CHISƆSI 'A SƆ MƆƐ NU 20:30 - Yataa 'a Dɔbɛnɛ Nama

³⁰ A sin, tima ɛ che‑a wan, mɔɛ dɔ n ni bɔ wo wandi gbu tɛ ɔ, miin mbe bai n fɔ‑a, miin mbe ee a chia ma. An mbe chɛ ma‑a wan, mɔɛ dɔ n ka koe a Chisɔsi 'a chia ma, an ni bea an fɛ.

CHISƆSI 'A SƆ MƆƐ NU 20:30 ပူးပေါင်းရင်းမြစ်များ

MATIU 23:15

“Wo wan sawa kan mɔɛ chɛ nu, wo wan Fayisii nu, koe min mbe wo tan‑da, a yau gba wo ko a. Nɛnɛn fea ti mu wo a. Su ni tee a, wo e sɔ ɔ wo chenɛ a, mɔ yanɛ a kan kɔ kan. Ni wo‑a mɔ dɔndɔ ma sɔn, wo fɛ den chɛ a, wo e chia a ka wan a ko a gbadan, min mbe a ma, wo bɛ ni ta ta ɔ. Ni wo sin ta‑a, gbɛmbo ee ma‑a a ma, koe min na mu, wo ban‑da a ma‑a wo kan mɔ a, ko yama ma ɔ.

CHISƆSI 'A SƆ MƆƐ NU 11:26

A‑a a yen kɛn, a‑a a ma wan, mbɛ an fea yɛ‑a a a Andiɔki duu ɔ. An ni bɛn fan, an bɛ chɔchi mɔɛ chɛ n na, an mbe ta‑a an sɛsɛ kan‑da. An ni wan nɔ san dɔndɔ ko a. Andiɔki ni, tɔɛ chɛ si‑a an kun ma, an dɔ, Chisianɛ nu, an fɛn kai faen ni Chisɔsi a.

CHISƆSI 'A SƆ MƆƐ NU 21:38

Chɛ‑a a ɔ yian, mbɛ Ichipi mɔɛ chɛ mu i wan na, min‑na butuinɛ si nɛ tee kɔmende a. A sin to, i wan na‑a a ma mɔ wu naaninɛ nu, miin wokoya‑a Domi kɔmende a, an bea‑a i fɛ, a ta fuinɛ ɔ. A e ka wan?”

GBOO FEAN BƆƐ KƆYINDI KO A 11:13

An mɔɛ chɛ nu, fania mɔɛ nu mu, an fandi ya koe a sɔ mɔɛ n na. Wai chɛ mɔɛ n fan nɛ, miin mbe mɔɛ n bun, an mbe ben an fandi ya‑a mɔɛ n na, miin mu Chasi 'a sɔ mɔɛ n na.

1 TIMOTI 5:13

A ka chɛ ma, an mbe a kuu sɔ wan nyapen nyapencha ma yan‑da, benbenɛ a chenɛ n kun ma. Min yau chɛ ma, an mbe tɔ tɛ chɛ wan a basan ko ɔ fɔɛ ma yanɛ a, bai n fɔɛ a min ma an fɔ bai a.

1 TIMOTI 6:5

An sin mbe ma an nyɔn dɔ sawan sawanɛ an na su ɔ tee a, mɔɛ miin yiima a ma ko ni, a sin tea sima wɛɛ ee a ɔ. Ɛ wan an yii ma, mbɛ Yataa koe ee ta nyanɛ gbaa.

2 PITA 2:18

An mbe bai n fɔ wan, yiimatɛ ee miin dɔ, dɔpandaya bai nu. An mbe koe yama n ma to, miin na di an gboo n ye. An mbe chɛ n ma, mɔɛ chɛ n bia koe an na, mɔɛ chɛ miin‑na a kuu sɔ an kunɛ bɔ‑a an ko yama chɛ n dɔ.

1 CHƆN 2:19

Mɔɛ chɛ n ni wan dechee mmɔ tɛ ɔ, chɛɛ mmɔ yiima nii dɔndɔ an na. Chɛ an‑na a ma, an ka‑a mmɔ fɛ, an ta‑a. Ni mmɔ yiima ni wan dɔndɔ gbe, an nii ka‑a mmɔ fɛ. Chɛɛ an ka‑a min chɛ‑a mmɔ fɛ, chɛ‑a a ɔ yian fan ka, mbɛ mmɔ yiima nii kaina dɔndɔ.

2 CHƆN 1:7

Fania fɔ mɔɛ sɛsɛ n mbe ben tena dunya ɔ. Mɔɛ nu, miin mbe ee dɔn a ma, mbɛ Chisɔsi Chasi na‑a wan dunya chɛ ɔ, mɔgbuya ɔ. An mɔ bonda chɛ nu, mɔ bun mɔɛ mu an na, Chasi chɛɛ ma nyɔɛ nu.

KO Ɔ NUNDENƐ 2:6

Chɛɛ n mbe wo tando tena ko dɔndɔ an ko a. N ma to ni mɔɛ miin na, Nikodasi fɛ mɔɛ chɛ nu, wo wɛɛ ma to ni an chɛ chɛ wai n na.”