CHISƆSI 'A SƆ MƆƐ NU 2:7 - Yataa 'a Dɔbɛnɛ Nama

⁷ Chɛ ma‑a wan kamaya koe a mɔɛ chɛ n tena, mbɛ an kɔndɔ fii‑a. Mbɛ an dɔ, “Fen ko e nɛ? Mmɔ ɛ ka mɔɛ miin gbɛɛ koɔ kuiɛ a min tena, Kadidi mɔɛ n fan nɛ.

CHISƆSI 'A SƆ MƆƐ NU 2:7 ပူးပေါင်းရင်းမြစ်များ

MATIU 21:11

Mbɛ mɔ fanka chɛ nu na‑a, an dɔ, “Chisɔsi an nɛ, Yataa 'a gbonka chɛ mɔɛ. A ka‑a Kadidi chɛnyɛ ɔ wan, Nasaɛti duu ɔ.”

MATIU 26:73

A ɔ ma yansan ni to, mbɛ mɔɛ miin ni ka nɔ sɔ ɔ, an bɛɛ gbɛn‑da a ma. Mbɛ an dɔ, “Mɔ dɔndɔ mu i a, min ni Chisɔsi fɛ. Nn‑na chɛ ɔ sɔn i koɔ buɛ an ma.”

MATIU 8:10

Chisɔsi tɛnɛ‑a wan a a, bai chɛ a min koe a. Mbɛ a‑a a fɔ fanka wa chɛ ma, min ni a sɔ tena a fɛ, a ɔ, “N ni a ma din wo tena, mbɛ kɛn gba, n ma mɔ bonda chɛ yen nin bɛ Isɔɛɛ mɔɛ n gbɛɛ tɛ ɔ, min danden mu ka n na.

MAKI 1:27

Mɔɛ miin gbɛɛ ni nɔ, an da ɔ gbaa‑a wan. An bun‑da a fɔ‑a, an nyɔn ye, an dɔ, “Fen koe e nɛ? Kan chɛ buɛ nama an nɛ. Ɛ a fɔ wan nyina yama n bɛɛ ye, an mbe koe min ma. An sin, a 'a gbasaya chɛ, an mbe a ya wan.”

MAKI 2:12

A ya kɔɔɛ a, an gbɛɛ ya to‑a ka wan kamin chɛ a, a‑a a kɔɔ sɔ, a‑a a 'a yaa ya, mbɛ a ta‑a gbae. An gbɛɛ da ɔ gbaa‑a wan gbechee, mbɛ an‑na Yataa tando. An dɔ, “Nn ma koe ɔ yen nin bɛ, yɔ chɛ nyɔn sima.”

CHƆN 7:52

Mbɛ a bɔɛ chɛ n dɔ, “Aa, i wɛɛ ka‑a Kadidi wan? Yataa 'a gboo ɔ fɛn bɛ kan kɔ kan, e ee yiima chɛ yen‑da a ɔ. Yiima chɛ, mbɛ Yataa 'a gbonka chɛ mɔ dɔndɔ wɛɛ ɛ ka‑a wan Kadidi chɛnyɛ ɔ.” [

CHISƆSI 'A SƆ MƆƐ NU 1:11

Mbɛ mɔ fea chɛ n dɔ, “Kadidi mɔɛ nu, fen mu wo e sɔ ɔ banda a fɛn‑da tidan? Chisɔsi chɛ, Yataa sɛ‑a ka min na banda bu ɔ, ɛ na‑a wan to mɔya chɛ ɔ, yɔ wo‑a a yen ka buɛ min dɔ sɛ‑a banda bu ɔ.”

CHISƆSI 'A SƆ MƆƐ NU 2:12

An gbɛɛ kɔndɔ fiienɛ ni, a ɔ benden ba a. An‑na an nyɔn dɔ tisa wan tɔfɛ tɔfɛ, an dɔ te, “Chɛ e na ma ka gbɛ fen na?”

CHISƆSI 'A SƆ MƆƐ NU 2:8

Chɛɛ fen ko a mu gbɛ, mmɔ gbɛɛ ɛ an da a kuiɛ ɔ gbɛ‑a, dɔndɔ dɔndɔɛ a mmɔ ta chɛnyɛ koɛ n dɔ?

CHISƆSI 'A SƆ MƆƐ NU 3:10

Mbɛ an‑na a ma gbɛ, mbɛ kamin chɛ an nii nɛ, min ni si ka fen fuin tena Yataa 'a kata chɛ da a, an ni min chee ka, an dɔ, Kata Da Nyima. An gbɛɛ tɛnɛ‑a wan a a, mbɛ an da ɔ gbaa‑a, a si ko bonda chɛ ma, min ma‑a ka kamin chɛ a.