CHISƆSI 'A SƆ MƆƐ NU 21:39 - Yataa 'a Dɔbɛnɛ Nama

³⁹ Mbɛ Pɔɔ ɔ te, “Chu mɔɛ mu n na. N suun‑da Tasɔsi duu ɔ wan, Sidisia chɛnyɛ ɔ. N suun‑da duu min dɔ, duu nɔmɛ nɔmɛ ma a a, Sidisia chɛnyɛ ɔ. I dimu, a ma n ni koɔ mɔɛ chɛ n tena.”

CHISƆSI 'A SƆ MƆƐ NU 21:39 ပူးပေါင်းရင်းမြစ်များ

CHISƆSI 'A SƆ MƆƐ NU 15:23

An‑na gboo nyɛnden chɛ an be an ma. An‑na a nyɛn fan a ɔ, an dɔ te: Nn fan, Chisɔsi 'a sɔ mɔɛ chɛ nu, nn bɛ gbakoo n na, nn fɛn mu wo suun ma nyɔɛ n na Chasi ɔ, nn fan mbe ka gboo chɛ nyɛn tena. Nn mbe a nyɛn tena wo wan tena. Wo wan, wo wɛn ma Chu mɔ a, wo wɛn‑na wo kai fa Chisɔsi a. A yɛ to, wo wɛn mbe sanche Andiɔki duu ɔ, ni wo wɛn mbe Siyia chɛnyɛ tɔɛ ɔ, wo bɛ chɛ n na, miin mbe Sidisia chɛnyɛ ɔ. Nn‑na wo kɔndɔn.

CHISƆSI 'A SƆ MƆƐ NU 15:41

A sin ben‑da wan Siyia, an fea Sidisia chɛnyɛ ɔ a, ɛ ta‑a a ma‑a mɔɛ chɛ n dɔ ɛ gbɛa‑a chɔchi n dɔ, an 'na kaifaya ɔ.

CHISƆSI 'A SƆ MƆƐ NU 16:37

Chɛɛ Pɔɔ‑a a fɔ wan an ye, a ɔ, “Nn ma ko kan kɔ kan yɔn ni, chɛɛ chɛ gbɛɛ ɔ, an‑na nn gbasi fanka ɔ den. Min gbu sin mu ka Domi mɔɛ tiki tiki mu nn na. Mbɛ an yɛ‑a to, an‑na nn na dɛ pimbi chenɛ a. Mbɛ sanche gbɛ an toen mu, an ni nn na bɔ pimbi chenɛ a, nun dɔ. Chɛ ee ma. Ɛ nyan fan, Domi mansa chɛ n fandi gbu, an ni na nn na bɔ.”

CHISƆSI 'A SƆ MƆƐ NU 21:37

Soya chɛ n toen ni kɛn an ni don Pɔɔ a baachi chɛ ɔ, a koɔ‑a wan soya chɛ n kun ti tena. Pɔɔ‑a a fɔ wan, a ɔ, “E dɔn fan, n ni koɔ i tena?” Mbɛ soya n kun ti chɛ, a ɔ, “Mbɛ e Kiisi koɛ fɔ wan ka?

CHISƆSI 'A SƆ MƆƐ NU 22:3

“Chu mɔɛ mu n na. N suun‑da Tasɔsi wan, Sidisia chɛnyɛ ɔ. Chɛɛ n bɔ‑a a ɔ nɛ wan, Chuusaɛn chɛ. Kamadiɛɛ 'a kan denɛ ni n na. A‑a n kan fan chɛndɛ chɛ, mmɔ bemba n ta bemba n ta sawa bia koe a gbau gbau gbu a. A sin, n‑na n fandi be wan, Yataa 'a wai chɛ koe a, n faa gbɛɛ a, n sɔɛ a. N bankan‑da wan, Yataa 'a wai chɛ koe a, yɔ wo wɛɛ, wo wɛn mbe ka bi nɛ.

CHISƆSI 'A SƆ MƆƐ NU 23:27

Chu mɔɛ chɛ n‑na kamin chɛ an bia. An toen ni, an ni a fa. N‑na a a min fan, mbɛ Domi mɔɛ an nɛ a a. Chɛ‑a a ma wan, nn bɛ ta‑a n 'na soya mɔɛ n na, mbɛ nn‑na a bɔ an boo ɔ.

CHISƆSI 'A SƆ MƆƐ NU 23:34

Mbɛ kɔfana chɛ‑a gboo chɛ kan. Mbɛ a‑a Pɔɔ ɔ tisa, a ɔ, “I ka‑a kaka minan ma?” A‑a a ɔ sɔn kɛn, mbɛ Pɔɔ ka‑a Sidisia chɛnyɛ ɔ wan,

CHISƆSI 'A SƆ MƆƐ NU 6:9

Chɛɛ tee dɔndɔ a, mɔɛ dɔ n ka‑a wan Chu n 'na samun chɛ chenɛ a, an ni min chee, an dɔ, Chu miin bɔ‑a yɔncha ɔ, an 'na samun chɛ chenɛ. Mbɛ an bun‑da bai tɛnsɛ‑a an nyɔn tɛ, an bɛ Sitibin na. Chu mɔɛ n ni an mɔɛ chɛ n na, miin ka‑a Sayini duu ɔ, a basan Adɛsandia duu ɔ a. A yɛ to, Chu mɔ dɔ mende nu, miin ka‑a Sidisia, an fea Esia chɛnyɛ ɔ a, an ni wan nɔ.

CHISƆSI 'A SƆ MƆƐ NU 9:11

Mbɛ Mansa Chisɔsi ɔ, “I ma bɛn, mbɛ i ta‑a dani chɛ a, an mbe min chee, an dɔ, Dani Tandenɛ. An dani chɛ a, chenɛ ɛ wan nɔ, min mu Chudasi ta a a. Tisa chɛ nɔ kamin dɔndɔ ko a, min tɔ mu Sɔɔ. A ka‑a Tasɔsi duu ɔ wan. A yen ko samunɛ chɛ‑a, sanche wɛɛ.

CHISƆSI 'A SƆ MƆƐ NU 9:30

Sɔɔ suun ma nyɔɛ chɛ nu Chasi ɔ, an‑na koe chɛ kɔɔ sɔn kɛn, an yii‑a wan Sɔɔ a Sisayea duu ɔ, mbɛ an‑na a a ta Tasɔsi duu ɔ.

1 PITA 3:15

Chɛɛ Chasi ma chianɛ ni ma wo faa ɔ, wo ni baa be a wan mansa ma. Wo ma bɛndenɛ ni ma, tima ɔ tima ko a, mɔɛ n 'na tisa yɛman koe a. Ni an‑na wo ɔ tisa, a si yiinatɛ ma min mbe wo ɔ, wo a ɔ yian an na.