CHISƆSI 'A SƆ MƆƐ NU 21:34 - Yataa 'a Dɔbɛnɛ Nama

³⁴ Mbɛ mɔɛ dɔ nu fanka chɛ ɔ, an ni bai dɔndɔɛ fɔ wan, dɔ n sin mbe ta‑a bai dɔ mende fɔ‑a. Sɔnkɔ sɔnkɔɛ da a ni koo aan, soya chɛ n kun ti, a nii ma che ni, a ni a ɔ sɔn, ni fen ko gbu na‑a ma. Mbɛ a wɛɛ‑a a fɔ soya chɛ n ye, a ɔ, an ni ta Pɔɔ a an tena, baachi chɛ ɔ.

CHISƆSI 'A SƆ MƆƐ NU 21:34 ပူးပေါင်းရင်းမြစ်များ

CHISƆSI 'A SƆ MƆƐ NU 19:32

Mɔɛ chɛ nu an bɛn chɛ ɔ, mɔ ɔ mɔ too nii a bɔɛ da a kuiɛ ma. Mɔɛ dɔ n ni wan bai fɔ‑a ka, dɔ n sin mbe ta‑a bai dɔ gbɛɛ fɔ‑a. An gbu nii ma a ɔ sɔn, fen na‑a a ma, an mbe an bɛn chɛ ɔ.

CHISƆSI 'A SƆ MƆƐ NU 21:37

Soya chɛ n toen ni kɛn an ni don Pɔɔ a baachi chɛ ɔ, a koɔ‑a wan soya chɛ n kun ti tena. Pɔɔ‑a a fɔ wan, a ɔ, “E dɔn fan, n ni koɔ i tena?” Mbɛ soya n kun ti chɛ, a ɔ, “Mbɛ e Kiisi koɛ fɔ wan ka?

CHISƆSI 'A SƆ MƆƐ NU 22:24

Mbɛ Domi mɔɛ soya n kun ti chɛ, a‑a a fɔ a 'a mɔɛ n ye, a ɔ, an ni ta Pɔɔ a baachi ɔ. A‑a a fɔ wan to an ye, a ɔ, an ni a gbasi pien bosa a, mbɛ an yɛ‑a, an‑na a ɔ tisa, ni fen‑na a ma, mɔɛ n mbe yee bonda chɛ tɛ tena ka a ma.

CHISƆSI 'A SƆ MƆƐ NU 22:30

Chɛɛ an ban‑da ɔ ka dɔndɔɛ ma, soya n kun ti chɛ, a toen ni kɛn a ni a ɔ sɔn, koe min gbu na‑a a ma, Chu mɔɛ n‑na kunɛ si Pɔɔ kun ma, a‑a a fuin. Mbɛ Chu n tɛ mɔɛ nu Yataa a, an 'na mansa nu, a‑a a fɔ an ye, an bɛ Chu kuti wa ɔ mɔɛ n na, a ɔ, an ni na, an ni bɛn. An bɛn‑da kɛn, a yii‑a wan Pɔɔ a, a‑a a sɔ an chen kɔɔ.

CHISƆSI 'A SƆ MƆƐ NU 23:10

An to‑a kɔɔsa chɛ an dɔ, mbɛ a ma‑a sɔnkɔ sɔnkɔ wa a. Chɛ‑a a ma wan, soya chɛ n kun ti chɛ chian‑da, mbɛ a‑a a yii na chii Pɔɔ bɔ koe a an tɛ ɔ, an ma na a a panda panda an boo a. Mbɛ a‑a a fɔ a 'a soya mɔɛ n ye, a ɔ, an ni ta, an ni Pɔɔ bɔ an tɛ ɔ gbasaya a, an ni na a a baachi ɔ.

CHISƆSI 'A SƆ MƆƐ NU 23:16

Chɛɛ boo kɔɔ mɔnɛ chɛ, a puin‑da wan Pɔɔ bain denɛ too ɔ. Mbɛ a don‑da baachi chɛ ɔ, a‑a an yii ma koe ɔ yian Pɔɔ a.

CHISƆSI 'A SƆ MƆƐ NU 23:32

Banda ɔ ka‑a kɛn, soya mɔɛ chɛ dɔ n yɛ‑a wan baachi ɔ, chɛɛ an‑na an bɔɛ dɔ n to wan nɔ, miin ni soo a bui, ta koe a Pɔɔ a.

CHISƆSI 'A SƆ MƆƐ NU 25:26

Chɛɛ ko gbu ee nɔ, n mbe min nyɛn, a si a ma, kun ti wa chɛ tena. Chɛ an fɛ mu, n na‑a Pɔɔ chɛ a, wo gbɛɛ chen kɔɔ, a bɛɛ bɛɛ i wan Mansa Akipa, wo wandi ni a a bai kɔɔ gbɛngbɛn. Koe ɛ ma‑a wan nɔ, n mbe min nyɛn.