CHISƆSI 'A SƆ MƆƐ NU 20:24 - Yataa 'a Dɔbɛnɛ Nama

²⁴ Chɛɛ ni n 'na wai chɛ koe mu, n ma n ta fɔɛ chɛ ya ni fen kɔ fen na. Wai chɛ, Mansa Chisɔsi‑a min be n ma, n ni a a ban koe mu. N ni sakana bai chɛndɛ chɛ ɔ yian mɔɛ n na, a si Yataa 'a koadia demanɛ ma.

CHISƆSI 'A SƆ MƆƐ NU 20:24 ပူးပေါင်းရင်းမြစ်များ

DUKU 16:28

a mu min na, n dɔ kaima duu n mbe nɔ. A ni ta, a ni an na si, min mbe a ma, an bɛɛ ma na na nɛ tɔɔya chɛ ɔ, n mbe ka min dɔ.’

CHƆN 15:27

A sin gbu, wo wɛɛ, wo e n bakoe ɔ yian‑da wan mɔɛ n na. Koe min na mu, kɛn n‑na a kuu sɔ kanɛ chɛ‑a, mmɔ bɛ an mbe ben ben tena.

CHƆN 17:4

N ban‑da a ɔ yian‑da dunya ɔ, i kamayaen mu buɛ min dɔ. A yen ko, n‑na i 'a wai a ban, i‑a min be n ma a chɛ koe a.

CHISƆSI 'A SƆ MƆƐ NU 11:23

A che‑a kɛn nɔ, mbɛ a‑a a ɔ yen, Yataa‑a koadia demanɛ chɛ buɛ min dɔ, an mɔɛ chɛ n na, a bu ɔ dia‑a wan kaka. A‑a an disa wan, min mbe a ma, an ni a tun an kai fa koe a Mansa Chisɔsi a, an faa gbɛɛ a.

CHISƆSI 'A SƆ MƆƐ NU 13:25

A sin, Chɔn ni kɛn gbɛ a 'a wai a ban tena dunya chɛ ɔ, a‑a a fɔ wan, a ɔ, ‘Ɛ wo yii ma, mbɛ nyɔn mu n na? N fan ma mɔɛ chɛ a, wo yii na chiien mu min na. Chɛɛ wo wo too ma sɔ, a ɛ na tena n gbaa chia a. Kɔɔwa gbu wɛɛ a chenɛ a, n mbe ee che a yuu wɛɛ fuin koe a.’

CHISƆSI 'A SƆ MƆƐ NU 14:3

Pɔɔ an fea Banabasi a, an ni wan nɔ an duu chɛ ɔ, tima ɔ yansama ko a. An ni bai sa wan faagbɛa a, a si Mansa Chisɔsi ma. Mansa Chisɔsi sin gbu‑a a ɔ yian fan, mbɛ sakana bai chɛ, an mbe min sa, a si a 'a koadia demanɛ ma, tea bai nu mu. Chisɔsi ni a ma wan, sɔ mɔɛ chɛ n ni kamaya ko wa sɛsɛ n ma, an kun ma a a.

CHISƆSI 'A SƆ MƆƐ NU 15:7

An‑na a tɛnsɛ kɛn pien, an nyɔn tɛ ɔ, mbɛ Pita‑a a kɔɔ sɔ. A ɔ, “N suun ma nyɔɛ nu Chasi ɔ, wo‑a a ɔ sɔn fan, Yataa‑a koe min ma. Mbɛ tima ɛnden ko a gbɛ, Yataa na‑a a boo sɔ wan n ma wo tɛ ɔ, n ni sakana bai chɛndɛ chɛ, a si Chisɔsi ma, a ɔ yian mɔɛ chɛ n na, miin ma Chu mɔ a. An ni an bai chɛ a min, mbɛ an‑na an kai fa Chisɔsi a.

CHISƆSI 'A SƆ MƆƐ NU 18:5

Sidasi an fea Timoti a, an na‑a kɛn a ka Masidonia chɛnyɛ ɔ, Pɔɔ‑a a 'a tima gbɛɛ be Yataa bai sa koe an na. A ni wan a fɔ tena Chu mɔɛ n ye, Chisɔsi an mu kunka mansa a.

CHISƆSI 'A SƆ MƆƐ NU 20:21

N‑na dasi gbau gbau be wan Chu mɔɛ n ma, ni miin bɛɛ ma Chu mɔ a, a si an kan kɔ sɔ koe a, an 'na ko yama n na, an ni an ya a mun Yataa ma. A yɛ to, a si an kai fa koe ma mmɔ 'a mansa Chisɔsi a.

CHISƆSI 'A SƆ MƆƐ NU 20:23

Mɔɔ dechee Yataa Nyina ɛ min fɔ tena n ye, duu kan kɔ kan dɔ, n mbe ta min dɔ. Mbɛ tɔɔya sɛsɛ, a basan pimbi chenɛ a sa a, ɛ wan n ya ɔ.

CHISƆSI 'A SƆ MƆƐ NU 20:32

“Sanche gbɛ, n mbe wo kai fa tena Yataa an na. Wo a a tun dan koe a sakana bai chɛ a, a si Yataa 'a koadia demanɛ chɛ ma wo tena. Ɛ kun fan, a ni a ma, wo 'a danaya n dɔ ni gbɛa. A yɛ to, ɛ kun fan, a ni dua chɛ be wo ma, min mbe Yataa boo ɔ, a 'a mɔɛ n gbɛɛ ko a.

CHISƆSI 'A SƆ MƆƐ NU 21:13

Chɛɛ Pɔɔ ɔ te, “Wo e di chɛ tena ka, n faa yɔn koe an na. Fen mu wo e chɛ ma tena? N ma ma bɛn ni, n sa koe dechee an ko a pimbi chenɛ a, chɛɛ n fa koe wɛɛ gbu a, Chuusaɛn duu ɔ, Mansa Chisɔsi ko a.”

CHISƆSI 'A SƆ MƆƐ NU 22:21

“Mbɛ Mansa Chisɔsi‑a a fɔ n ye, a ɔ, ‘Ta, koe min na mu, n mbe i sɔ tena kaina ɔ yansama wan, pande, mɔɛ chɛ n tena, miin ma Chu mɔ a.’ ”

CHISƆSI 'A SƆ MƆƐ NU 9:15

Chɛɛ Mansa Chisɔsi‑a a fɔ wan a ye, a ɔ, “Ta, mɔna chɛ mu, n‑na n boo sɔ min ma, wai chɛ koe a n ko a. A ni n bakoe ɔ yian mɔɛ n na, miin ma Chu mɔɛ n na, a basan mansa n na, an bɛ Isɔɛɛ mɔɛ n na.

GBOO DOMI KO A 11:6

Yataa 'a koadia demanɛ an‑na a ma, a‑a a boo sɔ an ma, ma koe a a ta mɔɛ n na. A ee mɔ ya i chɛ chɛ wai an ko a. A mu min na, ni Yataa ni mɔ ya a ta mɔɛ a, mɔ chɛ chɛ wai an ko a, mbɛ mɔ ɛ a yen, a ee mɔɛ chɛ ya tena koadia demanɛ ta fɛ chia an na.

GBOO DOMI KO A 4:4

Mɔɛ min mbe wai chɛ pawa ko a, ɛ pawa an ma sɔn. Mɔɛ 'a pawa ma ma ni, yɔ wai nyima, chɛɛ fenɛ mu a a, mɔɛ chɛ ɛ wai chɛ min ko a.

GBOO SAA KƆYINDI KO A 15:58

Chɛ an fɛ mu, n faa ma suun ma nyɔɛ nu Chasi ɔ, wo sɔ gban wo 'a danaya ɔ. Wo ma ka wo gba ɔ, wo ma Mansa Chisɔsi 'a wai a tima ɔ tima ko a. Koe min na mu, wo‑a a ɔ sɔn fan, wai ɔ wai, wo e min chɛ‑a Mansa chɛ ko a, a ee ma wai gbama a.

GBOO FEAN BƆƐ KƆYINDI KO A 12:10

Gbasaya ee ka buɛ min dɔ n boo ɔ, chɛ‑a n faa chima, Chasi ko a. N faa chimaen mu, mainɛ ɔ bia koe a, yakɔɔtawa bia koe a, ko ma gbaaenɛ ɔ bia koe a, a basan ko gbɛama n na. Koe min na mu, gbasaya ee n boo ɔ tima min na, a tima chɛ a mu, n dɔ gbɛ.

GBOO FEAN BƆƐ KƆYINDI KO A 4:1

Chɛ an fɛ mu, nn faa ee yɔn wai chɛ chɛ koe a. Koe min na mu, Yataa 'a chinchincha ɔ mu, a‑a wai chɛ be nn ma a chɛ koe a.

GBOO FEAN BƆƐ KƆYINDI KO A 4:12

Chɛ a ɔ yian fan, mbɛ saya ɛ wan tun ben‑da nn na san‑da. Chɛɛ wo tana, kuɔ fɔ fɔɛ an mbe wo ko a.

GBOO FEAN BƆƐ KƆYINDI KO A 5:8

Chɛ ko a, faachima koo mmɔ ɔ. A sin, mmɔ ɛ to‑a wan mmɔ ni bɔ dunya ma gboo chɛ ɔ, mmɔ ɛ min dɔ, mbɛ mmɔ ma‑a, mmɔ bɛ Mansa Chisɔsi a.

GBOO FEAN BƆƐ KƆYINDI KO A 7:4

N yii faen mu wo ma kaka. N mbe yonka min tɛ wo ma, a da a koo. Ko gbɛama chɛ n gbɛɛ ɔ, nn mbe miin dɔ bia tena, buɔdia koo n dɔ, a gbu danka ee.

Gboo Kadesia Ko A 1:1

N fan Pɔɔ, n fan mbe gboo chɛ nyɛn tena, nn bɛ mmɔ suun ma nyɔɛ n gbɛɛ n na Chasi ɔ, miin mbe nɛ. Chisɔsi Chasi 'a sɔ mɔɛ mu n na. Mɔ gbu an ma a ma ni, chɛ ni ma. Chɛɛ Chisɔsi Chasi wandi, an‑na a ma, an fea mmɔ Fa Yataa a, min‑na Chasi chɛ kɔɔ sɔ a ka saya ɔ. N mbe a nyɛn tena wo wan tena, wo wɛn mbe chɔchi n dɔ, Kadesia chɛnyɛ ɔ.

Gboo Ɛfisɔsi Ko A 1:6

Mmɔ Yataa tando kamaya chia chɛ ko a, a‑a a 'a koadia demanɛ ɔ yian mmɔ a min na, a faa gbɛɛ a. A‑a chɛ sin ma, a faa ma denɛ an dɔ.

Gboo Ɛfisɔsi Ko A 3:13

Chɛ an fɛ mu, wo dimu, wo faa ma yɔn, a si tɔɔya chɛ ma, n mbe min chɛ tena wo ko a. A gbu sin ni na basɔmaya a wo tena.

Gboo Fiipai Ko A 2:17

Wo e wo wandi be tena wan yɔ yasi, wai chɛ koe a Chasi ko a. Koe min na mu, wo‑a wo kai fa a a. N bu ɔ di, n sin mbe buɔdia bɔ‑a wan wo gbɛɛ a, an ni a ma wɛɛ, n wii ni bɔn, yɔ an mbe gbɛ bɔ buɛ min dɔ yasi a.

Gboo Fiipai Ko A 2:30

Koe min na mu, a‑a a wandi fɔɛ ma tachɛ wan, wo 'a wai a ban koe a n tena. A na‑a to fen den, a ni fa, Chasi 'a wai chɛ ko a.

Gboo Kɔdɔsai Ko A 1:24

Sanche chɛ ɔ, n mbe tɔɔya min gbɛɛ chɛ tena, wo ko a, n bu ɔ diama mu. A sin, n gboo chɛ ɔ, n mbe tɔɔya chɛ a ban‑da wan, Chasi‑a min dɔ bia, a gboo ko a, min mu chɔchi a.

Gboo Saa Tɛsadonika Ko A 2:2

Wo‑a a ɔ sɔn fan, nn‑na tɔɔya min dɔ bia Fiipai duu ɔ, nn mbe na to na‑a wo tena Tɛsadonika. An‑na nn bia buɛ min dɔ, a yama yama boo a. Chɛɛ chɛ gbɛɛ ɔ, Yataa‑a nn sɔɛ don fan a 'a sakana bai chɛndɛ ɔ yian koe a. An 'na chɛɛ ma nyɔncha ma a ma ni, nn ni sɛmbɛ ɛnden bɛɛ a.

Gboo Saa Tɛsadonika Ko A 3:3

Chɛ an mbe a ma‑a, an ni ko yawaenɛ sa wɛɛ wo ma, wo dɔndɔ wɛɛ ee mun‑da to. Koe min na mu, tɛnɛ ko ma a Yataa wandi tena, mbɛ mmɔ ɛ ko yawaen bonda chɛ n dɔ bia wan.

2 TIMOTI 1:12

A sin, chɛ an fɛ mu n mbe ka mɔnɛ bonda chɛ ɔ bia tena. Chɛɛ mau ee n dɔ, koe min na mu, n‑na a ɔ sɔn fan, n kai faen mu min na. A sin n danden fan mu a a, mbɛ a‑a fenɛ min be n ma, ɛ che wan a kun ma fɛn‑da aan a tee dankama chɛ ni che.

2 TIMOTI 3:11

I‑a a ɔ sɔn fan, an‑na ko yawaenɛ min si n na, ni tɔɔya gbɛɛ n‑na miin dɔ bia. I‑a a ɔ sɔn fan, fen ko si‑a n na kɛn n ni Andiɔki duu ɔ, ni Ikoniɔn duu ɔ, a basan Diisa duu ɔ a, n tɔɔ‑a buɛ min dɔ duu chɛ n dɔ. Chɛɛ Mansa Chisɔsi‑a n kun bɔ wan an gbɛɛ ɔ.

2 TIMOTI 4:17

Chɛɛ Mansa Chisɔsi sɔ‑a wan n kɔ gban, a‑a a ma n che‑a a 'a sakana bai fɔ‑a chɛndɛ chɛ. Chɛ‑a a ma wan, mɔɛ miin ma Chu mɔ a, an gbɛɛ‑a a a min. A sin to, a‑a n kun ka wan.

TAITƆSI 2:11

Koe min na mu, Yataa‑a a 'a koadia demanɛ ɔ yian, min mbe a ma, mɔ gbu gbɛɛ ni bauncha ma sɔn.

GBOO IBU MƆƐ N KO A 10:34

Wo chinchin‑da chɛ n ma, miin ni sa ɔ pimbi chenɛ a. A yɛ to, an‑na wo boo fenɛ n bɔ kɛn wo boo ɔ gbasaya a, wo faa nii ma yɔn ni ɛnden bɛɛ a. Koe min na mu, wo na‑a a ɔ sɔn fan, fenɛ ɛ wan wo ko a, min benden mu an ma, fenɛ min mbe ma‑a kuɔ fɔ ko a.

1 PITA 5:12

N mbe ka gboo kunduenɛ min nyɛn‑da wo tena, Sidasi an mbe basan tena n ma. N 'na yiinachii ɔ, suun ma nyɔɛ mu a a, Chasi ɔ, n danden mu min na chɛndɛ chɛ. N toen mu n ni wo faa n ma nande, n ni a ɔ yian to wo a, mbɛ Yataa 'a koadia demanɛ gbu ɛ wan wo ko a. Wo wo boo a chii a ma gban.

1 CHƆN 3:16

Chisɔsi Chasi‑a a fɔɛ be wan mmɔ ko a. Chɛ‑a a ma wan, mmɔ‑a a ɔ sɔn koadia mu fenɛ min nyɔn sima a. Chɛ an fɛ mu, mmɔ wɛɛ, a nyin fan mmɔ ni mmɔ wandi be mmɔ suun ma nyɔɛ n ko a.

KO Ɔ NUNDENƐ 12:11

Mmɔ 'a mɔɛ n‑na Sitana bea chɛɛ ɔ, sa tɔngbɔɛ wii 'a gbasaya an dɔ mu, a basan Yataa 'a sakana bai a, an ni min sa. An nii ma chian ni saya ma.

KO Ɔ NUNDENƐ 6:11

Mbɛ mɔɛ chɛ nu, an‑na miin fa ka, doma wa dɔndɔ dɔndɔ be‑a an ma, doma gbɛ fo. Mbɛ a fɔ‑a an ye, mbɛ an ni a ma kɔn, aan an bɔɛ wai chɛ mɔɛ n da ni fa, an suun ma nyɔɛ nu Chasi ɔ, miin mbe fa‑a yɔ an fan.