CHISƆSI 'A SƆ MƆƐ NU 22:15 - Yataa 'a Dɔbɛnɛ Nama

¹⁵ Koe min na mu, a toen mu i ni ma siiya a a ko a, mɔɛ gbɛɛ tena dunya ɔ, a si koe chɛ ma, i‑a min dɔ yen, a basan chɛ a, i‑a min na min.

CHISƆSI 'A SƆ MƆƐ NU 22:15 ပူးပေါင်းရင်းမြစ်များ

CHƆN 15:27

A sin gbu, wo wɛɛ, wo e n bakoe ɔ yian‑da wan mɔɛ n na. Koe min na mu, kɛn n‑na a kuu sɔ kanɛ chɛ‑a, mmɔ bɛ an mbe ben ben tena.

CHISƆSI 'A SƆ MƆƐ NU 1:8

Chɛɛ wo e gbasaya ma sɔn‑da wan, ni Yataa Nyina chɛ bea‑a wo fɛ. A tima chɛ a, wo e a ɔ yian‑da wan mɔɛ n na, wo‑a min dɔ sɔn, a si n ma. Wo e a ɔ yian‑da wan mɔɛ n na Chuusaɛn duu ɔ, wo ni a ɔ yian Chudia chɛnyɛ tɔɛ gbu gbɛɛ ɔ, ni Samayia chɛnyɛ ɔ, a che kan kɔ kan dunya gbɛɛ ɔ.”

CHISƆSI 'A SƆ MƆƐ NU 22:14

Mbɛ a ɔ, ‘Yataa, mmɔ bemba n ta bemba n ni min fai, an‑na a boo sɔ bi i ma, i ni a faa ma koe ɔ sɔn. Chɛ ni a ma, i ni mɔɛ chɛ yen, min tanden mu Yataa tena gbeden, a yɛ to, i ni bai a min, min mbe bɔ‑a a da ɔ.

CHISƆSI 'A SƆ MƆƐ NU 23:11

Mbɛ a yɛɛ dɔndɔ gbe chɛ ma, Mansa Chisɔsi na‑a, a sɔ‑a Pɔɔ baima. Mbɛ Chisɔsi gbu ɔ, “I ma chian. I‑a a ɔ yian buɛ min dɔ, mɔɛ n na Chuusaɛn duu ɔ, i‑a koe min dɔ sɔn, a si n ma, e an ma tena to pan bɛɛ Domi duu ɔ.”

CHISƆSI 'A SƆ MƆƐ NU 26:20

N‑na a ɔ yian Damasikɔsi pɛn, mbɛ n‑na a ɔ yian Chuusaɛn duu ɔ wɛɛ. A yɛ to, n‑na a ɔ yian Chudia chɛnyɛ gbɛɛ ɔ, ni mɔɛ chɛ n tena, miin nii ma Chu mɔɛ n na. N‑na a ɔ yian fan an gbɛɛ a, mbɛ an ni an kan kɔ sɔ an 'na ko yama n na, an ni an ya a mun Yataa ma. A sin, an ni koe n ma, yɔ mɔɛ nu, miin‑na an kan kɔ sɔ an 'na ko yama n na.

CHISƆSI 'A SƆ MƆƐ NU 27:24

mbɛ a ɔ, ‘Pɔɔ, i ma chian. E sɔ‑a wan Domi kun ti wa chɛ chen kɔɔ. A sin yen ko, Yataa chinchin‑da i ma, a basan mɔɛ chɛ n gbɛɛ a, wo bɛ ɛ ka miin na dɛndɛ chɛ ɔ.’

CHISƆSI 'A SƆ MƆƐ NU 4:20

Koe min na mu, nn mbe ee che nn da a tɔn‑da koe n ma, nn fandi‑a koe miin dɔ yen, a yɛ to, nn too‑a miin na min.”