛ, a toen ni kɛn a ni a ɔ sɔn, koe min gbu na‑a a ma, Chu mɔɛ n‑na kunɛ si Pɔɔ kun ma, a‑a a fuin. Mbɛ Chu n tɛ mɔɛ nu Yataa a, an 'na mansa nu, a‑a a fɔ an ye, an bɛ Chu kuti wa ɔ mɔɛ n na, a ɔ, an ni na, an ni bɛn. An bɛn‑da kɛn, a yii‑a wan Pɔɔ a, a‑a a sɔ an chen kɔɔ.


Chu n tɛ mɔ wa Yataa a, ni Chu kuti wa ɔ mɔɛ n gbɛɛ, an mbe kun fan an ni siiya bɔ chɛ ma. N‑na gboo nyɛndenɛ ma sɔn, a ka an fan na, ta koe a mmɔ suun ma nyɔɛ n tena, Damasikɔsi duu ɔ. A sin, n ni ta tena nɔ, chɛ n bɛɛ bia koe an na, n ni na an na, an chiienɛ ɛ, Chuusaɛn duu ɔ, an tɔɔya koe a.


Nn toen mu min na sanche gbɛ, a ma wɛ, wo bɛ mmɔ 'a kuti wa chɛ a, wo ni sakana a ta Domi soya n kun ti chɛ tena, na koe a an Pɔɔ a, wo tena. Wo a ma, yɔ wo toen mu, wo ni a ɔ tisa wan chɛndɛ chɛ, a 'a bai ɔ gbɛ koe a. Chɛɛ a e na to a fo‑a wo tena, nn mbe ma‑a wan gbɛ a ma kɔn‑da, a fa koe a.”


Mbɛ kamin tɔngbɔɛ chɛ ɔ, “Chu gbakoo chɛ nu, an gbɛɛ‑a an kun puin kaina dɔndɔ, i ɔ tisa koe a, i ni Pɔɔ a ta Chu kuti wa chɛ ɔ. An mbe a ma tena wan, yɔ an toen mu, an ni a wakoe an kɔɔ gbɛngbɛn chɛndɛ chɛ.


N toen fan ni, n ni a ɔ sɔn, ni an‑na a bia koe min ko a. Mbɛ n ta‑a an Pɔɔ a, an 'na kuti wa chɛ ɔ.


Pɔɔ‑a a ɔ yen fan, mbɛ fanka chɛ tɛ ɔ, mɔɛ dɔ n ni Sadusii mɔɛ n fan na, mɔɛ dɔ n sin ni Fayisii n fan na. A‑a chɛ ɔ yen kɛn, mbɛ a koɔ‑a, a kuiɛ ma sɛenɛ a, Chu kuti wa chɛ tena, a ɔ te, “N suun ma nyɔɛ nu, n mbe dɔbɛn chɛ an dɔ, an mbe min chee Fayisii dɔbɛnɛ. N‑na n woo mɔɛ n tan an dɔ, n mbe e na to suun‑da. A sin, n mbe nɛ kuti chɛ ɔ, koe min na mu, n yii na tɛen fan mu, mbɛ ni mɔ gbu fa‑a, ɛ a kɔɔ sɔ wan to a ka saya ɔ.”


Chɛ an fɛ mu, tima ɔ tima ko a, n mbe ko sɛsɛ ɔ bia wan, n yiima a koenɛ ni ma Yataa tena, a basan n bɔ mɔ gbu n bɛɛ a.


Mɔɛ miin gbɛɛ ni ka si ɔ an Chu kuti wa ɔ, an ya to‑a ka wan Sitibin na, mbɛ an‑na a ya kɔɔɛ yen, yɔ maeka ta ɛ buɛ min dɔ.


N yiima a koenɛ mu fion. Chɛ ma a yian ni, mbɛ ko yama ma mɔ ma n na. Mansa Chisɔsi dɔndɔ gbe an mbe kaa a tɛ, a si n ma.


Nn mbe yonka tɛ ko dɔndɔ gbe an na, nn gbu sin yii na koen mu an na dechee. An nɛ, mbɛ nn mbe fɔɛ min dɔ dunya chɛ ɔ, a bɛbɛɛ nn tachɛ buɛ wo tena, mbɛ Yataa fɔɛ mu, tea ɛ min dɔ. Nn mbe chɛ ma tena Yataa 'a duaya an dɔ, mɔgbuya ta yiimatɛ ɔ ma.


Chɛɛ nn‑na nn yii na chii, nn ma nn boo chɛ ni mauma koe kan kɔ kan dɔ, a ni ma nun dɔ wɛɛ a. Nn sin mbe ee koe n ma, miin mbe mɔɛ n bun. Nn gbu sin mbe ee Yataa 'a bai ma sa chia ɔ chia a. Chɛɛ nn mbe fɔɛ min dɔ, Yataa chen kɔɔ, basɔmaya da faenɛ kɔɔ mu. A sin, chɛ ɛ na tena wan pɛmbɛ a nn ko a, mɔɛ gbɛɛ tena, yiinachii chɛndɛ ɔ.


N mbe Yataa wai bɔ tena i ko a, n mbe wai chɛ tena min ye n yiima a koenɛ a fion, yɔ n bemba n ta bemba n ni a ma tee buɛ min dɔ. N mbe samunɛ chɛ tena i ko a su ɔ tee a.


Wo wo boo a chii samunɛ ma, nn ko a. Nn danden fan mu a a, mbɛ nn yiima a koenɛ mu fion. Koe min na mu, nn mbe butuin chɛ tima ɔ tima ko a, tea koe an ma koe a.


Chɛɛ wo tima ya a ɔ yian koe a an na, basɔmaya chia a. Wo yiima a koenɛ ni ma, min mbe a ma, wo main mɔɛ n ni mau wo ma. Mɔɛ chɛ nu, miin mbe bai yama sa wo ma, wo e ma ko chɛndɛ n ma‑a. Wo e chɛ ma, koe min na mu, wo ma‑a mɔ dɔndɔɛ a, wo bɛ Chasi a.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ