CHISƆSI 'A SƆ MƆƐ NU 2:9 - Yataa 'a Dɔbɛnɛ Nama

⁹ Mmɔ ka‑a chɛnyɛ sɛsɛ n fan dɔ. Dɔ n ka‑a Patia, dɔ nu Media, dɔ n sin Ɛdan. Dɔ n ka‑a to Mɛsɔpotemia, dɔ nu Chudia, mbɛ dɔ n ka‑a Kapadosia. Dɔ n bɛɛ ka‑a Pɔndɔsi, an fea Esia a.

CHISƆSI 'A SƆ MƆƐ NU 2:9 ပူးပေါင်းရင်းမြစ်များ

CHISƆSI 'A SƆ MƆƐ NU 16:6

An ta‑a wan aan Fichiya chɛnyɛ gbɛɛ ɔ, a basan Kadesia chɛnyɛ ɔ a. Koe min na mu, Yataa Nyina nii ma dɔn ni, an ni Yataa bai sa Esia chɛnyɛ ɔ.

CHISƆSI 'A SƆ MƆƐ NU 18:2

Kɔyindi ni, a‑a Chu mɔ dɔndɔ tan, min tɔ ni Akuida, a sin suun‑da Pɔndɔsi chɛnyɛ ɔ wan. A na nama ni ka, a ka Itadi chɛnyɛ ɔ, an fea a 'a musu Pisida a. Koe min na mu, Domi kun ti wa chɛ, min tɔ ni Kaudiyɔsi, a na‑a sawa a ben fan, mbɛ Chu mɔɛ n gbɛɛ ni bɔ Domi duu ɔ. Pɔɔ ta‑a wan an yen koe a,

CHISƆSI 'A SƆ MƆƐ NU 19:10

Chɛ a tun‑da wan a ma san fea ko a, min‑na a ma, mɔɛ miin gbɛɛ ni Esia chɛnyɛ chɛ ɔ, an‑na sakana bai a min fan, a si Mansa Chisɔsi ma. Chu mɔɛ n‑na a a min fan, an bɛ mɔɛ chɛ n na, miin nii ma Chu mɔ a.

CHISƆSI 'A SƆ MƆƐ NU 19:27

N mbe ee bai sa tena dechee a si mmɔ 'a kɔpɔ sɔn koe an ma, ni mmɔ ɛ fo‑a buɛ min dɔ kɔpɔɛ a. Chɛɛ tima ɛ che‑a wan, mɔɛ n mbe ee na‑a baa be‑a chen chɛ ma to, mmɔ 'a musu yataa wa chɛ, a 'a chen chɛ. An gbu sin mbe na‑a wan a bɔ‑a a 'a basɔmaya chɛ ɔ, min mbe a boo ɔ. A wɛn mu ka, mɔɛ gbɛɛ Esia chɛnyɛ chɛ gbɛɛ ɔ, a basan dunya chɛ gbɛɛ a, an mbe a fai.”

CHISƆSI 'A SƆ MƆƐ NU 19:31

Mɔɛ dɔ n bɛɛ gbu, miin ni mɔ chenama n na nɔ, an Esia chɛnyɛ ɔ, an‑na sakana a ta wan disa ɔ, Pɔɔ ma na don nɔ. A dia nyɔɛ ni an mɔɛ chɛ n na.

CHISƆSI 'A SƆ MƆƐ NU 2:8

Chɛɛ fen ko a mu gbɛ, mmɔ gbɛɛ ɛ an da a kuiɛ ɔ gbɛ‑a, dɔndɔ dɔndɔɛ a mmɔ ta chɛnyɛ koɛ n dɔ?

CHISƆSI 'A SƆ MƆƐ NU 20:16

Pɔɔ yiima ɔ bɛnden fan ni, a ni Ɛfisɔsi ma sangba. Koe min na mu, a nii ma to ni tima kan kɔ kan yayi koe a Esia chɛnyɛ ɔ. A toen ni tachɛ a gbandi ma an chɛ koe a. Ni a ni bɛn fan, a ni che Chuusaɛn duu ɔ, tee chɛ ma, an ni min chee Pɛndekɔsi.

CHISƆSI 'A SƆ MƆƐ NU 20:18

An che‑a kɛn Pɔɔ ma, a‑a a fɔ wan an ye, a ɔ, “Wo‑a a ɔ yen fan, n ni buɛ min dɔ wo tɛ ɔ, tima ɔ tima ko a. A ka n 'na tee saa saa ma Esia chɛnyɛ chɛ ɔ, aan a sɔ n ka tee ma nɔ.

CHISƆSI 'A SƆ MƆƐ NU 20:4

Kai Piyɔsi 'a den kaienɛ Sopata, min ka‑a Bɛyia duu ɔ, a bea‑a wan Pɔɔ fɛ, mbɛ an fea ta‑a a a. Mɔ dɔ mende nu, miin bɛɛ bea‑a a fɛ, an fan nii nɛ, Ayisitakɔsi a, an fea Sɛkundɔsi a, miin ka‑a Tɛsadonika duu ɔ. A yɛ to, ni Kayɔsi, min ka‑a Dabi duu ɔ, an fea Tikikɔsi a, ni Tɔfimɔsi miin ka‑a Esia chɛnyɛ n dɔ. Mɔɛ dankama ni Timoti an na.

CHISƆSI 'A SƆ MƆƐ NU 21:27

Chɛɛ tee wɔnfea chɛ, a ni gbɛ ban koe an na, mbɛ Chu mɔɛ dɔ nu, a ka Esia chɛnyɛ ɔ, an‑na Pɔɔ yen fan Yataa 'a kata ɔ. An‑na fanka a sɛ wan Pɔɔ ma, mbɛ an‑na a bia fɔin.

CHISƆSI 'A SƆ MƆƐ NU 24:18

N to‑a chɛ an ma‑a, mbɛ an‑na n tan nɔ, Yataa 'a kata chɛ ɔ. An‑na a ɔ yen fan gbɛ, mbɛ n koenɛ ni fion. A tima chɛ a, mɔ fanka fanka nii nɔ, sɔnkɔ sɔnkɔ nii nɔ.

CHISƆSI 'A SƆ MƆƐ NU 27:2

Nn sɛ‑a wan dɛndɛ ɔ, min ka‑a Adamitiɔn duu ɔ, min ni gbɛ ta koe a duu chɛ n dɔ, yii a sanɛ Esia chɛnyɛ ɔ. Mbɛ nn ta‑a, nn bɛ Ayisitakɔsi a, min ni Tɛsadonika duu ɔ mɔɛ a, a ka Masidonia chɛnyɛ ɔ.

CHISƆSI 'A SƆ MƆƐ NU 6:9

Chɛɛ tee dɔndɔ a, mɔɛ dɔ n ka‑a wan Chu n 'na samun chɛ chenɛ a, an ni min chee, an dɔ, Chu miin bɔ‑a yɔncha ɔ, an 'na samun chɛ chenɛ. Mbɛ an bun‑da bai tɛnsɛ‑a an nyɔn tɛ, an bɛ Sitibin na. Chu mɔɛ n ni an mɔɛ chɛ n na, miin ka‑a Sayini duu ɔ, a basan Adɛsandia duu ɔ a. A yɛ to, Chu mɔ dɔ mende nu, miin ka‑a Sidisia, an fea Esia chɛnyɛ ɔ a, an ni wan nɔ.

CHISƆSI 'A SƆ MƆƐ NU 7:2

Mbɛ Sitibin dɔ, “N suun ma nyɔɛ nu, fa nu, wo wo too ma sɔ n ma. Mmɔ bemba Ebeami na‑a ka wan Mɛsɔpotemia, a ta‑a Ayan duu ɔ. Chɛɛ a e na to ta‑a, Yataa min benden mu fen kɔ fen ma, a bɔ‑a wan a ya a,

GBOO DOMI KO A 16:5

N mbe chɔchi mɔɛ chɛ n bɛɛ kɔndɔn tena, miin mbe bɛn n bɔɛ chɛ n na chenɛ a. N mbe n dia nyɔɛ Ɛpainɛtɔsi kɔndɔn tena. An mu mɔɛ saa saa a Esia chɛnyɛ chɛ ɔ, min‑na a kai fa Chisɔsi Chasi a.

GBOO SAA KƆYINDI KO A 16:19

Chɔchi mɔɛ miin mbe Esia chɛnyɛ chɛ ɔ, an ni wo kɔndɔn. Akuida wɛɛ, an fea a 'a musu Pisida a, an‑na wo kɔndɔn. Mɔɛ chɛ n bɛɛ, miin mbe bɛn an 'na chenɛ a, an bɛɛ‑a wo kɔndɔn, buɔdia kɔndɔnɛ a.

GBOO FEAN BƆƐ KƆYINDI KO A 1:8

N suun ma nyɔɛ nu Chasi ɔ, nn ma to ni wo ni ma ka, ni nn ma‑a chɛ ɔ yian ni wo a. Ko gbɛama chɛ, nn‑na min dɔ bia Esia chɛnyɛ ɔ, nn ni a ɔ yian wo a. Suunɛ min na‑a si nn kun ma, a ni koo, a ni fanka ka wan to. A na‑a a ma wan, nn yii nii to ma koe a fɔɛ ɔ.

2 TIMOTI 1:15

I‑a a ɔ sɔn fan mbɛ an gbɛɛ, an fɛn mbe Esia chɛnyɛ ɔ, an ka‑a n fɛ, an bɛ Fichɛdɔsi a, ni Amɔchɛnesi.

1 PITA 1:1

N fan Pita, Chisɔsi 'a sɔ mɔɛ, n fan mbe ka gboo chɛ nyɛn‑da. N mbe a nyɛn tena wo wan tena, wo wan Yataa 'a mɔɛ chɛ nu, a na‑a a boo sɔ ka wo wɛn ma. Wo a fasandenɛ mu ben‑da, wo e sondaya ɔ chɛnyɛ sɛsɛ ɔ. Wo e pande Pɔndɔsi chɛnyɛ ɔ, wo dɔ n mbe Kadesia, a yɛ to, wo dɔ n mbe Kapadosia, wo dɔ n sin mbe Esia, a basan Bitinia chɛnyɛ ɔ a.

KO Ɔ NUNDENƐ 1:11

Mbɛ an kuiɛ chɛ, a ɔ n ma, “E koe miin dɔ yen‑da, an nyɛn, i ni an na ta chɔchi wɔnfea chɛ n tena, duu wa chɛ n dɔ. Chɔchi chɛ ni ma Ɛfisɔsi, ni chɛ Simina, chɛ Pakamɔn, ni chɛ Tiyatiya. Chɔchi chɛ to Sadisi, ni chɛ Fidadɛfia, a basan chɛ a Daɔdisia.”

KO Ɔ NUNDENƐ 1:4

N fan Chɔn, n fan mbe gboo chɛ nyɛn tena wo tena, wo wɛn mbe chɔchi wɔnfea n dɔ, Esia chɛnyɛ ɔ. Yataa ni wo dua, Yataa ni faachima be wo ma. Yataa min mbe nɔ sanche, a ni wan nɔ suun, a sin mbe ma‑a wan nɔ kuɔ fɔ ko a. Nyina wɔnfea n bɛɛ, miin mbe sɔ ɔ Yataa ya kɔɔ, ɛ si ɔ a 'a mansaya sea a.