CHISƆSI 'A SƆ MƆƐ NU 22:14 - Yataa 'a Dɔbɛnɛ Nama

¹⁴ Mbɛ a ɔ, ‘Yataa, mmɔ bemba n ta bemba n ni min fai, an‑na a boo sɔ bi i ma, i ni a faa ma koe ɔ sɔn. Chɛ ni a ma, i ni mɔɛ chɛ yen, min tanden mu Yataa tena gbeden, a yɛ to, i ni bai a min, min mbe bɔ‑a a da ɔ.

CHISƆSI 'A SƆ MƆƐ NU 22:14 ပူးပေါင်းရင်းမြစ်များ

CHƆN 15:16

Wo wan ma n ya ni, ma koe a wo kan mɔ a, chɛɛ n fan‑na wo ya, ma koe a n fɛ mɔɛ n na. N fan‑na wo ya, mbɛ n‑na wai be wo ma, wo ni ta, wo chɛ chɛ wai ni koa. Wo chɛ chɛ wai chɛ n sin, an ni ma kuɔ fɔ wai n na. Ni wo‑a chɛ ma, Fa ɛ fen kɔ fen be‑a wan wo ma, wo e a ɔ tisa‑a min ko a, n tɔɛ ɔ.

CHISƆSI 'A SƆ MƆƐ NU 13:17

Mmɔ wan Isɔɛɛ mɔɛ n mbe Yataa min fai, an‑na a boo sɔ nn bemba n ta bemba n ma, ma koe a a ta mɔɛ n na. Mbɛ a‑a a ma, an da a koa‑a, tima min na, an ni sondaya a Ichipi chɛnyɛ ɔ. Yataa 'a gbasaya, an‑na a ma to, an bɔ‑a Ichipi chɛnyɛ chɛ ɔ.

CHISƆSI 'A SƆ MƆƐ NU 22:15

Koe min na mu, a toen mu i ni ma siiya a a ko a, mɔɛ gbɛɛ tena dunya ɔ, a si koe chɛ ma, i‑a min dɔ yen, a basan chɛ a, i‑a min na min.

CHISƆSI 'A SƆ MƆƐ NU 22:18

mbɛ n‑na Mansa Chisɔsi yen. A ni wan a fɔ tena n ye, a ɔ, ‘A a gbandia, i ni bɔ dɔndɔ gbe nɛ chɛ Chuusaɛn duu ɔ. Koe min na mu, an mbe ee an boo si‑a bai chɛ kɔɔ, e miin fɔ‑a, a si n ma.’

CHISƆSI 'A SƆ MƆƐ NU 24:14

Chɛɛ n mbe dɔn tena chɛ an ma, i chen kɔɔ. Mbɛ nn bemba n ta bemba n 'na Yataa chɛ, n mbe an fai, a sɔ koe a chia chɛ fɛ, Chisɔsi‑a min yian, a sɔ koe a a fɛ. An‑na a fɔ an ma, mbɛ tea chia ma chɛ a. Chɛɛ n danden fan mu ko ɔ ko a, min mbe sawa chɛ ɔ, Yataa na‑a min be Mosisi ma, a basan koe chɛ n na, miin mbe Yataa 'a gbonka chɛ mɔɛ n 'na gboo n dɔ.

CHISƆSI 'A SƆ MƆƐ NU 26:16

Chɛɛ i kɔɔ sɔ, i ni sɔ. Koe min na mu, n‑na n fandi yian i a, n boo sɔ koe mu i ma, wai chɛ koe a n ye. I ni siiya bɔ mɔɛ tɔɛ n tena, a si koe chɛ n ma, i‑a miin dɔ yen bi, a yɛ to, n mbe a ma‑a, e min dɔ yen‑da ya ɔ ma.

CHISƆSI 'A SƆ MƆƐ NU 5:30

Wo‑a a ma wan, Chisɔsi‑a mauma saya chɛ, kɛn wo‑a a gbangban kɔnɛ ma. Chɛɛ Yataa chɛ, nn bemba n ta bemba n ni min fai, an‑na a ma, a wan Chisɔsi chɛ‑a a kɔɔ sɔ a ka saya ɔ.

CHISƆSI 'A SƆ MƆƐ NU 7:52

Yataa 'a gbonka chɛ mɔ kan kɔ kan nii nɔ, ni wo bemba n ta bemba n ma ko ma gbaaenɛ sa ni min ma. An‑na Yataa 'a gbonka chɛ mɔɛ chɛ n fa wan, miin na‑a a gbonka suun, a si Yataa 'a wai chɛ mɔɛ ma. Mbɛ an wai chɛ mɔɛ chɛ, min tanden mu a chen kɔɔ, ɛ na‑a wan. Chɛɛ wo gbu‑a a ma tachɛ gbɛ, mbɛ wo‑a a fa.

CHISƆSI 'A SƆ MƆƐ NU 9:15

Chɛɛ Mansa Chisɔsi‑a a fɔ wan a ye, a ɔ, “Ta, mɔna chɛ mu, n‑na n boo sɔ min ma, wai chɛ koe a n ko a. A ni n bakoe ɔ yian mɔɛ n na, miin ma Chu mɔɛ n na, a basan mansa n na, an bɛ Isɔɛɛ mɔɛ n na.

CHISƆSI 'A SƆ MƆƐ NU 9:17

Mbɛ Ananiyasi ta‑a, a don‑da chen chɛ a, Sɔɔ ni min na. Mbɛ a‑a a boo bun a ma, a‑a samunɛ chɛ. A ɔ, “Sɔɔ, n suun ma nyɔɛ Mansa Chisɔsi ɔ, a wandi gbu, an‑na n sɔ ka i tena. An na‑a bɔ ka i ya a, chia chɛ a, kɛn i ni na tena nɛ duu chɛ ɔ. A‑a n sɔ, min mbe a ma, i ni kaina yen to. A yɛ to, Yataa Nyina ni bea i fɛ gban.”

GBOO DOMI KO A 1:1

N fan Pɔɔ, Chisɔsi Chasi 'a wai chɛ mɔɛ, n fan mbe ka gboo chɛ nyɛn‑da. Yataa an‑na n chee ma koe a a 'a sɔ mɔɛ a, mbɛ a‑a a ma, n ma‑a tenchen mɔɛ a, min mbe a 'a sakana bai chɛndɛ chɛ ɔ yian mɔɛ n na.

GBOO SAA KƆYINDI KO A 11:23

Koe min na mu, n bɛɛ n‑na min na ben wo tena, n‑na a ma sɔn Mansa Chisɔsi an na. An na‑a a ma tachɛ ka yɛɛ min ma, a‑a biidi gbugbu ya wan.

GBOO SAA KƆYINDI KO A 15:3

A nyɛnden mu buɛ min dɔ Yataa 'a gboo ɔ, n‑na a a ben ka wan wo tena. Chɛ an mu koe chenama saa saa a, a ɔ gbɛ koe a. Mbɛ Chasi fa‑a mmɔ 'a ko yama n fan ko a.

GBOO SAA KƆYINDI KO A 15:8

A danka‑a gbɔdɛ, a‑a a wandi yian n bɛɛ a. N fan maen mu wɛɛ, yɔ mɔɛ min suun‑da kɔndɔfii ɔ.

GBOO SAA KƆYINDI KO A 9:1

Ko ɔ ko boo ee n na, ae? Chisɔsi 'a sɔ mɔɛ mu n na, ae? N‑na a yen fan n ya a pɛnɛnɛ, mmɔ 'a mansa chɛ. A sin, wo ma min chɛ a Chisianɛ n na, a bɔ‑a wai chɛ an dɔ, n‑na min chɛ Mansa Chisɔsi ko a.

GBOO FEAN BƆƐ KƆYINDI KO A 5:21

Mmɔ ko a ni, Yataa‑a ko yama gbɛɛ si Chasi kun ma. Chɛɛ Chasi chɛ nii ma ko yama kan kɔ kan ma ni. Yataa‑a chɛ ma, min mbe a ma, mmɔ ni ma mɔ tandenɛ a a chen kɔɔ. Koe min na mu, mmɔ ma‑a mmɔ dɔndɔɛ a Chasi a.

Gboo Kadesia Ko A 1:12

Koe min na mu, mɔ gbu an ma a be ni n ma, mɔ ɔ mɔ wɛɛ ma n kan ni a ma. Chɛɛ koe ɔ nunden chɛ, Chisɔsi Chasi wandi gbu, an‑na a ɔ yian n na.

Gboo Kadesia Ko A 1:15

Chɛɛ Yataa‑a a boo sɔ wan n ma, n suun‑da tima min na. A‑a n chee wan, a 'a koadia demanɛ ɔ. A bu ɔ dia‑a wan,

2 TIMOTI 1:1

N fan Pɔɔ, n fan mbe ka gboo chɛ nyɛn‑da i tena, i wan Timoti. N faa ma denɛ mu gbɛ i a. Chisɔsi Chasi 'a sɔ mɔɛ mu n na, yɔ Yataa toen ni buɛ min dɔ a ni ma. A‑a n sɔ, n ni a ɔ yian mɔɛ n na, mbɛ ni mmɔ ma‑a mɔ dɔndɔɛ a, mmɔ bɛ Chisɔsi Chasi a, an mbe a ma, mmɔ ni kuɔ fɔ fɔɛ ma sɔn. Yataa na‑a a fɔ ka wan. Mmɔ Fa Yataa, an fea mmɔ 'a mansa Chisɔsi Chasi a, an 'na dua ni ma i ma, an 'na chinchimaya ni ma i ma, a basan an 'na faachima a.

TAITƆSI 1:1

N fan Pɔɔ, n fan mbe ka gboo chɛ nyɛn‑da i tena, i wan Taitɔsi. N 'na denɛ mu gbɛ i a, danaya dɔndɔɛ ɔ Chisɔsi ko a. Yataa 'a wai chɛ mɔɛ mu n na, ni Chisɔsi Chasi 'a sɔ mɔɛ to. A‑a n sɔ, min mbe a ma, Yataa‑a a boo sɔ ka mɔɛ miin ma dan koe a a a, n ni a ma, an ni a 'a tea sakana bai a min. Mbɛ n‑na an sɔ chia chɛndɛ ma, ma koe a Yataa fɔɛ ɔ. Mbɛ an yii na tɛenɛ ɛ ma‑a kuɔ fɔ fɔɛ ma, Yataa min mbe ee fania fɔ, a‑a tooɔdia chɛ min na, a e na to dunya a dan‑da. Mmɔ baun mɔɛ Yataa‑a sakana bai chɛ ɔ yian fan, tima chɛndɛ ma, mbɛ a‑a n sɔ a ɔ yian koe a mɔɛ n na. Mmɔ Fa Yataa, an fea Chisɔsi Chasi a, mmɔ baun mɔɛ, an ni i dua, an ni faachima be i ma.

1 PITA 2:22

A nii ma ko yama kan kɔ kan ma ni. A sin, fania bai nii ma bɔ ni a da ɔ tee dɔndɔ wɛɛ.

1 CHƆN 2:1

N 'na denɛ nu, n mbe gboo chɛ nyɛn tena wo tena, min mbe a ma, wo ma na dɛ ko yama ɔ. Chɛɛ ni mmɔ dɔndɔ wɛɛ dɛen fan mu gbɛ ko yama ɔ, mɔɛ ɛ wan mmɔ boo ɔ, min mbe koɔ mmɔ Fa Yataa tena mmɔ ko a. A mɔɛ chɛ mu Chisɔsi Chasi an na, a wɛn tanden mu Yataa tena gbeden.