CHISƆSI 'A SƆ MƆƐ NU 22:5 - Yataa 'a Dɔbɛnɛ Nama

⁵ Chu n tɛ mɔ wa Yataa a, ni Chu kuti wa ɔ mɔɛ n gbɛɛ, an mbe kun fan an ni siiya bɔ chɛ ma. N‑na gboo nyɛndenɛ ma sɔn, a ka an fan na, ta koe a mmɔ suun ma nyɔɛ n tena, Damasikɔsi duu ɔ. A sin, n ni ta tena nɔ, chɛ n bɛɛ bia koe an na, n ni na an na, an chiienɛ ɛ, Chuusaɛn duu ɔ, an tɔɔya koe a.

CHISƆSI 'A SƆ MƆƐ NU 22:5 ပူးပေါင်းရင်းမြစ်များ

DUKU 22:66

Banda ɔ ka‑a kɛn, mbɛ Chu gbakoo n bɛn‑da kaina dɔndɔ. Chu n tɛ mɔɛ nu Yataa a, an 'na mansa n bɛɛ ni wan an bɛn chɛ ɔ, a basan Chu n 'na sawa kan mɔɛ n na. Mbɛ an gbɛɛ‑a a ma, an na‑a Chisɔsi a an chen kɔɔ.

CHISƆSI 'A SƆ MƆƐ NU 1:15

Tee kuunden gbakɔ, mɔɛ miin‑na an kai fa Chisɔsi Chasi a, an bɛn‑da wan kaina dɔndɔ. An danɛ taen fan ni mɔ chɛmɛ dɔndɔ, ni mɔ bi fea ɔ. Mbɛ Pita‑a a kɔɔ sɔ, koɔ koe a an tena.

CHISƆSI 'A SƆ MƆƐ NU 13:26

“N suun ma nyɔɛ nu, wo wɛn mu Ebeami cheeya n na, ni wo wɛɛ, wo wɛn ma Chu mɔ a, chɛɛ wo wɛn mbe kooya be Yataa ma, wo chɛ a min. Sakana bai chɛ, min mbe na bauncha a, a naen mu mmɔ gbɛɛ an ko a.

CHISƆSI 'A SƆ MƆƐ NU 2:29

Mbɛ Pita‑a a fɔ to, a ɔ, “N 'na mɔɛ nu, n mbe na tena ka tea bai an fɔ‑a wo ye, a si mmɔ bemba n ta bemba ma, Mansa Defidi. A fa‑a wan, mbɛ a tɔn‑da. A sin, a kamba ɛ wɛ nɛ sanche sa ɔ mmɔ tɛ ɔ.

CHISƆSI 'A SƆ MƆƐ NU 22:1

A ɔ, “Fa nu, n suun ma nyɔɛ n gbɛɛ, wo wɛn na sɔndenɛ ɛ nɛ bi, wo wo too ma sɔ n ma, n mbe koɔ n fandi ko a.”

CHISƆSI 'A SƆ MƆƐ NU 23:1

Mbɛ Pɔɔ‑a kuti wa chɛ ma fɛn, mbɛ a‑a a fɔ, a ɔ, “N suun ma nyɔɛ nu, a ka n suun tima ma, aan a sɔ tee chɛ ma, n ma sika ni n fandi ɔ. A sin, n mbe tachɛ tena tea chia an na, Yataa chen kɔɔ.”

CHISƆSI 'A SƆ MƆƐ NU 23:6

Pɔɔ‑a a ɔ yen fan, mbɛ fanka chɛ tɛ ɔ, mɔɛ dɔ n ni Sadusii mɔɛ n fan na, mɔɛ dɔ n sin ni Fayisii n fan na. A‑a chɛ ɔ yen kɛn, mbɛ a koɔ‑a, a kuiɛ ma sɛenɛ a, Chu kuti wa chɛ tena, a ɔ te, “N suun ma nyɔɛ nu, n mbe dɔbɛn chɛ an dɔ, an mbe min chee Fayisii dɔbɛnɛ. N‑na n woo mɔɛ n tan an dɔ, n mbe e na to suun‑da. A sin, n mbe nɛ kuti chɛ ɔ, koe min na mu, n yii na tɛen fan mu, mbɛ ni mɔ gbu fa‑a, ɛ a kɔɔ sɔ wan to a ka saya ɔ.”

CHISƆSI 'A SƆ MƆƐ NU 26:10

N‑na chɛ an ma Chuusaɛn duu ɔ. N‑na a ma wan, Chu mɔɛ n tɛ mɔɛ nu Yataa a, an 'na mansa, a‑a gbasaya be n ma, n‑na Yataa 'a mɔɛ n sa pimbi chenɛ a. Chɛ dechee nii ma, chɛɛ an ni kɛn kaa a tɛ‑a, an fa koe ma, n‑na toa si wan a kɔɔ.

CHISƆSI 'A SƆ MƆƐ NU 26:11

Tima sɛsɛ ko a, n‑na an na mɔnɛ wan, Chu n 'na samun chɛ chenɛ n na. A sin to, n‑na butuin chɛ wan, a ma koe a, an ni Yataa main. Mbɛ n yɛ‑a, faatɛ wa ɔ, n‑na ko yawaenɛ sa an ma. N ni ta wan duu wa dɔ mende n bɛɛ ɔ, chɛnyɛ dɔ mende n dɔ.

CHISƆSI 'A SƆ MƆƐ NU 26:12

“Chɛ ko a, n‑na chia bia wan, n bun‑da ta‑a Damasikɔsi duu ɔ. Chu n tɛ mɔɛ nu Yataa a, an 'na mansa nu, an fan‑na gbasaya be n ma, ta koe a nɔ, an da a kuiɛ kɔɔ.

CHISƆSI 'A SƆ MƆƐ NU 28:17

Tee sawa gbakɔ, Pɔɔ‑a Chu mɔɛ n kun ti n chee wan, miin ni Domi bɛnɛ ɔ. An bɛn‑da kɛn, mbɛ a‑a a fɔ an ye, a ɔ, “N suun ma nyɔɛ nu, n ma ko yama kan kɔ kan ma ni, mmɔ 'a mɔɛ n na, n ma mmɔ fa n 'na manda yɔn ni. Chɛɛ chɛ gbɛɛ ɔ, an‑na n ma wan pimbi chenɛ a sa mɔɛ a Chuusaɛn duu ɔ, mbɛ an‑na n be Domi mɔɛ n ma.

CHISƆSI 'A SƆ MƆƐ NU 28:21

Mbɛ an dɔ a ma, an dɔ, “Nn ma‑a gboo nyɛnden kan kɔ kan ma sɔn ni, a ka Chudia chɛnyɛ ɔ, a si i ma. A yɛ to, mmɔ suun ma nyɔ kan kɔ kan, a ma ka ni nɔ, a ni na i 'a siibia a, chɛ ma, a ni bai yama ɔ yian, a si i ma.

CHISƆSI 'A SƆ MƆƐ NU 3:17

“N suun ma nyɔɛ nu, n‑na a ɔ sɔn fan gbɛ, mbɛ ko ɔ gbɛ waiya an‑na a ma, wo‑a chɛ ma Chisɔsi a. An‑na a ma, wo 'a ya ɔ sɔɛ n bɛɛ‑a a ma.

CHISƆSI 'A SƆ MƆƐ NU 4:5

Banda ɔ ka‑a kɛn, Chu n kun ti nu, ni Chu n 'na gbakoo nu, an bɛ Chu n 'na sawa kan mɔɛ n na, an gbɛɛ bɛn‑da Chuusaɛn duu chɛ ɔ.

CHISƆSI 'A SƆ MƆƐ NU 5:21

Chisɔsi 'a sɔ mɔɛ chɛ n bɛɛ ma maeka chɛ da a kuiɛ yɔn ni. Mbɛ sau sau ma, an don‑da wan Yataa 'a kata chɛ ɔ, mbɛ an‑na a kuu sɔ mɔɛ n kan‑da. Mbɛ Chu n tɛ mɔ wa Yataa a, an bɛ a bɔɛ n na, an‑na Chu kuti wa si kaina dɔndɔ, min mbe a ma, an ni bɛn ba bia. Mbɛ an bɛn‑da kɛn, an‑na mɔɛ a ta wan pimbi chen chɛ a, min mbe a ma, an ni na Chisɔsi 'a sɔ mɔɛ chɛ n na an chen kɔɔ.

CHISƆSI 'A SƆ MƆƐ NU 9:14

Mbɛ a sin gbu na‑a ka wan gbɛ Damasikɔsi, gboo nyɛndenɛ a a boo ɔ. Gboo chɛ sin, a‑a gbasaya be wan a ma, a ka Chu n tɛ mɔɛ nu Yataa a, an 'na mansa n tena, mɔɛ n gbɛɛ bia koe a, miin mbe i fai tena.”

Gboo Kadesia Ko A 1:13

Chɛɛ wo gbu, wo na‑a a a min fan, n ni Chu n 'na sawa n bia buɛ min dɔ gbau gbau, a si Yataa fai koe ma. N‑na ko yawaenɛ sa wan mɔɛ n ma, a yama boo a, chɔchi ɔ. N gbu toen ni, n ni an kasaa wan.

Gboo Fiipai Ko A 3:6

Ko ɔ ko kan kɔ kan, n ta yiima ɔ, Yataa toen ni n ni min ma, n ni a ma wan n sɔɛ gbɛɛ a. N fan ni a ma, ko yawaenɛ ni sa chɔchi mɔɛ n ma. Chu n 'na sawa nan sin, min sien ni tachɛ koe ma a a teaya ɔ, mabɔ nii ma a ɔ.

1 TIMOTI 4:14

Yataa Nyina‑a fenɛ min be i ma, Yataa 'a gbonka chɛ mɔɛ n koɔ‑a tima min na, mbɛ chɔchi gbakoo n‑na an boo bun i ma, a bia i boo fea a.