CHISƆSI 'A SƆ MƆƐ NU 2:5 - Yataa 'a Dɔbɛnɛ Nama

⁵ A tima chɛ a, Chu mɔɛ n sɛsɛ, a ka chɛnyɛ kan kɔ kan dɔ dunya ɔ, an ni wan Chuusaɛn. An ni mɔɛ n fan na, miin ni kooya be Yataa ma.

CHISƆSI 'A SƆ MƆƐ NU 2:5 ပူးပေါင်းရင်းမြစ်များ

MATIU 24:14

Mbɛ a sin, sakana bai chɛndɛ chɛ, a si Yataa 'a mansaya ma, mɔɛ n mbe a ɔ yian‑da wan mɔɛ gbɛɛ a dunya gbɛɛ ɔ. Chɛ ɛ a ma‑a wan, mɔɛ n ni sakana bai chɛndɛ chɛ a min chɛnyɛ koɛ kan kɔ kan dɔ. A sin, a tima a mu dechee, dunya ɛ danka‑a.”

DUKU 17:24

A mu min na, ni banda bea‑a kan kɔ kan, mɔ ɔ mɔ‑a a ɔ yen fan, ni fen ko ma‑a ka. A chia dɔndɔ gbe chɛ a mu, n fan, Mɔ Gbu 'a Denɛ, n mbe na‑a tima min na, mɔ ɔ mɔ ɛ a ɔ yen‑da wan.

DUKU 2:25

A tima chɛ a, kamin dɔndɔ ni wan Chuusaɛn duu ɔ, min tɔ ni Simiyɔn. Kamin chɛ tanden fan ni Yataa tena. A yɛ to, a Yataa koen ni kaka. A ni gbɛ tima an ma kɔn tena, tima min na, Yataa ɛ di ka‑a Isɔɛɛ mɔɛ n ya a. Yataa Nyina ni wan a fɛ.

DUKU 24:18

An dɔndɔ min tɔ ni Kiyopasi, a ɔ, “Mɔna, i dɔndɔ gbe chɛ, sonda mu i wan na dechee Chuusaɛn, min ma a ɔ sɔn koe miin ben‑da nɔ tee fea chɛ ɔ.”

CHƆN 12:20

Mɔɛ chɛ nu, miin na‑a sɛ ka Chuusaɛn bɛn chɛ ɔ, Yataa fai koe a, mɔɛ n ni wan an tɛ ɔ, miin nii ma Chu mɔ a.

CHISƆSI 'A SƆ MƆƐ NU 10:2

An kamin chɛ ni mɔɛ an na, min ni kooya be Yataa ma. A ni Yataa fai wan tima ɔ tima ko a, an bɛ a 'a chen 'na mɔɛ n gbɛɛ a. A boo fenɛ nii ma dɔɔ, a ni min be, basan koe a yɔn tɔɛ n ma. A gboo ɔ nii fa, samunɛ chɛ koe a.

CHISƆSI 'A SƆ MƆƐ NU 10:7

Mbɛ maeka chɛ ban‑da kɛn koɔ‑a Kɔniyɔsi tena, a ta‑a gbae. Mbɛ Kɔniyɔsi‑a bɔi den fea n ya, miin ni wai chɛ tena a kɔɔ a 'a chenɛ a, ni soya mɔ dɔndɔ. An soya mɔɛ chɛ wɛɛ, a Yataa koen ni kaka, a sin fan ni Kɔniyɔsi fɛ basan koe a a ma.

CHISƆSI 'A SƆ MƆƐ NU 13:50

Chɛɛ musu gbakoo nu an duu chɛ ɔ, miin ni kooya be Yataa ma, an bɛ nɔ mɔ kaima gbakoo n gbɛɛ a, Chu mɔɛ chɛ n‑na an gbɛɛ a sɛ wan Pɔɔ n ma. An‑na ko ma gbaaenɛ sa wan Pɔɔ ma, an fea Banabasi a, mbɛ an gbu‑a an gbain an tanda gbu ɔ.

CHISƆSI 'A SƆ MƆƐ NU 2:1

Tee chɛ che‑a kɛn, an ni min chee an dɔ Pɛndekɔsi, mɔɛ miin gbɛɛ na‑a an kai fa ka Chisɔsi a, an na kanden fan ni Chuusaɛn kaina dɔndɔɛ.

CHISƆSI 'A SƆ MƆƐ NU 22:12

“Damasikɔsi duu chɛ ɔ, kamin dɔndɔ ni wan nɔ, min tɔ ni Ananiyasi. A ni mɔɛ an na, min ni Yataa fai a faa gbɛɛ a, a sin ni koe chɛ n gbɛɛ ma wan, Chu n 'na sawa‑a miin fɔ. Chu mɔɛ n gbɛɛ Damasikɔsi, an mbe basɔmaya be wan a ma, a sɛmbɛnden na.

CHISƆSI 'A SƆ MƆƐ NU 8:2

Mɔɛ dɔ nu, miin fɔɛ been ni ka Yataa fai koe a, an‑na Sitibin tɔn fan. An sin‑na chinchima di chɛ wan to, a si Sitibin fa koe ma.

CHISƆSI 'A SƆ MƆƐ NU 8:27

Mbɛ Fiipi‑a a kɔɔ sɔ, mbɛ a ta‑a chia chɛ a. Mbɛ a yen ko, a tima dɔndɔ gbe chɛ a, kai dɔndɔ ni wan nɔ, min na‑a ka Itiopia chɛnyɛ ɔ. A ni ben tena wan a chia dɔndɔ gbe chɛ a, a yɛ a waa a. Mɔ chenama ni a a Itiopia chɛnyɛ ɔ, mansa de chɛ 'a kɔpɔɛ kun ma. A na‑a ka samun chɛ tena wan Chuusaɛn, a ɛ yɛ‑a Itiopia. A ni si ɔ mɔto gbingbi an dɔ, soo n mbe min sawan. A ni kɛn si ɔ mɔto gbingbi chɛ ɔ, a ni wan gboo kan‑da, Yataa 'a gbonka chɛ mɔɛ Aisaya na‑a min nyɛn.

Gboo Kɔdɔsai Ko A 1:23

Chɛɛ, chɛ ɛ ma dechee, ni wo ma sɛmbɛ ni wo kai fa koe a Chasi a. Wo ma yɛ kuu kɔ, wo sin ni sɔ gban. Wo‑a sakana bai chɛndɛ chɛ a min tima min na, wo‑a yiinatɛ min ma sɔn, wo ma dɔn mɔ dɔ gbɛɛ ni wo ka an chia chɛ ma. Yataa‑a n ma a 'a wai chɛ mɔɛ a, an sakana bai chɛ an ko a. Sakana bai chɛ, a ɔ yianden fan mu gbɛ dunya gbɛɛ ɔ.