CHISƆSI 'A SƆ MƆƐ NU 20:1 - Yataa 'a Dɔbɛnɛ Nama

¹ An gbun chɛ ɔ chima‑a kɛn, mbɛ Pɔɔ‑a Chisɔsi fɛ mɔɛ chɛ n chee kaina dɔndɔ. A ban‑da kɛn an faa chima bai fɔ‑a an ye, a‑a a saa wan an na. Mbɛ a‑a an to, a ta‑a Masidonia chɛnyɛ ɔ.

CHISƆSI 'A SƆ MƆƐ NU 20:1 ပူးပေါင်းရင်းမြစ်များ

CHISƆSI 'A SƆ MƆƐ NU 11:26

A‑a a yen kɛn, a‑a a ma wan, mbɛ an fea yɛ‑a a a Andiɔki duu ɔ. An ni bɛn fan, an bɛ chɔchi mɔɛ chɛ n na, an mbe ta‑a an sɛsɛ kan‑da. An ni wan nɔ san dɔndɔ ko a. Andiɔki ni, tɔɛ chɛ si‑a an kun ma, an dɔ, Chisianɛ nu, an fɛn kai faen ni Chisɔsi a.

CHISƆSI 'A SƆ MƆƐ NU 16:12

Nn ka‑a nɔ wan, mbɛ nn ta‑a Fiipai duu ɔ. An ni duu chenama wa a, a tɔɛ chɛ n gbɛɛ ma Masidonia chɛnyɛ ɔ. A ni to duu an na, Domi mɔɛ n na‑a min na tɛ. Nn‑na tee sɛsɛ ya wan nɔ.

CHISƆSI 'A SƆ MƆƐ NU 16:9

A yɛɛ chɛ ma, Yataa‑a koe ɔ yian fan Pɔɔ a, yɔ a ni cho an dɔ. A‑a mɔ kaima yen fan, min ka‑a Masidonia chɛnyɛ ɔ, a ɛ sɔ ɔ a disa‑a, a ɔ, “Na nɛ nn tena Masidonia, i ni nn deman.”

CHISƆSI 'A SƆ MƆƐ NU 19:21

Koe chɛ n gbɛɛ gbakɔ, Pɔɔ‑a a yiima ɔ bɛn fan, Yataa Nyina 'a gbasaya ɔ, ben koe a Masidonia chɛnyɛ ɔ, a basan Akaya a, ta koe a Chuusaɛn duu ɔ. A‑a a fɔ wan, a ɔ, “Ni n ta‑a Chuusaɛn, n mbe che‑a wan Domi bɛɛ.”

CHISƆSI 'A SƆ MƆƐ NU 20:10

Chɛɛ Pɔɔ yii‑a wan nɔ duu ma, mbɛ a‑a a ma bun su chɛ kun ma. Mbɛ a‑a su chɛ bia a boo fea a, a ɔ, “Wo ma wo faa gbaa, a ɛ fɔɛ ɔ.”

CHISƆSI 'A SƆ MƆƐ NU 20:2

A ben ben‑da wan Masidonia chɛnyɛ chɛ gbɛɛ ɔ, ɛ ta‑a nɔ mɔɛ chɛ n faa ma nande‑a bai sɛsɛ a. Mbɛ a ka‑a nɔ, a ta‑a Kiisi chɛnyɛ ɔ,

CHISƆSI 'A SƆ MƆƐ NU 20:3

a ni kaina kau sawa ko a. A ɛ gbɛ a ma bɛn tena wan, ta koe a Siyia chɛnyɛ ɔ dɛndɛ ɔ, mbɛ a‑a a ɔ gbɛ, mbɛ Chu mɔɛ n ni dɔbɛnɛ an dɔ, a fa koe a. A wɛɛ‑a a yiima mun fan, mbɛ a yɛ‑a to Masidonia.

CHISƆSI 'A SƆ MƆƐ NU 20:37

A sin, an ni kɛn an saa a a, an gbɛɛ gbaun‑da wan di a, an bea‑a a kaa ɔ, koadia wa ɔ.

GBOO DOMI KO A 15:19

A yɛ to, a bɔ‑a to koe n tɔmɔsi gbau gbau n dɔ, a basan kamaya koe wa n na, n‑na miin ma. A sin, Yataa Nyina‑a gbasaya be n ma koe chɛ n gbɛɛ ma koe a. A sin chia chɛ a mu, Yataa 'a sakana bai chɛndɛ chɛ a si Chasi ma, n‑na a sa wan kan kɔ kan, a ka Chuusaɛn duu ɔ, a ta Idiikɔn chɛnyɛ ɔ.

GBOO DOMI KO A 16:16

Ni wo bɛn‑da, mbɛ wo‑a wo nyɔn kɔndɔn koadia faa a. Chisian chɛ n gbɛɛ chɔchi tɔɛ chɛ n dɔ, an mbe wo gbɛɛ kɔndɔn tena ka.

GBOO SAA KƆYINDI KO A 16:20

Mmɔ suun ma nyɔɛ n gbɛɛ Chasi ɔ, an mbe wo kɔndɔn tena. Wo wɛɛ, ni wo bɛn‑da, mbɛ wo‑a wo nyɔn kɔndɔn koadia faa a.

GBOO SAA KƆYINDI KO A 16:5

N mbe na‑a wan wo kɔndɔn‑da, ni n‑na Masidonia chɛnyɛ ɔ tandin, koe min na mu, n toen mu, n ni ben nɔ chia an na.

GBOO FEAN BƆƐ KƆYINDI KO A 13:12

Ni wo bɛn‑da, mbɛ wo‑a wo nyɔn kɔndɔn koadia faa a. Yataa 'a mɔɛ n gbɛɛ nɛ, an‑na wo kɔndɔn.

GBOO FEAN BƆƐ KƆYINDI KO A 7:5

Koe min na mu, nn cheenɛ gbakɔ wɛɛ Masidonia chɛnyɛ ɔ, nn nii ma nn suin ni ɛnden bɛɛ a. Gbun koe dechee an ni a ɔ ben‑da, kan kɔ kan nn 'na tindanɛ. Mɔɛ n mbe koɔ‑a, an bɛ an bɔɛ n na, min gbu‑a a ma nn chian‑da.

Gboo Saa Tɛsadonika Ko A 5:26

Mɔɛ chɛ n gbɛɛ, miin kai faen mu Chisɔsi a, wo an kɔndɔn koadia faa a.

1 TIMOTI 1:3

N toen mu i ni ma Ɛfisɔsi duu ɔ wan. I ma ka nɔ, yɔ n na‑a a fɔ buɛ min dɔ i ye, tima min na ni n mbe ta‑a Masidonia chɛnyɛ ɔ. Mɔɛ chɛ nu Ɛfisɔsi, miin mbe ka fania kan chɛ a, a fɔ an ye an ni sɛmbɛ a a.