CHISƆSI 'A SƆ MƆƐ NU 2:46 - Yataa 'a Dɔbɛnɛ Nama

⁴⁶ Tee ɔ tee a, an ni bɛn fan kaina dɔndɔ Yataa 'a kata ɔ. An sin ni daunɛ chɛ wan an nyɔn tɛ ɔ an 'na chenɛ n na. An ni daun chɛ n chɛ faaɔgbɛ an dɔ, ni buɔdia ɔ,

CHISƆSI 'A SƆ MƆƐ NU 2:46 ပူးပေါင်းရင်းမြစ်များ

MATIU 6:22

Chisɔsi ɔ, “Mɔ gbu ya ɛ wan yɔ dambo manɛ a gboo ko a. Ni mɔ ya a kaenɛ ma‑a gboden, a gboo gbɛɛ ɛ ma manɛ an dɔ.

DUKU 11:41

Chɛɛ wo wo boo fenɛ n be yɔn tɔɛ n ma, wo faa gbɛɛ a. Ni wo‑a chɛ ma, ko kan kɔ kan wo e min ma‑a, ɛ Yataa faa chima‑a wan.

DUKU 24:30

Mbɛ an bɛ si‑a an na daun chɛ tena, mbɛ Chisɔsi‑a biidi ya, a‑a Yataa wai bɔ a ko a, mbɛ a‑a a tɛ kai, mbɛ a‑a a du an ma.

DUKU 24:53

An ni wan Yataa 'a kata ɔ, an mbe tando be‑a Yataa ma tima ɔ tima ko a.

CHISƆSI 'A SƆ MƆƐ NU 16:34

Mbɛ a sɛ‑a Pɔɔ, an fea Sidasi a, a waa chenɛ a, a‑a an da kɔ. Buɔdia wa ni wan a ɔ, a basan a 'a chen 'na mɔɛ n gbɛɛ a. Koe min na mu, an‑na an kai fa gbɛ Yataa a.

CHISƆSI 'A SƆ MƆƐ NU 2:42

Chɛ gbakɔ, mɔɛ chɛ n‑na an too ma sɔ wan kanɛ ma, Chisɔsi 'a sɔ mɔɛ chɛ n ni min chɛ, a si Yataa wakoe ma. Kuiɛ a kanɛ ni wan to an gbɛɛ tɛ ɔ, a sin, an ni daunɛ chɛ wan kaina dɔndɔɛ tima ɔ tima ko a. An ni bɛn fan to tima ɔ tima ko a, samun chɛ koe a. An‑na an 'na tima gbɛɛ be wan, koe chɛ n gbɛɛ ma koe a.

CHISƆSI 'A SƆ MƆƐ NU 20:7

Tɛnɛ kan kɔ dɔɛ ma, nn bɛn‑da wan kaina dɔndɔɛ, daun chɛ koe a. Pɔɔ‑a Yataa bai sa wan mɔɛ chɛ n tena. A toen ni ben koe an na, a banda ka. Chɛ an fɛ mu, a koɔ‑a wan an tena, aan su ta‑a a tɛ ma.

CHISƆSI 'A SƆ MƆƐ NU 3:1

Tee dɔndɔ a, Pita, an fea Chɔn na, an ta‑a wan Yataa 'a kata ɔ tee kɔ kai dɔndɔ ma, min ni Chu n 'na samun chɛ tima a.

CHISƆSI 'A SƆ MƆƐ NU 5:21

Chisɔsi 'a sɔ mɔɛ chɛ n bɛɛ ma maeka chɛ da a kuiɛ yɔn ni. Mbɛ sau sau ma, an don‑da wan Yataa 'a kata chɛ ɔ, mbɛ an‑na a kuu sɔ mɔɛ n kan‑da. Mbɛ Chu n tɛ mɔ wa Yataa a, an bɛ a bɔɛ n na, an‑na Chu kuti wa si kaina dɔndɔ, min mbe a ma, an ni bɛn ba bia. Mbɛ an bɛn‑da kɛn, an‑na mɔɛ a ta wan pimbi chen chɛ a, min mbe a ma, an ni na Chisɔsi 'a sɔ mɔɛ chɛ n na an chen kɔɔ.

CHISƆSI 'A SƆ MƆƐ NU 5:42

A sin, tee ɔ tee a, an nii ma sɛmbɛ ni bai sa koe a, a si Chisɔsi ma. An ni a sa wan Yataa 'a kata ɔ, a yɛ to, chenɛ n bɛɛ a, an ni kanɛ chɛ wan, an mbe ta‑a a ɔ yian‑da mɔɛ n na, mbɛ Chisɔsi an mu kunka mansa a.

GBOO DOMI KO A 12:8

Ni an faa ma nande koe mu chɛndɛ chɛ, mmɔ a ma ka. Mɔ ɔ mɔ min mbe mɔ dɔ gbɛɛ n deman‑da, a ni an deman a faa gbɛɛ a. Ni mɔ ɔ mɔ ma‑a gbasaya ɔ, a mɔɛ chɛ ni wai chɛ chɛndɛ chɛ. A sin, ko chɛndɛ ma faa ɛ mɔɛ min dɔ, a mɔɛ chɛ ma a ya kɔɔɛ sisi, ni a ma‑a an ko chɛndɛ ma‑a mɔɛ n na.

GBOO SAA KƆYINDI KO A 10:16

Ni mmɔ ma‑a Mansa Chisɔsi 'a tebu chɛ ma, a yɛ to, ni mmɔ ma‑a gbɛ min‑da kɔpu chɛ ɔ, mmɔ‑a Yataa fai min dua koe a, mmɔ ɛ ma ka Chasi wii an ma sɔn‑da kuiɛ dɔndɔya ɔ. A sin to, ni mmɔ‑a biidi ɔ kai, mmɔ ni a daun, mmɔ ɛ ma‑a ka Chasi gboo an ma sɔn‑da kuiɛ dɔndɔya ɔ.

GBOO FEAN BƆƐ KƆYINDI KO A 1:12

Nn mbe yonka tɛ ko dɔndɔ gbe an na, nn gbu sin yii na koen mu an na dechee. An nɛ, mbɛ nn mbe fɔɛ min dɔ dunya chɛ ɔ, a bɛbɛɛ nn tachɛ buɛ wo tena, mbɛ Yataa fɔɛ mu, tea ɛ min dɔ. Nn mbe chɛ ma tena Yataa 'a duaya an dɔ, mɔgbuya ta yiimatɛ ɔ ma.

GBOO FEAN BƆƐ KƆYINDI KO A 11:3

Chɛɛ n chianden mu ko dɔndɔ an ko a. Mbɛ ka chɛ na‑a Ifi bun buɛ min dɔ, yaa a, wo wɛɛ, wo yiima ɔ ma na chɛ. Wo ee na‑a ma‑a teaya ɔ, Chisɔsi Chasi a, wo ni ma a ko a chɛndɛ chɛ.

Gboo Ɛfisɔsi Ko A 6:5

Wo wan yɔnɛ nu, wo kooya be wo ti n ma. Wo chian an ma, a sin, masamba ni ma wo ɔ an ko a. Wo kooya be an ma wo faa gbɛɛ a, yɔ wo e a be buɛ min dɔ Chisɔsi Chasi ma.

Gboo Kɔdɔsai Ko A 3:22

Wo wan yɔnɛ nu, chia ɔ chia a, wo kooya be chɛ n ma, miin mu wo ti n na dunya chɛ ma. Wo ma a be dechee an ya kɔɔ wan, mɔ gbu n faa chima koe a dechee. Chɛɛ wo a be wo faa gbɛɛ a, Mansa Chisɔsi ma chianɛ ɛ wo ɔ.