CHISƆSI 'A SƆ MƆƐ NU 22:1 - Yataa 'a Dɔbɛnɛ Nama

¹ A ɔ, “Fa nu, n suun ma nyɔɛ n gbɛɛ, wo wɛn na sɔndenɛ ɛ nɛ bi, wo wo too ma sɔ n ma, n mbe koɔ n fandi ko a.”

CHISƆSI 'A SƆ MƆƐ NU 22:1 ပူးပေါင်းရင်းမြစ်များ

DUKU 12:11

“Ni an na‑a wo a wo gbɛmbo koe a mmɔ 'a samun chɛ chenɛ n na, ni an na‑a wo a ya ɔ sɔɛ n chen kɔɔ, ni an na‑a wo a kun ti n bɛɛ chen kɔɔ, wo ma wo faa gbaa wo fɔ bai ko a, ni a fɔ buɛ ko a.

DUKU 21:14

Wo wo yiima ɔ bɛn tima ya ɔ, min mbe a ma, wo ma na wo faa gbaa wo wandi ma fɔ koe a.

CHISƆSI 'A SƆ MƆƐ NU 13:26

“N suun ma nyɔɛ nu, wo wɛn mu Ebeami cheeya n na, ni wo wɛɛ, wo wɛn ma Chu mɔ a, chɛɛ wo wɛn mbe kooya be Yataa ma, wo chɛ a min. Sakana bai chɛ, min mbe na bauncha a, a naen mu mmɔ gbɛɛ an ko a.

CHISƆSI 'A SƆ MƆƐ NU 19:33

Chu mɔɛ n‑na Adɛsanda yian fan, koɔ koe a mɔɛ n tena. A tima chɛ a, mɔɛ dɔ n ni wan bai don‑da a da a, a fɔ koe a. Mbɛ Adɛsanda‑a a boo kai mɔɛ chɛ n ma, min mbe a ma, a ni koɔ an tena, Chu mɔɛ n ko a.

CHISƆSI 'A SƆ MƆƐ NU 23:1

Mbɛ Pɔɔ‑a kuti wa chɛ ma fɛn, mbɛ a‑a a fɔ, a ɔ, “N suun ma nyɔɛ nu, a ka n suun tima ma, aan a sɔ tee chɛ ma, n ma sika ni n fandi ɔ. A sin, n mbe tachɛ tena tea chia an na, Yataa chen kɔɔ.”

CHISƆSI 'A SƆ MƆƐ NU 23:6

Pɔɔ‑a a ɔ yen fan, mbɛ fanka chɛ tɛ ɔ, mɔɛ dɔ n ni Sadusii mɔɛ n fan na, mɔɛ dɔ n sin ni Fayisii n fan na. A‑a chɛ ɔ yen kɛn, mbɛ a koɔ‑a, a kuiɛ ma sɛenɛ a, Chu kuti wa chɛ tena, a ɔ te, “N suun ma nyɔɛ nu, n mbe dɔbɛn chɛ an dɔ, an mbe min chee Fayisii dɔbɛnɛ. N‑na n woo mɔɛ n tan an dɔ, n mbe e na to suun‑da. A sin, n mbe nɛ kuti chɛ ɔ, koe min na mu, n yii na tɛen fan mu, mbɛ ni mɔ gbu fa‑a, ɛ a kɔɔ sɔ wan to a ka saya ɔ.”

CHISƆSI 'A SƆ MƆƐ NU 24:10

Mbɛ kɔfana chɛ, a‑a a boo kai Pɔɔ ma, koɔ koe a. Mbɛ Pɔɔ‑a a fɔ, a ɔ, “N‑na a ɔ sɔn fan, mbɛ i mɛen mu mɔɛ n 'na bai sa‑a chɛnyɛ chɛ ɔ, nɛ i 'a kuti chɛ ɔ. Chɛ an fɛ mu, n bu ɔ diaen mu, koɔ koe a n fandi ko a, i chen kɔɔ.

CHISƆSI 'A SƆ MƆƐ NU 25:16

Chɛɛ n‑na a fɔ wan an ye, mbɛ Domi mɔɛ n mbe ee koe ma ka. An mbe ee kaa a tɛ ka dechee mɔɛ a bai ma. Chɛɛ mɔɛ miin mbe a ma siibia, fɔ ni an‑na a ɔ yian, an mɔɛ chɛ‑a koe min ma. A sin, an mɔɛ chɛ wɛɛ, a ɛ koɔ wan, a si an siibia ma. Chɛ an mbe a ɔ yian, mbɛ tea ɛ wan siibia chɛ mɔɛ n boo ɔ, chɛ ma, ni tea ee an boo ɔ.

CHISƆSI 'A SƆ MƆƐ NU 25:8

Chɛɛ Pɔɔ koɔ‑a wan a wandi ko a, a ɔ, “N ma ko yama kan kɔ kan ma ni, a si Chu sawa ma, n ma a ma ni, a si Yataa 'a kata ma, n mbe ee baa, a ma koe a, a si Domi kun ti wa ma.”

CHISƆSI 'A SƆ MƆƐ NU 26:24

A sin koɔ‑a kɛn ka buɛ chɛ ɔ, a wandi kun bɔ koe a mɔɛ chɛ n boo ɔ, Kɔfana Fesɔsi dee‑a wan, a kuiɛ ma sɛenɛ a, a ɔ, “Pɔɔ, i wooen fan mu. Gboo kan ba chɛ, an mbe i yii bɔ tena i ɔ.”

CHISƆSI 'A SƆ MƆƐ NU 28:17

Tee sawa gbakɔ, Pɔɔ‑a Chu mɔɛ n kun ti n chee wan, miin ni Domi bɛnɛ ɔ. An bɛn‑da kɛn, mbɛ a‑a a fɔ an ye, a ɔ, “N suun ma nyɔɛ nu, n ma ko yama kan kɔ kan ma ni, mmɔ 'a mɔɛ n na, n ma mmɔ fa n 'na manda yɔn ni. Chɛɛ chɛ gbɛɛ ɔ, an‑na n ma wan pimbi chenɛ a sa mɔɛ a Chuusaɛn duu ɔ, mbɛ an‑na n be Domi mɔɛ n ma.

CHISƆSI 'A SƆ MƆƐ NU 7:2

Mbɛ Sitibin dɔ, “N suun ma nyɔɛ nu, fa nu, wo wo too ma sɔ n ma. Mmɔ bemba Ebeami na‑a ka wan Mɛsɔpotemia, a ta‑a Ayan duu ɔ. Chɛɛ a e na to ta‑a, Yataa min benden mu fen kɔ fen ma, a bɔ‑a wan a ya a,

GBOO DOMI KO A 2:15

An sɔnɛ n fan mbe a ɔ yian, mbɛ sawa‑a miin fɔ, a nyɛndenɛ mu an faa an dɔ. An 'na yiinachii wɛɛ ɔ, chɛ ɔ yianden fan mu, mbɛ tea mu. Tima dɔ a, an 'na yiinachii, an mbe a fɔ an ye, mbɛ an‑na koe min ma, a ma nyin a ma koe a. Tima dɔ a, an yiima ɛ a fɔ wan an ye, mbɛ an‑na ko chɛndɛ an ma.

GBOO SAA KƆYINDI KO A 9:3

N mbe chɛ an fɔ mɔɛ chɛ n ye, miin mbe n ma nyin.

GBOO FEAN BƆƐ KƆYINDI KO A 12:19

A ma ma wo yiima chɛ gbɛɛ ɔ, mbɛ nn mbe nn fandi an ma fɔ tena wo tena. Nn mbe ma ka Yataa chen kɔɔ wan, nn mbe ma bai sa‑a, Chasi faa ma a. A sin, nn dia nyɔɛ nu, nn na‑a a gbɛɛ ma, basan koe mu wo ma.

GBOO FEAN BƆƐ KƆYINDI KO A 7:11

Wo wandi gbu, wo a ɔ yen bɛ, wo 'a faayɔnɛ chɛ, Yataa‑a min dɔ bɛn wo ko a, a ma‑a koe min na wo tena. Wo ma‑a gbɛ tea mɔ wa an na, wo ma bɛndenɛ ɛ a ɔ yen koe a, mbɛ wo ma ko yama ma ni. Wo faa tɛ‑a wan, wo chian‑da, yiinachii ko a wo ɔ, mbɛ wo‑a wo wandi be, wo ma bɛndenɛ ɛ ko yama ma mɔɛ n tɔɔya koe a. Wo gbu, wo‑a a ɔ yian, mbɛ mabɔ ee wo ma, chia ɔ chia a, an koe gbu gbɛɛ ɔ.

Gboo Fiipai Ko A 1:17

Chɛɛ mɔɛ saa chɛ n sin, an mbe ee a sa tena faa ɔ gbɛ an na, an gbɔsɔen mu dechee an fandi an ko a. An ta yiinachii ɔ, an dɔ, an ni a ma, n 'na mɔnɛ ma ni munda pimbi chen chɛ a nɛ.

Gboo Fiipai Ko A 1:7

A nyin yiinachii chɛ sima ni ma n dɔ, a si wo ma. Koe min na mu, wo wakoe ɛ wan n faa ɔ. A mu min na, wo gbɛɛ, wo e basan tena wan n ma, wai chɛndɛ chɛ chɛ koe a, Yataa‑a min be n ma, a chɛ koe a. Wo basan‑da wan n ma, tima min na n ni ben‑da sɔ‑a sawa ti n na, sakana bai chɛndɛ chɛ ko a, a kɔ ni gbɛa. A sin to, n mbe wɛɛ ka sa ɔ pimbi chenɛ a sanche, wo e basan tena wan n ma.

2 TIMOTI 4:16

N sɔ saa a kuti ɔ, mɔ ɔ mɔ kan kɔ kan ma a ya a bɔ ni nɔ n ko a. Yataa ni a boo bɔ an sɔn chɛ ɔ.

1 PITA 3:15

Chɛɛ Chasi ma chianɛ ni ma wo faa ɔ, wo ni baa be a wan mansa ma. Wo ma bɛndenɛ ni ma, tima ɔ tima ko a, mɔɛ n 'na tisa yɛman koe a. Ni an‑na wo ɔ tisa, a si yiinatɛ ma min mbe wo ɔ, wo a ɔ yian an na.