CHISƆSI 'A SƆ MƆƐ NU 21:22 - Yataa 'a Dɔbɛnɛ Nama

²² Mmɔ ɛ fen ma‑a gbɛ sanche? Koe min na mu, an mbe na‑a wan kɛn a a min‑da, mbɛ e nɛ duu chɛ ɔ.

CHISƆSI 'A SƆ MƆƐ NU 21:22 ပူးပေါင်းရင်းမြစ်များ

CHISƆSI 'A SƆ MƆƐ NU 15:12

Pita ban‑da kɛn koɔ‑a, mɔɛ miin gbɛɛ a kanden ni ka, an‑na a ɔ maun fan don. Mbɛ an‑na an too ma sɔ Banabasi ma, an fea Pɔɔ a. An‑na a ɔ yian fan gbɛɛ, Yataa na‑a a ma, an‑na kamaya ko wa miin ma, mɔɛ chɛ n tɛ ɔ, miin nii ma Chu mɔ a.

CHISƆSI 'A SƆ MƆƐ NU 15:22

Mbɛ Chisɔsi 'a sɔ mɔɛ chɛ nu, ni gbakoo nu, an bɛ chɔchi mɔɛ chɛ n gbɛɛ a, an‑na dɔbɛnɛ chɛ. An boo sɔ koe ma mɔɛ dɔ n ma an tɛ ɔ, an bɛ ni ta Pɔɔ an fea Banabasi a, Andiɔki duu ɔ. An‑na an boo sɔ wan mɔ fea n ma, basɔmaya ni miin ma mɔɛ chɛ n boo ɔ, miin‑na an kai fa ka Chisɔsi a. An mɔ fea chɛ n ni Chudasi an na, min tɔ ni to Basabasi, an fea Sidasi a.

CHISƆSI 'A SƆ MƆƐ NU 19:32

Mɔɛ chɛ nu an bɛn chɛ ɔ, mɔ ɔ mɔ too nii a bɔɛ da a kuiɛ ma. Mɔɛ dɔ n ni wan bai fɔ‑a ka, dɔ n sin mbe ta‑a bai dɔ gbɛɛ fɔ‑a. An gbu nii ma a ɔ sɔn, fen na‑a a ma, an mbe an bɛn chɛ ɔ.

CHISƆSI 'A SƆ MƆƐ NU 21:21

A sin, a fɔen fan mu an ye, mbɛ e ben tena Chu mɔɛ n gbɛɛ, miin mbe mɔɛ n 'na chɛnyɛ ɔ, miin ma Chu mɔ a, an kan‑da koe miin na. Mbɛ an ni an kan kɔ sɔ mmɔ 'a sawa chɛ n na, Yataa na‑a miin be Mosisi ma. An dɔ te to, i ɔ, an ma an 'na denɛ n na kamincha to, n mbe ee baa, Chu n 'na manda n na tachɛ koe a.

CHISƆSI 'A SƆ MƆƐ NU 21:23

Chɛ an fɛ mu, nn toen mu i ni koe chɛ an ma. Chu mɔ kaima naanin mbe wan nɛ, miin‑na an kai Yataa tena.

GBOO SAA KƆYINDI KO A 14:15

Ni ɛ ka wan, n mbe fen ma gbɛ? N mbe samunɛ chɛ‑a wan Yataa Nyina 'a gbasaya ɔ, mbɛ n‑na a chɛ to n yiima wɛɛ ɔ. N mbe tando si be‑a wan Yataa Nyina 'a gbasaya ɔ, mbɛ n‑na a be n yiima wɛɛ ɔ to.