CHISƆSI 'A SƆ MƆƐ NU 21:32 - Yataa 'a Dɔbɛnɛ Nama

³² A ya kɔɔɛ a, a‑a soya gbakoo dɔ n ya, an bɛ soya n na, mbɛ an yii‑a butuin chɛ mɔɛ chɛ n kun ma. Mɔɛ chɛ n‑na a yen kɛn na‑a, an bɛ soya chɛ n na, an sɛmbɛ‑a wan Pɔɔ gbasi koe a.

CHISƆSI 'A SƆ MƆƐ NU 21:32 ပူးပေါင်းရင်းမြစ်များ

CHƆN 18:12

Mbɛ Domi soya mɔɛ nu, an bɛ an 'na mɔ chenama an na, a basan Yataa 'a kata kun ma fɛn poesi chɛ n na, an gbɛɛ‑a Chisɔsi bia. Mbɛ an‑na a chii.

CHISƆSI 'A SƆ MƆƐ NU 18:17

Mbɛ an gbɛɛ bea‑a Sositɛnesi ma gbasi a, min ni ya ɔ sɔɛ a, Chu n 'na samun chɛ chenɛ kun ma. An‑na a gbasi wan, kuti chenɛ gbu ya kɔɔ. Chɛɛ Kadio‑a a ka wan a too kɔ.

CHISƆSI 'A SƆ MƆƐ NU 22:19

“Mbɛ n dɔ te, ‘Mansa, an‑na a ɔ sɔn fan tea gbu a, n ni koe miin si i 'a mɔɛ n na. Nn 'na samun chɛ chenɛ kan kɔ kan na, n ni ta kaina, n ni an gbasi wan, n mbe yɛ, n mbe an sa pimbi chenɛ a, a si kaifa ma, an mbe min chɛ i a.

CHISƆSI 'A SƆ MƆƐ NU 23:27

Chu mɔɛ chɛ n‑na kamin chɛ an bia. An toen ni, an ni a fa. N‑na a a min fan, mbɛ Domi mɔɛ an nɛ a a. Chɛ‑a a ma wan, nn bɛ ta‑a n 'na soya mɔɛ n na, mbɛ nn‑na a bɔ an boo ɔ.

CHISƆSI 'A SƆ MƆƐ NU 24:6

A sin gbu, a toen ni a ni baa bɔ Yataa 'a kata chɛ ma, min‑na a ma, nn‑na a bia. Ni i‑a a ɔ tisa, i‑a a ɔ yen‑da wan, mbɛ nn‑na bai miin gbɛɛ ɔ yian, a si a ma, mbɛ nn ma saman ni kan kɔ kan.”

CHISƆSI 'A SƆ MƆƐ NU 5:40

Mbɛ an‑na Chisɔsi 'a sɔ mɔɛ chɛ n chee, mbɛ an‑na a ma, an‑na an boan pien. Mbɛ an‑na an na si gbau gbau, an dɔ, an ma bai ɔ bai sa to mɔɛ n tena, a si Chisɔsi ma. An‑na an na si kɛn, mbɛ an‑na an boo ka.