CHISƆSI 'A SƆ MƆƐ NU 21:8 - Yataa 'a Dɔbɛnɛ Nama

⁸ Banda ɔ ka‑a kɛn, nn bɔ‑a wan nɔ, mbɛ nn na‑a Sisayea duu ɔ. Nn ta‑a wan kamin dɔndɔ 'a chenɛ a, sondaya a. A tɔ ni Fiipi, min ni ben ben sakana bai chɛndɛ chɛ ɔ yian‑da, a si Chisɔsi ma. A ni mɔ dɔndɔ an na to, mɔ wɔnfea chɛ n tɛ ɔ, Chuusaɛn mɔɛ n na‑a an boo sɔ miin ma.

CHISƆSI 'A SƆ MƆƐ NU 21:8 ပူးပေါင်းရင်းမြစ်များ

CHISƆSI 'A SƆ MƆƐ NU 10:1

Kamin dɔndɔ ni wan nɔ Sisayea duu ɔ, min tɔ ni Kɔniyɔsi. A ni soya gbakoo dɔndɔ an na, Domi soya chɛmɛ dɔndɔ kun ma. Chɛ ni kaka dɔndɔ an na, soya chɛ n tɛ ɔ, an ni miin chee, an dɔ, Itadi mɔɛ n 'na soya nu.

CHISƆSI 'A SƆ MƆƐ NU 16:10

Pɔɔ ban‑da kɛn dechee an koe chɛ ɔ yen‑da, a ya kɔɔɛ a, a wan Pɔɔ ni ma, ni nn fan, nn bun‑da nn ma bɛn‑da, ta koe a Masidonia chɛnyɛ ɔ. Koe min na mu, nn‑na nn yii na chii wan, mbɛ Yataa an‑na nn chee ka, ta koe a nɔ. Chɛ ni a ma, nn ni sakana bai chɛndɛ chɛ ɔ yian nɔ mɔɛ n na, a si Chisɔsi ma.

CHISƆSI 'A SƆ MƆƐ NU 16:13

Suin tee che‑a kɛn, nn bɔ‑a wan an duu wa dɛgbɛ chɛ ɔ, mbɛ nn ta‑a yii a sanɛ. A ni wan nn yii ma, mbɛ Chu mɔɛ chɛ n na sɔndenɛ ɛ ma‑a wan nɔ, samun chɛ koe a. Nn‑na musu chɛ n tan fan nɔ, an na sɔndenɛ ɛ kaina dɔndɔɛ, mbɛ nn koɔ‑a an tena.

CHISƆSI 'A SƆ MƆƐ NU 16:16

Tee dɔndɔ a, nn ni ta tena kɛn kaina chɛ, mɔɛ n ni ta samun chɛ koe a Yataa tena kaina, yɔnɛ den musuma dɔndɔ‑a nn tan fan. Nyina yama an ni a fɛ, min ni a ma, a ɛ mɔɛ n ma koe kɔɔ fɔ an ye, min mbe na tena an tan‑da. An yɔnɛ chɛ, a ni kɔpɔ sɛsɛ nyan fan a ti n ye, a 'a yawa gbasi chɛ ɔ.

CHISƆSI 'A SƆ MƆƐ NU 18:22

A che‑a kɛn Sisayea duu ɔ, a bɔ‑a wan dɛndɛ ɔ, mbɛ a sɛ‑a Chuusaɛn. A che‑a kɛn nɔ, a‑a chɔchi mɔɛ n kɔndɔn fan, mbɛ a ben‑da, a ta Andiɔki duu ɔ.

CHISƆSI 'A SƆ MƆƐ NU 20:13

Pɔɔ na‑a dɔbɛnɛ chɛ wan nn na, mbɛ a ɛ ta‑a nn ya ɔ, a chenɛ ma, Asɔsi duu ɔ. A ɔ, nn sin tana, nn ni si dɛndɛ ɔ, a ta Asɔsi, a ya ɔ. A ɔ, a ɛ nn tan‑da nɔ wan, mbɛ nn ta‑a a ya ɔ.

CHISƆSI 'A SƆ MƆƐ NU 20:6

Chɛɛ biidi dɛnfɛ daun bɛn ba chɛ ben‑da kɛn, nn si‑a wan dɛndɛ ɔ, a ka Fiipai duu ɔ. Tee duu gbakɔ, nn‑na an tan fan Towasi, nn ni kaina tɛn sɔngbɔ dɔndɔ ko a.

CHISƆSI 'A SƆ MƆƐ NU 21:16

Mbɛ Chisɔsi fɛ denɛ dɔ nu, a ka Sisayea, an bea‑a wan nn fɛ. An sin‑na nn ya wan, nn ta‑a kamin dɔndɔ 'a chenɛ a, nn ni ma tena min 'na sondaya a. A tɔ ni Nason. A ka‑a Saipɔsi yii tinɛ ɔ wan, a sin‑na a kai fa Chisɔsi a tima min na, a ɔ ni yansan.

CHISƆSI 'A SƆ MƆƐ NU 23:23

Mbɛ soya n kun ti chɛ, a‑a soya gbakoo fea chee, mbɛ a‑a a fɔ an ye, a ɔ, “Wo wo ma bɛn soya mɔ chɛmɛ fea a, an ta koe a Sisayea duu ɔ, ni awa sawan bɔɛ ben‑da pimbi bundenɛ a. An bɛ ni ta soya mɔ bi wɔnfea a, miin mbe soo n kɔ, a basan an mɔ chɛmɛ fea a, miin mbe tamba a dɛ.

CHISƆSI 'A SƆ MƆƐ NU 27:1

A tima che‑a, dɔbɛnɛ chɛ‑a wan nn si koe a dɛndɛ ɔ, a ta Itadi chɛnyɛ ɔ. An‑na Pɔɔ be wan, a basan pimbi chenɛ a sa mɔɛ dɔ mende n na, Chudiɔsi dɔndɔ ma. Chudiɔsi chɛ, a ni soya gbakoo an na, soya chɛmɛ dɔndɔ ko a, an ni miin chee, an dɔ, Domi Kun Ti Wa Soya nu.

CHISƆSI 'A SƆ MƆƐ NU 28:11

Kau sawa gbakɔ, nn bɔ‑a wan Mata, dɛndɛ ɔ, mbɛ nn ta‑a. An dɛndɛ chɛ, a na‑a ka Adɛsandia wan. An dɛndɛ chɛ sin, a tɔ ni Banda Bu Ɔ Fɛnɛ Nu. Dɛndɛ chɛ‑a chima tima gbɛɛ ya Mata wan, yii tinɛ chɛ ɔ.

CHISƆSI 'A SƆ MƆƐ NU 28:16

A sin, nn che‑a kɛn Domi duu ɔ, an‑na a ma wan, Pɔɔ ma‑a a kun ma chenɛ a. Chɛɛ soya mɔɛ ya gba ni wan a fɛ.

CHISƆSI 'A SƆ MƆƐ NU 6:5

Bai chɛ‑a mɔɛ chɛ n gbɛɛ faa chima wan. Chɛ‑a a ma wan, an‑na an boo sɔ mɔ kuun chɛ n ma, an tɛ ɔ. Mɔɛ saa ni Sitibin fan na, danaya tɔɛ ni min na, a sin Yataa Nyina ni wan a fɛ. A tɔɛ n fan nii nɛ Fiipi a, Pɔkɔyɔsi, Nikanɔ, Timɔn, Pamɛnasi, ni Nikodasi. Nikodasi chɛ Chu mɔ nii ma a a, a sin na‑a ka Andiɔki duu ɔ wan. Chɛɛ a na‑a yɛ wan gbɛ Chu n 'na Yataa fai gbee ma.

CHISƆSI 'A SƆ MƆƐ NU 9:30

Sɔɔ suun ma nyɔɛ chɛ nu Chasi ɔ, an‑na koe chɛ kɔɔ sɔn kɛn, an yii‑a wan Sɔɔ a Sisayea duu ɔ, mbɛ an‑na a a ta Tasɔsi duu ɔ.

Gboo Ɛfisɔsi Ko A 4:11

A wan‑na koadia demanɛ chɛ mɔɛ n na, ma koe dama dama. A‑a mɔɛ dɔ n ma a 'a sɔ mɔɛ n na, mbɛ a‑a dɔ n ma Yataa 'a gbonka chɛ mɔɛ n na. Dɔ n sin, a‑a an ma Yataa bai sa mɔɛ n na, mbɛ a‑a gbasaya be dɔ n sin ma, an bɔɛ n sɔ koe a chia ma, a basan an kan koe a Yataa bai a.

2 TIMOTI 4:5

Chɛɛ i tana, sɔ chidi. Ko yawaenɛ ɔ bia, i ni i sɔɛ gbɛɛ chɛ Yataa 'a sakana bai chɛndɛ ɔ yian koe a mɔɛ n na. I 'a wai gbɛɛ chɛ, Yataa 'a wai chɛ mɔɛ ɛ min chɛ.