CHISƆSI 'A SƆ MƆƐ NU 2:43 - Yataa 'a Dɔbɛnɛ Nama

⁴³ Yataa ni wan a ma‑a, Chisɔsi 'a sɔ mɔɛ n mbe kamaya koe sɛsɛ ma, a yɛ to, an ni tɔmɔsi sɛsɛ yian fan. Chɛ‑a a ma wan, mɔ ɔ mɔ da a fa‑a gban, an bakoe a.

CHISƆSI 'A SƆ MƆƐ NU 2:43 ပူးပေါင်းရင်းမြစ်များ

MAKI 16:17

Mbɛ a sin, chɛ an mbe ma‑a tɔmɔsi a, tee ɔ tee a, chɛ n ko a miin kai faen mu n na. An mbe nyina yama n gbain‑da wan mɔɛ n fɛ, n tɔɛ ɔ, an ni koɔ chɛnyɛ koɛ n dɔ, miin mbe fɔ chɛnyɛ dɔ mende n dɔ.

DUKU 7:16

Chiandia‑a an gbɛɛ bia wan, mbɛ an‑na Yataa tando, an dɔ, “Yataa 'a gbonka chɛ mɔ wa na‑a mmɔ tɛ ɔ. A sin Yataa na‑a a 'a mɔɛ n baun koe a.”

DUKU 8:37

Mbɛ mɔɛ chɛ n gbɛɛ miin ka‑a ka Kɛyasa chɛnyɛ ɔ, an‑na Chisɔsi disa, an dɔ, a ni bɔ an 'na tanda ɔ. Koe min na mu, an chian‑da wan kaka. Mbɛ Chisɔsi sɛ‑a dɛndɛ ɔ yɛ koe a.

CHƆN 14:12

N ni chɛ ma din wo tena, mbɛ mɔɛ miin mbe an kai fa‑a n na, an mɔɛ chɛ nu, an mbe wai bonda chɛ n chɛ‑a wan, n mbe miin chɛ. A sin gbu, an mɔɛ chɛ nu, an chɛ chɛ wai n mbe koa‑a wan. Koe min na mu, n mbe yɛ tena Fa tena, nn ni ma kaina dɔndɔɛ ɛ.

CHISƆSI 'A SƆ MƆƐ NU 2:22

Mbɛ Pita ɔ te to, “N bɔɛ Isɔɛɛ mɔɛ nu, wo wo too ma sɔ bai chɛ n ma, n mbe na tena miin fɔ‑a wo ye. Chisɔsi chɛ, min ka‑a Nasaɛti duu ɔ, a mu Yataa wandi 'a sɔ mɔɛ an na. Kamaya koe nu, a ni miin ma, a ni tɔmɔsi miin yian, kɔndɔ fii koe nu, an fan ni a ɔ yian, mbɛ Yataa 'a gbasaya an mbe a ɔ. Wo wandi gbu, wo e siiya bɔ wan an koe chɛ n ma. Koe min na mu, an gbɛɛ ma‑a nɛ wan wo ya kɔɔɛ ma.

CHISƆSI 'A SƆ MƆƐ NU 4:33

Chisɔsi 'a sɔ mɔɛ chɛ n da a kuiɛ ni gbasa kaka, an ni koɔ wan mɔɛ n tena, a si Yataa‑a a ma buɛ min dɔ, Mansa Chisɔsi‑a a kɔɔ sɔ a ka saya ɔ. A sin, Yataa‑a mɔɛ chɛ n gbɛɛ dua wan, a sɛmbɛnden na, miin na‑a an kai fa Chisɔsi a.

CHISƆSI 'A SƆ MƆƐ NU 5:5

Ananiyasi‑a bai chɛ a min kɛn, a ya kɔɔɛ a, a bea‑a, mbɛ a fa‑a. Mbɛ mɔɛ miin gbɛɛ‑a koe chɛ a min, an chian‑da wan a ɔ benden ba a.

CHISƆSI 'A SƆ MƆƐ NU 9:34

Mbɛ Pita‑a a fɔ a ye, a ɔ, “Ainɛasi, Chisɔsi Chasi‑a i baun. I kɔɔ sɔ, i ni i 'a sofa ɔ bɛn.” A ya kɔɔɛ a, Ainɛasi‑a a kɔɔ sɔ.

CHISƆSI 'A SƆ MƆƐ NU 9:40

Mbɛ Pita‑a an gbɛɛ a bɔ dumu gbu ɔ, mbɛ a‑a a kumbai gbangban, a‑a samunɛ chɛ. Mbɛ a‑a a ya a mun su chɛ ma, mbɛ a‑a a fɔ, a ɔ, “Tabita, i kɔɔ sɔ.” Mbɛ a ya kɔɔɛ a, Tabita‑a a ya a ka. A sin‑na Pita yen kɛn, a‑a a kɔɔ sɔ wan, mbɛ a si‑a.