CHISƆSI 'A SƆ MƆƐ NU 21:26 - Yataa 'a Dɔbɛnɛ Nama

²⁶ Mbɛ Pɔɔ‑a mɔɛ chɛ n ya, tee dɔndɔɛ ma, mbɛ an bɛ gbɛɛ an na, an‑na manda chɛ a tachɛ, an ma ko koe a Yataa tena. Mbɛ a don‑da Yataa 'a kata ɔ, a fɔ koe a, ni ɛ tima yuu ya‑a, aan an ma ko tima chɛ ni ban. A tima chɛ a mu, yasi ɛ bɔ‑a an gbɛɛ ko a, dɔndɔ dɔndɔɛ a.

CHISƆSI 'A SƆ MƆƐ NU 21:26 ပူးပေါင်းရင်းမြစ်များ

CHƆN 11:55

A tima chɛ a, tee kuunden fan na‑a to, Chu n 'na kun bɔ a ɔ bɛnɛ ko a. A sin, mɔ sɛsɛ na‑a sɛ wan Chuusaɛn duu ɔ, a ka duu tɔɛ chɛ n dɔ Chudia chɛnyɛ ɔ. An na‑a na, min mbe a ma, an ni an ko an 'na manda ɔ, bɛnɛ chɛ e na to che‑a.

CHISƆSI 'A SƆ MƆƐ NU 21:24

Wo bɛ ni ta an na, mbɛ wo bɛ‑a manda chɛ a tachɛ, min mbe a ɔ yian‑da, mbɛ wo ma ko‑a fion Yataa tena. Bɔnɔɛ gbɛɛ, an ko a, a chɛ, an ma ko koe chɛ a Yataa tena. Chɛ ɛ a ma‑a wan, an ni kun an kunɛ n sin koe ma. Ni i‑a chɛ ma, mɔɛ n mbe ee na‑a dan‑da bai chɛ n na to, an‑na miin gbɛɛ fɔ an ye, a si i ma. Chɛɛ an mbe a ɔ yen‑da wan, mbɛ i wɛɛ‑a koe chɛ n ma wan, miin mbe sawa chɛ ɔ, Yataa‑a sawa miin be Mosisi ma.

CHISƆSI 'A SƆ MƆƐ NU 24:18

N to‑a chɛ an ma‑a, mbɛ an‑na n tan nɔ, Yataa 'a kata chɛ ɔ. An‑na a ɔ yen fan gbɛ, mbɛ n koenɛ ni fion. A tima chɛ a, mɔ fanka fanka nii nɔ, sɔnkɔ sɔnkɔ nii nɔ.

GBOO SAA KƆYINDI KO A 9:20

Ni n ma‑a wai chɛ‑a Chu mɔɛ n tɛ ɔ, n mbe mun fan Chu mɔɛ a, an ma sawan koe a Chasi tena. A sin, n mbe ee wɛɛ ka boo ɔ boo an sawa chɛ kɔɔ, Yataa‑a min mbe Mosisi ma, n 'na fɔɛ ɛ wan yɔ miin mbe a kɔɔ, an mɔɛ chɛ n mun koe a, Chasi 'a mɔɛ n na.