CHISƆSI 'A SƆ MƆƐ NU 21:27 - Yataa 'a Dɔbɛnɛ Nama

²⁷ Chɛɛ tee wɔnfea chɛ, a ni gbɛ ban koe an na, mbɛ Chu mɔɛ dɔ nu, a ka Esia chɛnyɛ ɔ, an‑na Pɔɔ yen fan Yataa 'a kata ɔ. An‑na fanka a sɛ wan Pɔɔ ma, mbɛ an‑na a bia fɔin.

CHISƆSI 'A SƆ MƆƐ NU 21:27 ပူးပေါင်းရင်းမြစ်များ

DUKU 21:12

Chɛɛ koe chɛ n gbɛɛ mbe e na to ma‑a, an mbe wo bia‑a wan, mbɛ an‑na ko ma gbaaenɛ sa wo ma. An mbe ta‑a wan wo a, wo gbɛmbo koe a, mmɔ 'a samun chɛ chenɛ n na, mbɛ an‑na wo sa pimbi chenɛ a. An mbe na‑a wan wo a, mansa n chen kɔɔ, an bɛ kun ti n na. An mbe chɛ gbɛɛ si‑a wan wo a, a si n bakoe ma.

CHISƆSI 'A SƆ MƆƐ NU 13:50

Chɛɛ musu gbakoo nu an duu chɛ ɔ, miin ni kooya be Yataa ma, an bɛ nɔ mɔ kaima gbakoo n gbɛɛ a, Chu mɔɛ chɛ n‑na an gbɛɛ a sɛ wan Pɔɔ n ma. An‑na ko ma gbaaenɛ sa wan Pɔɔ ma, an fea Banabasi a, mbɛ an gbu‑a an gbain an tanda gbu ɔ.

CHISƆSI 'A SƆ MƆƐ NU 14:19

Chɛɛ Chu dɔ n ka‑a wan Andiɔki duu ɔ, Pisidia chɛnyɛ ɔ, dɔ n bɛɛ ka‑a Ikoniɔn duu ɔ. An‑na a ma wan, mɔ fanka chɛ n yiima mun‑da, an‑na Pɔɔ ma bon bon fan, mbɛ an‑na a konkon, a bɔ duu ɔ. A ni an yii ma, mbɛ a fa‑a.

CHISƆSI 'A SƆ MƆƐ NU 14:2

Chɛɛ Chu mɔɛ tɔɛ chɛ nu, miin nii ma dɔn ni an kai fa koe a Chisɔsi a, an don‑da mɔɛ chɛ n dɔ, miin nii ma Chu mɔ a. A sin, an‑na an na sɛ wan Chisɔsi fɛ mɔɛ chɛ n ma.

CHISƆSI 'A SƆ MƆƐ NU 14:5

Mbɛ mɔɛ dɔ nu, miin nii ma ka Chu mɔ a, an bɛ Chu mɔɛ dɔ n na, an‑na a siman fan, maumaya koe sɛ koe a an ma, an ni an ma bon bon senɛ a, aan an ni fa.

CHISƆSI 'A SƆ MƆƐ NU 16:6

An ta‑a wan aan Fichiya chɛnyɛ gbɛɛ ɔ, a basan Kadesia chɛnyɛ ɔ a. Koe min na mu, Yataa Nyina nii ma dɔn ni, an ni Yataa bai sa Esia chɛnyɛ ɔ.

CHISƆSI 'A SƆ MƆƐ NU 17:13

Chɛɛ Chu mɔɛ chɛ nu Tɛsadonika, an‑na a a min kɛn, mbɛ Pɔɔ ɛ Yataa bai sa‑a Bɛyia wɛɛ, an na‑a wan nɔ. Mbɛ an bun‑da mɔ fanka chɛ a sɛ‑a Pɔɔ ma, gbunɛ a bea koe a.

CHISƆSI 'A SƆ MƆƐ NU 18:12

Chɛɛ an‑na Kadio ma tima min na kɔfana a, Akaya chɛnyɛ kun ma, Chu n‑na kuiɛ a kanɛ chɛ Pɔɔ ma, mbɛ an‑na a bia, an na‑a a a kɔfana chɛ 'a kuti ɔ.

CHISƆSI 'A SƆ MƆƐ NU 2:9

Mmɔ ka‑a chɛnyɛ sɛsɛ n fan dɔ. Dɔ n ka‑a Patia, dɔ nu Media, dɔ n sin Ɛdan. Dɔ n ka‑a to Mɛsɔpotemia, dɔ nu Chudia, mbɛ dɔ n ka‑a Kapadosia. Dɔ n bɛɛ ka‑a Pɔndɔsi, an fea Esia a.

CHISƆSI 'A SƆ MƆƐ NU 20:19

Chu mɔɛ n‑na kun puinɛ chɛ wan, a yama boo a, a si n ma. Chɛɛ n‑na n fandi ma yii wan, n‑na wai chɛ wan Mansa Chisɔsi ko a, di ni wɛɛ n ya a, n faa wɛɛ yɔndenɛ ɛ, a si ko ma gbaaen chɛ n ma, Chu mɔɛ n‑na min sa n ma.

CHISƆSI 'A SƆ MƆƐ NU 24:11

Ni i‑a mɔɛ n dɔ tisa, e a ɔ yen‑da wan, mbɛ n sɛ‑a Chuusaɛn duu ɔ wan, Yataa 'a kata ɔ, a fai koe a. A sin, a ka a tee chɛ ma, a sɔ bi ma, a‑a tee tan kun ma fea ya gbɛ.

CHISƆSI 'A SƆ MƆƐ NU 24:18

N to‑a chɛ an ma‑a, mbɛ an‑na n tan nɔ, Yataa 'a kata chɛ ɔ. An‑na a ɔ yen fan gbɛ, mbɛ n koenɛ ni fion. A tima chɛ a, mɔ fanka fanka nii nɔ, sɔnkɔ sɔnkɔ nii nɔ.

CHISƆSI 'A SƆ MƆƐ NU 26:21

Wai chɛ an ko a mu, Chu mɔɛ chɛ n chɛ‑a n ma, n ni tima min na Yataa 'a kata ɔ, an sin toen ni, an ni n fa.

CHISƆSI 'A SƆ MƆƐ NU 4:3

Chɛ‑a a ma wan, an‑na an bia, mbɛ an‑na an sa pimbi chenɛ a, aan banda ɔ ka‑a. Koe min na mu, an na‑a an bia tee bea ma wan.

CHISƆSI 'A SƆ MƆƐ NU 5:18

Mbɛ an‑na Chisɔsi 'a sɔ mɔɛ chɛ n bia, mbɛ an‑na an sa pimbi chenɛ a.

CHISƆSI 'A SƆ MƆƐ NU 6:12

Bai chɛ‑a a ma wan, mɔɛ n gbɛɛ a kan‑da, an bɛ basan Chu gbakoo n na, ni Chu n 'na sawa kan mɔɛ nu. Mbɛ an gbɛɛ faa tɛ‑a Sitibin ma, min‑na a ma, an‑na a bia, mbɛ an na‑a a a Chu kuti wa ɔ.

CHISƆSI 'A SƆ MƆƐ NU 6:9

Chɛɛ tee dɔndɔ a, mɔɛ dɔ n ka‑a wan Chu n 'na samun chɛ chenɛ a, an ni min chee, an dɔ, Chu miin bɔ‑a yɔncha ɔ, an 'na samun chɛ chenɛ. Mbɛ an bun‑da bai tɛnsɛ‑a an nyɔn tɛ, an bɛ Sitibin na. Chu mɔɛ n ni an mɔɛ chɛ n na, miin ka‑a Sayini duu ɔ, a basan Adɛsandia duu ɔ a. A yɛ to, Chu mɔ dɔ mende nu, miin ka‑a Sidisia, an fea Esia chɛnyɛ ɔ a, an ni wan nɔ.

GBOO FEAN BƆƐ KƆYINDI KO A 11:26

N 'na tachɛ sɛsɛ n dɔ, n ni wan chianɛ kɔɔ, yii fa boo ɔ, a basan kanka n na. N ni wan chianɛ kɔɔ, n bɔ Chu mɔɛ n boo ɔ, ni mɔɛ chɛ n bɛɛ boo ɔ, miin ma Chu mɔ a. Ko ma chiandenɛ n ma‑a wan duu wa n dɔ, an ma‑a fuinɛ ma, an ma‑a kɔ yii a. N suun ma nyɔɛ chɛ n gbu wɛɛ Chasi ɔ, a wakoe ni sa ɔ dechee miin ya kɔɔɛ, chɛɛ a ee an faa ɔ, n chiandenɛ ni wan an ma.

Gboo Saa Tɛsadonika Ko A 2:16

Nn ni sakana bai chɛ sa wan, mɔɛ chɛ n tena, miin ma Chu mɔ a. Chɛ an ni a ma, an mbe bauncha ma sɔn Yataa a. An‑na butuin chɛ wan, min mbe a ma, nn ni sɛmbɛ chɛ ma koe a to. Chɛ gbu‑a a ma gbɛ, an 'na ko yama maenɛ da fa‑a gban. A sin, Yataa ɛ a faatɛ a bɔ tena gbɛ an ma, mbɛ a sin ɛ ko ma gbaaenɛ si‑a wan an na.