Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




CHISƆSI 'A SƆ MƆƐ NU 20:7 - Yataa 'a Dɔbɛnɛ Nama

7 Tɛnɛ kan kɔ dɔɛ ma, nn bɛn‑da wan kaina dɔndɔɛ, daun chɛ koe a. Pɔɔ‑a Yataa bai sa wan mɔɛ chɛ n tena. A toen ni ben koe an na, a banda ka. Chɛ an fɛ mu, a koɔ‑a wan an tena, aan su ta‑a a tɛ ma.

အခန်းကိုကြည့်ပါ။ ကော်ပီ




CHISƆSI 'A SƆ MƆƐ NU 20:7
22 ပူးပေါင်းရင်းမြစ်များ  

Mbɛ Chisɔsi na‑a a kɔɔ sɔ kɛn, Tɛnɛ kan kɔɔ dɔɛ ma, a‑a a wandi yian mɔɛ min pɛn na, an nɛ Mɛi a, min ka‑a Makadaa duu ɔ. A na‑a nyina yama wɔnfea chɛ n gbain an Mɛi chɛ an fɛ.


Mbɛ a‑a biidi chɛ dɔndɔ ya. Mbɛ a‑a Yataa wai bɔ, mbɛ a‑a a ɔ kai kai, mbɛ a‑a a du du an ma, a ɔ, “N gboo an nɛ, n mbe min be tena wo ko a. Wo chɛ ma tima ɔ tima, wo yii na chii koe a n na.”


Mbɛ kamin fea chɛ nu, miin ka‑a ka Emayɔsi, an‑na ko ɔ ko ɔ yian, min chɛ‑a a ɔ an tɛ an bɛ Chisɔsi a, Emayɔsi chia ma. Mbɛ an‑na a ɔ yian fan to, an fandi gbu na‑a Chisɔsi ma gbɛ buɛ min dɔ, a‑a biidi du kɛn an ma, tima min na an ni daun chɛ tena.


Sau sau ma, Tɛnɛ kan kɔ dɔɛ ma, kaina a findenɛ ni wɛ tima min na, Mɛi min ka‑a Makadaa duu ɔ, a ta‑a Chisɔsi kamba chɛ tena. Mbɛ a‑a a ɔ yen, mbɛ senɛ min bundenɛ ni an fan chɛ da a, a su chɛ sa‑a ka kaina, mbɛ an senɛ chɛ ee to nɔ bun dɔ.


A Tɛnɛ kan kɔ dɔɛ chɛ ma, tee bea ma ni gbɛ nyɔ dɛɛ. A sin, Chisɔsi fɛ den chɛ n na‑a an nyɔn na kan fan chenɛ a, mbɛ an‑na a da a tɔn, an chiandenɛ ɛ Chu n ya ɔ sɔɛ n ma. Mbɛ Chisɔsi bɔ‑a a a, a sɔ‑a an tɛtɛ ma. Mbɛ a ɔ, “Yataa ni faachima be wo ma.”


Wichi dɔndɔ bendenɛ gbakɔ, an na sɔn‑da wan to kaina dɔndɔ chenɛ a, mbɛ an‑na a da a tɔn. Tɔmɔsi chɛ wɛɛ ni wan nɔ an tɛ ɔ a tima chɛ nɛnɛ kɔɔ. Chen chɛ a tɔndenɛ ni wɛɛ ka, chɛɛ Chisɔsi bɔ‑a wan to, a sɔ‑a an tɛtɛ ma. Mbɛ a yɛ‑a to, a ɔ, “Yataa ni faachima be wo ma.”


Pɔɔ ban‑da kɛn dechee an koe chɛ ɔ yen‑da, a ya kɔɔɛ a, a wan Pɔɔ ni ma, ni nn fan, nn bun‑da nn ma bɛn‑da, ta koe a Masidonia chɛnyɛ ɔ. Koe min na mu, nn‑na nn yii na chii wan, mbɛ Yataa an‑na nn chee ka, ta koe a nɔ. Chɛ ni a ma, nn ni sakana bai chɛndɛ chɛ ɔ yian nɔ mɔɛ n na, a si Chisɔsi ma.


Chɛ gbakɔ, mɔɛ chɛ n‑na an too ma sɔ wan kanɛ ma, Chisɔsi 'a sɔ mɔɛ chɛ n ni min chɛ, a si Yataa wakoe ma. Kuiɛ a kanɛ ni wan to an gbɛɛ tɛ ɔ, a sin, an ni daunɛ chɛ wan kaina dɔndɔɛ tima ɔ tima ko a. An ni bɛn fan to tima ɔ tima ko a, samun chɛ koe a. An‑na an 'na tima gbɛɛ be wan, koe chɛ n gbɛɛ ma koe a.


Tee ɔ tee a, an ni bɛn fan kaina dɔndɔ Yataa 'a kata ɔ. An sin ni daunɛ chɛ wan an nyɔn tɛ ɔ an 'na chenɛ n na. An ni daun chɛ n chɛ faaɔgbɛ an dɔ, ni buɔdia ɔ,


Mbɛ a sɛ‑a to banda a chen chɛ a, a‑a biidi tɛ kai, mbɛ an bɛ gbɛɛ‑a a daun kaina dɔndɔ. A to‑a wan koɔ‑a an tena, aan banda ɔ ka‑a, mbɛ a ta‑a.


Chɛ an fɛ mu, wo wo wandi kun ma fɛn, mɔ bonda chɛ n boo ɔ. Wo wo yii na chii, mbɛ su ɔ tee a, n ni wo a si wan. N‑na chɛ ma wan san sawa ko a, di a n ya a.


An fan ta‑a nn ya ɔ, mbɛ an‑na nn ma kɔn Towasi duu ɔ.


A tima chɛ a, kamin tɔngbɔ dɔndɔ ni wan nɔ, min tɔ ni Yutikɔsi. Pɔɔ ni koɛ chɛ gbɛɛ chɛ tena tima min na, a ni si ɔ wunda a wan, a gbu chinɔenɛ ɛ. Mbɛ Pɔɔ che‑a kaina wan, Yutikɔsi boo tɛ‑a wunda chɛ a, mbɛ a bea‑a duu ma, a bɔ chenɛ chɛ si tena sawa chɛ ɔ. An mbe gbɛ a ya‑a, a faenɛ ni don.


Mbɛ an‑na tee yian Pɔɔ a, an mbe bɛn tee min ma, a yia chenɛ a. An tee chɛ che‑a kɛn, an na‑a wan a tena, an da a koaen ba. Mbɛ a ka sau ma ma, aan yɛɛ ma tee a, Pɔɔ si‑a wan ko ɔ ko ma, a‑a a ɔ yian mɔɛ chɛ n na. Pɔɔ‑a bai ɔ yian fan, a si Yataa 'a mansaya ma, an yiima mun koe a Chisɔsi tena. A‑a bai chɛ bɔ sawa chɛ an dɔ, Yataa‑a miin be Mosisi ma, a basan gboo chɛ ɔ a, Yataa 'a gbonka chɛ mɔɛ n 'na gboo chɛ.


Ni mmɔ ma‑a Mansa Chisɔsi 'a tebu chɛ ma, a yɛ to, ni mmɔ ma‑a gbɛ min‑da kɔpu chɛ ɔ, mmɔ‑a Yataa fai min dua koe a, mmɔ ɛ ma ka Chasi wii an ma sɔn‑da kuiɛ dɔndɔya ɔ. A sin to, ni mmɔ‑a biidi ɔ kai, mmɔ ni a daun, mmɔ ɛ ma‑a ka Chasi gboo an ma sɔn‑da kuiɛ dɔndɔya ɔ.


Chɛɛ Yataa 'a koadia demanɛ ɔ, n ma‑a mɔɛ a, n mu mɔɛ min na. A 'a koadia demanɛ chɛ sin, a‑a min be n ma, chia yen‑da wan a ma. Chia dɔ mende sin gbu a, n‑na wai chɛ wan, a ben Chasi 'a sɔ mɔɛ tɔɛ kan kɔ kan ma. A maen mu wɛɛ ka boo ɔ boo, mbɛ n fandi an ma a ma ni, n ni koe chɛ n ma. Chɛɛ Yataa 'a koadia demanɛ an na wai chɛ n na.


Tɛnɛ kan kɔɔ dɔɛ kan kɔ kan ma, mɔ ɔ mɔ ni kɔpɔɛ ɛnden dɔ bɛn, a ni a sa tena ɔ bɛn. Mɔɛ ɛ kɔpɔɛ ma sɔn buɛ min dɔ, ɛ a boo ma sɛ ka wan, mbɛ a‑a a sa tena ɔ bɛn. Chɛ ɛ a ma‑a wan, n mbe a fo‑a nɔ tima min na, kɔpɔ ma kain mbe ee ma‑a to nɔ.


Sakana bai chɛ ɔ yian mɔɛ n na, tee kɔɔ sona kɔɔ, i ma bɛn a ɔ yian koe a. Mɔɛ n yiima mun, an‑na ko yama fɔ an ye, mbɛ i‑a an faa ma nande, e ta‑a i faa bia‑a an na, ni i ma‑a an kan‑da.


Patimɔsi chɛ ni, Tɛnɛ kan kɔ dɔɛ ma, Yataa Nyina bea‑a n fɛ gban. A tima kɔɔ, n‑na mɔɛ kuiɛ a min fan, n gbaa chia a. Kuiɛ chɛ maen fan ni gbankon, yɔ buu fɛ kuiɛ.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ