CHISƆSI 'A SƆ MƆƐ NU 20:3 - Yataa 'a Dɔbɛnɛ Nama

³ a ni kaina kau sawa ko a. A ɛ gbɛ a ma bɛn tena wan, ta koe a Siyia chɛnyɛ ɔ dɛndɛ ɔ, mbɛ a‑a a ɔ gbɛ, mbɛ Chu mɔɛ n ni dɔbɛnɛ an dɔ, a fa koe a. A wɛɛ‑a a yiima mun fan, mbɛ a yɛ‑a to Masidonia.

CHISƆSI 'A SƆ MƆƐ NU 20:3 ပူးပေါင်းရင်းမြစ်များ

MATIU 4:24

A ma tɔɛ ta‑a wan Siyia chɛnyɛ gbɛɛ ɔ, min‑na a ma, mɔɛ na‑a a tena mɔɛ n na, gbandi sɛsɛ ni miin ma. An na‑a chɛ n na kɔsɔɛ ni miin gboo ɔ, gbɔgbɔi ni miin na be‑a, nyina yama ni miin fɛ, a basan namaa an na. Gbandi mɔ kan kɔ kan dechee, an na‑a wan an na a tena, a sin‑na an gbɛɛ a baun fan.

CHISƆSI 'A SƆ MƆƐ NU 16:12

Nn ka‑a nɔ wan, mbɛ nn ta‑a Fiipai duu ɔ. An ni duu chenama wa a, a tɔɛ chɛ n gbɛɛ ma Masidonia chɛnyɛ ɔ. A ni to duu an na, Domi mɔɛ n na‑a min na tɛ. Nn‑na tee sɛsɛ ya wan nɔ.

CHISƆSI 'A SƆ MƆƐ NU 16:9

A yɛɛ chɛ ma, Yataa‑a koe ɔ yian fan Pɔɔ a, yɔ a ni cho an dɔ. A‑a mɔ kaima yen fan, min ka‑a Masidonia chɛnyɛ ɔ, a ɛ sɔ ɔ a disa‑a, a ɔ, “Na nɛ nn tena Masidonia, i ni nn deman.”

CHISƆSI 'A SƆ MƆƐ NU 18:18

Koe chɛ maenɛ gbakɔ, Pɔɔ ni wan Kɔyindi tee kuun ko a. Mbɛ a‑a a saa suun ma nyɔɛ chɛ n na nɔ Chasi ɔ, a si‑a dɛndɛ ɔ, an bɛ Pisida an fea a chɛɛ Akuida a, ta koe a Siyia chɛnyɛ ɔ. An mbe e na to si‑a dɛndɛ ɔ, a ka Sɛnkea duu ɔ, an‑na a kunɛ gbanan fan. Koe min na mu, a na‑a a kai wan tee a kɔma a, Yataa tena.

CHISƆSI 'A SƆ MƆƐ NU 19:21

Koe chɛ n gbɛɛ gbakɔ, Pɔɔ‑a a yiima ɔ bɛn fan, Yataa Nyina 'a gbasaya ɔ, ben koe a Masidonia chɛnyɛ ɔ, a basan Akaya a, ta koe a Chuusaɛn duu ɔ. A‑a a fɔ wan, a ɔ, “Ni n ta‑a Chuusaɛn, n mbe che‑a wan Domi bɛɛ.”

CHISƆSI 'A SƆ MƆƐ NU 20:1

An gbun chɛ ɔ chima‑a kɛn, mbɛ Pɔɔ‑a Chisɔsi fɛ mɔɛ chɛ n chee kaina dɔndɔ. A ban‑da kɛn an faa chima bai fɔ‑a an ye, a‑a a saa wan an na. Mbɛ a‑a an to, a ta‑a Masidonia chɛnyɛ ɔ.

CHISƆSI 'A SƆ MƆƐ NU 20:19

Chu mɔɛ n‑na kun puinɛ chɛ wan, a yama boo a, a si n ma. Chɛɛ n‑na n fandi ma yii wan, n‑na wai chɛ wan Mansa Chisɔsi ko a, di ni wɛɛ n ya a, n faa wɛɛ yɔndenɛ ɛ, a si ko ma gbaaen chɛ n ma, Chu mɔɛ n‑na min sa n ma.

CHISƆSI 'A SƆ MƆƐ NU 20:2

A ben ben‑da wan Masidonia chɛnyɛ chɛ gbɛɛ ɔ, ɛ ta‑a nɔ mɔɛ chɛ n faa ma nande‑a bai sɛsɛ a. Mbɛ a ka‑a nɔ, a ta‑a Kiisi chɛnyɛ ɔ,

CHISƆSI 'A SƆ MƆƐ NU 21:3

Nn che‑a kɛn kaina, nn ni Saipɔsi yii tinɛ yen kaina min, nn‑na a ma sangba wan. Mbɛ nn‑na boo nyima ɔ chia bia wan, nn‑na nn kun sɔ Saipɔsi a, mbɛ nn che‑a tindi ma Taya duu ɔ. Koe min na mu, nɔ ni feanka a ni yii, a bɔ dɛndɛ wa chɛ ɔ.

CHISƆSI 'A SƆ MƆƐ NU 25:3

a ni basan an ma, a ma koe a, an ni na Pɔɔ a Chuusaɛn duu ɔ. An‑na chɛ fɔ, koe min na mu, an na‑a a ɔ bɛn fan, a fa koe a chia tɛ.

GBOO FEAN BƆƐ KƆYINDI KO A 1:15

N danden fan mu chɛ a. An fɛ mu, n toen ni, n ni na wo kɔndɔn. N ni na, min mbe a ma, wo ni dua ma sɔn gba fea ko a.

GBOO FEAN BƆƐ KƆYINDI KO A 11:26

N 'na tachɛ sɛsɛ n dɔ, n ni wan chianɛ kɔɔ, yii fa boo ɔ, a basan kanka n na. N ni wan chianɛ kɔɔ, n bɔ Chu mɔɛ n boo ɔ, ni mɔɛ chɛ n bɛɛ boo ɔ, miin ma Chu mɔ a. Ko ma chiandenɛ n ma‑a wan duu wa n dɔ, an ma‑a fuinɛ ma, an ma‑a kɔ yii a. N suun ma nyɔɛ chɛ n gbu wɛɛ Chasi ɔ, a wakoe ni sa ɔ dechee miin ya kɔɔɛ, chɛɛ a ee an faa ɔ, n chiandenɛ ni wan an ma.

GBOO FEAN BƆƐ KƆYINDI KO A 7:5

Koe min na mu, nn cheenɛ gbakɔ wɛɛ Masidonia chɛnyɛ ɔ, nn nii ma nn suin ni ɛnden bɛɛ a. Gbun koe dechee an ni a ɔ ben‑da, kan kɔ kan nn 'na tindanɛ. Mɔɛ n mbe koɔ‑a, an bɛ an bɔɛ n na, min gbu‑a a ma nn chian‑da.

Gboo Kadesia Ko A 1:21

Chɛ gbakɔ, n ta‑a wan Siyia chɛnyɛ ɔ, an fea Sidisia a.