CHISƆSI 'A SƆ MƆƐ NU 21:20 - Yataa 'a Dɔbɛnɛ Nama

²⁰ An sin‑na Pɔɔ 'a bai chɛ n na min kɛn, an‑na tando be wan Yataa ma. Mbɛ an‑na a fɔ Pɔɔ ye, an dɔ, “Nn suun ma nyɔɛ Chasi ɔ, i wandi‑a a ɔ yen, mbɛ Chu mɔ wu sɛsɛ nu, an‑na an kai fa buɛ min dɔ Chisɔsi a. A yɛ to, an‑na a ma wan, an ma gbɔsɔɛ a, mmɔ 'a Chu sawa n bia koe a.

CHISƆSI 'A SƆ MƆƐ NU 21:20 ပူးပေါင်းရင်းမြစ်များ

MATIU 9:8

Mɔ fanka chɛ, miin ni ka nɔ, an‑na chɛ ɔ yen kɛn, an chian‑da wan. Mbɛ an‑na Yataa tando, gbasaya sima chɛ be koe a mɔ gbu ma.

DUKU 12:1

A tima chɛ a, mɔ wu sɛsɛ a kan‑da wan Chisɔsi tena. Mɔɛ n da a ni koo, an ni ka wan tɛn tɛn‑da an nyɔn ma. Mbɛ Chisɔsi‑a a kuu sɔ a fɔ‑a a fɛ denɛ n pɛn ye, a ɔ, “Mmɔ 'a Chu mɔɛ chɛ nu, miin mu Fayisii n na, yisinɛ ɛ wan an boo ɔ. Wo wo kun ma fɛn an yisinɛ chɛ boo ɔ. Yisin chɛ mu an 'na nɛnɛn feaya an na.

DUKU 15:32

Chɛɛ mɔɔ ni mmɔ‑a buɔdia bonda chɛ bɔ, a mu min na, i dɔɛ chɛ faen fan ni, chɛɛ a yɛ‑a gbɛ fɔɛ ɔ. A toen fan ni a ɔ, chɛɛ a yen‑da gbɛ sanche.’ ”

CHƆN 12:24

Ka n mbe chɛ ma din wo tena, mbɛ chin fen kuu, a mu chin fen kuu dɔndɔɛ an na, aan a ni chin, mbɛ a tui‑a. Ni a tui‑a wan, min mbe bɔ gbɛ, mbɛ a‑a gbɔɛ be kaka.

CHISƆSI 'A SƆ MƆƐ NU 11:18

An‑na bai chɛ a min kɛn, an sɛmbɛ‑a wan a ma nyin koe a. Mbɛ an‑na Yataa tando, an dɔ te, “Mbɛ Yataa deman‑da mɔɛ chɛ n bɛɛ ma, miin ma Chu mɔ a. A‑a chia sa wan an bɛɛ ye, an ni an kan kɔ sɔ an 'na ko yama a, mbɛ an‑na kuɔ fɔ fɔɛ ma sɔn.”

CHISƆSI 'A SƆ MƆƐ NU 15:1

Chɛɛ mɔɛ dɔ n ka‑a wan Chudia chɛnyɛ ɔ, an na‑a Andiɔki duu chɛ ɔ. Mbɛ suun ma nyɔɛ chɛ nu Chasi ɔ, mɔɛ chɛ n‑na a kuu sɔ an kan‑da nɔ, an dɔ, “Yataa ee che wo baun‑da, mɔɔ ni an‑na wo a kamincha, yɔ Mosisi‑a mmɔ kan buɛ min dɔ.”

CHISƆSI 'A SƆ MƆƐ NU 15:24

Nn‑na a a min, mbɛ mɔɛ n dɔ n bɔ‑a wan nn tɛ ɔ, an ta‑a wo tena, an‑na wo kɔndɔ fii an 'na kanɛ a, an mbe min chɛ tena. An gbu sin mbe ka min ma‑a, nn fan ma an sɔ ni.

CHISƆSI 'A SƆ MƆƐ NU 15:5

Chɛɛ mɔɛ miin kai faen ni ka Chisɔsi a, Chu mɔɛ dɔ n ni wan an tɛ ɔ, miin ni dɔbɛn chɛ ɔ, an ni min chee, an dɔ, Fayisii dɔbɛnɛ. An‑na an kɔɔ sɔ wan, mbɛ an dɔ, “A nyin fan mmɔ ni an na kamincha. A sin to, mmɔ ni a din an ma, an ni a sɔ sawa chɛ n gbɛɛ fɛ, Yataa‑a miin be Mosisi ma.”

CHISƆSI 'A SƆ MƆƐ NU 2:41

Mɔ sɛsɛ dan‑da wan sakana bai chɛndɛ chɛ a, a na‑a min sa ka. An sin‑na yii chɛ wan an kunɛ ɔ, Yataa chia a. A tee chɛ a, mɔ wu sawa an sa‑a chɛ n ma, miin na‑a an kai fa Chisɔsi a.

CHISƆSI 'A SƆ MƆƐ NU 22:3

“Chu mɔɛ mu n na. N suun‑da Tasɔsi wan, Sidisia chɛnyɛ ɔ. Chɛɛ n bɔ‑a a ɔ nɛ wan, Chuusaɛn chɛ. Kamadiɛɛ 'a kan denɛ ni n na. A‑a n kan fan chɛndɛ chɛ, mmɔ bemba n ta bemba n ta sawa bia koe a gbau gbau gbu a. A sin, n‑na n fandi be wan, Yataa 'a wai chɛ koe a, n faa gbɛɛ a, n sɔɛ a. N bankan‑da wan, Yataa 'a wai chɛ koe a, yɔ wo wɛɛ, wo wɛn mbe ka bi nɛ.

CHISƆSI 'A SƆ MƆƐ NU 4:21

Chɛ gbakɔ, Chu kuti wa chɛ, an‑na Pita n na si wan to gbau gbau, mbɛ an‑na an boo ka. Koe min na mu, mɔɛ n gbɛɛ ni wan Yataa tando‑a, koe chɛ ko a, min ma‑a ka. An fandi gbu kuti ɔ, an kuiɛ nii ma bɛn ni kaina dɔndɔɛ, a si ni an mbe an tɔɔ buɛ min dɔ.

CHISƆSI 'A SƆ MƆƐ NU 4:4

Chɛɛ mɔɛ miin sɛsɛ na‑a Pita 'a sakana bai chɛ a min, a si Chisɔsi ma, an dan‑da wan a a. A sin, mɔ kaima miin gbɛɛ‑a an kai fa gbɛ Chisɔsi a, an danɛ ta‑a wan gbɛ wu duu ɔ.

CHISƆSI 'A SƆ MƆƐ NU 6:7

Mbɛ a ka gbɛ a tima chɛ ma, Yataa 'a bai a fasan‑da wan a ɔ gbɛɛ ɛ. Chisɔsi fɛ denɛ n da a koa‑a wan gbeden Chuusaɛn duu ɔ, mbɛ Chu n tɛ mɔɛ nu Yataa a, an sɛsɛ‑a an boo si sakana bai chɛndɛ chɛ kɔɔ.

GBOO DOMI KO A 10:2

N danden fan mu a a, mbɛ an‑na an fandi be wan Yataa ma. Chɛɛ an fandi be chɛ, a ma a ɔ yian ni, mbɛ an‑na Yataa wakoe ɔ gbɛ wan chɛndɛ chɛ.

Gboo Kadesia Ko A 1:14

A gbu sin, Chu mɔɛ n 'na sawa chɛ ɔ, n tɔɛ na‑a bɔ wan, a ben n ya teen ma an sɛsɛ ma, n 'na mɔɛ n tɛ ɔ. N bemba n ta bemba n 'na manda chɛ ko a, mɔ nii sai bɔ n na ɛnden bɛɛ a.

Gboo Kadesia Ko A 1:24

A sin, n bakoe na‑a a ma wan, an‑na Yataa tando.

GBOO FEAN BƆƐ TƐSADONIKA KO A 1:10

Chɛ an mbe ma‑a, ɛ na‑a tima min na an tee wa chɛ ma, tando ma sɔn koe a, a basan basɔmaya a. A ma sɔn koe a, a ka a ta mɔɛ chɛ n gbɛɛ a, miin kai faen mu a a. Wo wɛɛ, wo e ma‑a wan an tɛ ɔ. Koe min na mu, wo‑a wo kai fa sakana bai chɛ a, nn‑na min fɔ wo ye.