CHISƆSI 'A SƆ MƆƐ NU 22:25 - Yataa 'a Dɔbɛnɛ Nama

²⁵ Chɛɛ an‑na a kuu sɔ kɛn a chii‑a yuu a, a gbasi koe a, mbɛ soya gbakoo chɛ, min ni ka nɔ sɔ ɔ, Pɔɔ‑a a ɔ tisa. A ɔ, “Mmɔ 'a sawa dɔnden fan mu a ma, Domi mɔɛ gbasi koe a bosa a pien, kaa a ma tɛ nin bɛ min ma, ko yama ma koe a?”

CHISƆSI 'A SƆ MƆƐ NU 22:25 ပူးပေါင်းရင်းမြစ်များ

MATIU 10:17

Wo wo kun ma fɛn, a mu min na, an mbe wo bia‑a wan, an ni ta wo a gbakoo n chen kɔɔ. An mbe yɛ‑a wan to, an ni wo gbasi an 'na samun chɛ chenɛ n na.

MATIU 27:54

Domi soya gbakoo chɛ, min ni Chisɔsi a tɛ tena, a‑a a ɔ yen min ma‑a. A 'a soya n bɛɛ, an‑na a ɔ yen fan. An‑na a ɔ yen kɛn duu gboo samba‑a, a basan koe chɛ n gbɛɛ a miin ma‑a, chiandia‑a an gboo fa wan. Mbɛ an dɔ, “Kamin chɛ ni Yataa 'a denɛ chɛndɛ chɛndɛ gbu an na.”

MATIU 8:8

Chɛɛ soya gbakoo chɛ ɔ, “Fa, i ma ta n baa. A mu min na, mɔ a tenden ma n na i don koe a n 'na chenɛ a. Chɛɛ i da a kuiɛ a ben dechee, n 'na bɔi denɛ ɛ baun‑da wan.

CHISƆSI 'A SƆ MƆƐ NU 10:1

Kamin dɔndɔ ni wan nɔ Sisayea duu ɔ, min tɔ ni Kɔniyɔsi. A ni soya gbakoo dɔndɔ an na, Domi soya chɛmɛ dɔndɔ kun ma. Chɛ ni kaka dɔndɔ an na, soya chɛ n tɛ ɔ, an ni miin chee, an dɔ, Itadi mɔɛ n 'na soya nu.

CHISƆSI 'A SƆ MƆƐ NU 16:37

Chɛɛ Pɔɔ‑a a fɔ wan an ye, a ɔ, “Nn ma ko kan kɔ kan yɔn ni, chɛɛ chɛ gbɛɛ ɔ, an‑na nn gbasi fanka ɔ den. Min gbu sin mu ka Domi mɔɛ tiki tiki mu nn na. Mbɛ an yɛ‑a to, an‑na nn na dɛ pimbi chenɛ a. Mbɛ sanche gbɛ an toen mu, an ni nn na bɔ pimbi chenɛ a, nun dɔ. Chɛ ee ma. Ɛ nyan fan, Domi mansa chɛ n fandi gbu, an ni na nn na bɔ.”

CHISƆSI 'A SƆ MƆƐ NU 22:26

Soya gbakoo chɛ‑a bai chɛ a min kɛn, a ta‑a wan an kun ti tena, mbɛ a ɔ, “E fen ma‑a gbɛ? A yen ko, kamin chɛ mu Domi mɔɛ an na.”

CHISƆSI 'A SƆ MƆƐ NU 23:17

Mbɛ soya gbakoo dɔndɔ, Pɔɔ‑a a chee. Mbɛ a‑a a fɔ a ye, a ɔ, “Ta n ye kamin tɔngbɔɛ chɛ a, wo kun ti chɛ tena. Bai chenama an mbe a da a, a ɔ yian koe a a a.”

CHISƆSI 'A SƆ MƆƐ NU 23:27

Chu mɔɛ chɛ n‑na kamin chɛ an bia. An toen ni, an ni a fa. N‑na a a min fan, mbɛ Domi mɔɛ an nɛ a a. Chɛ‑a a ma wan, nn bɛ ta‑a n 'na soya mɔɛ n na, mbɛ nn‑na a bɔ an boo ɔ.

CHISƆSI 'A SƆ MƆƐ NU 25:16

Chɛɛ n‑na a fɔ wan an ye, mbɛ Domi mɔɛ n mbe ee koe ma ka. An mbe ee kaa a tɛ ka dechee mɔɛ a bai ma. Chɛɛ mɔɛ miin mbe a ma siibia, fɔ ni an‑na a ɔ yian, an mɔɛ chɛ‑a koe min ma. A sin, an mɔɛ chɛ wɛɛ, a ɛ koɔ wan, a si an siibia ma. Chɛ an mbe a ɔ yian, mbɛ tea ɛ wan siibia chɛ mɔɛ n boo ɔ, chɛ ma, ni tea ee an boo ɔ.

CHISƆSI 'A SƆ MƆƐ NU 27:1

A tima che‑a, dɔbɛnɛ chɛ‑a wan nn si koe a dɛndɛ ɔ, a ta Itadi chɛnyɛ ɔ. An‑na Pɔɔ be wan, a basan pimbi chenɛ a sa mɔɛ dɔ mende n na, Chudiɔsi dɔndɔ ma. Chudiɔsi chɛ, a ni soya gbakoo an na, soya chɛmɛ dɔndɔ ko a, an ni miin chee, an dɔ, Domi Kun Ti Wa Soya nu.

CHISƆSI 'A SƆ MƆƐ NU 27:3

Tee dɔndɔɛ ma, mbɛ nn che‑a Sidon duu ɔ. Chudiɔsi‑a Pɔɔ bia wan chɛndɛ chɛ, mbɛ a‑a a boo ka a ma. A ɔ, Pɔɔ ni ta, a ni a dia nyɔɛ n yen, basan koe a a ma, mbɛ a yɛ‑a.

CHISƆSI 'A SƆ MƆƐ NU 27:43

Chɛɛ soya gbakoo chɛ, a nii ma to ni Pɔɔ ni fa. Mbɛ a‑a an na gban, an 'na dɔbɛn chɛ, a ta koe a ya ɔ ma. A‑a min ma dechee, a‑a a fɔ wan an gbɛɛ ye dɛndɛ chɛ ɔ, a ɔ, mɔɛ miin kosan nɔɔɛ chɛ‑a, an pɛn ni tin yii chɛ ɔ, an ni nɔɔɛ chɛ, a ta tindi ma.