CHISƆSI 'A SƆ MƆƐ NU 2:4 - Yataa 'a Dɔbɛnɛ Nama

⁴ Yataa Nyina ni wan gbɛ an gbɛɛ fɛ gban, mbɛ an‑na a kuu sɔ koɔ‑a chɛnyɛ koɛ dɔ mende n dɔ. Yataa Nyina chɛ an ni gbasaya chɛ be an ma, an bai chɛ n sa koe a.

CHISƆSI 'A SƆ MƆƐ NU 2:4 ပူးပေါင်းရင်းမြစ်များ

MATIU 10:19

Ni an na‑a wo a, mansa n chen kɔɔ, wo ma wo faa gbaa wo fɔ bai ko a, ni a fɔ buɛ ko a. A mu min na, an tima chɛ a, wo e bai ma sɔn‑da wan, wo e min fɔ‑a.

MAKI 16:17

Mbɛ a sin, chɛ an mbe ma‑a tɔmɔsi a, tee ɔ tee a, chɛ n ko a miin kai faen mu n na. An mbe nyina yama n gbain‑da wan mɔɛ n fɛ, n tɔɛ ɔ, an ni koɔ chɛnyɛ koɛ n dɔ, miin mbe fɔ chɛnyɛ dɔ mende n dɔ.

DUKU 1:15

Koe min na mu, ɛ ma‑a wan mɔ chenama a Mansa Yataa tena. A ma gbɛ kan kɔ kan min. A de e na to a suun‑da, Yataa Nyina ɛ ma‑a wan den chɛ fɛ gban.

DUKU 1:41

Mɛi‑a Disabɛti kɔndɔn kɛn dechee, mbɛ denɛ min ni Disabɛti bu ɔ, a‑a a ma ma‑a wan gbasaya a. Mbɛ Yataa Nyina bea‑a Disabɛti fɛ gban,

DUKU 1:67

Mbɛ Yataa Nyina bea‑a wan Chɔn fa Sakaaya fɛ gban, mbɛ a‑a a kuu sɔ Yataa 'a sakana bai n dɔ yian‑da,

DUKU 12:12

A mu min na, Yataa Nyina ɛ wo kan‑da wan a tima chɛ a, wo e bai min fɔ‑a.”

DUKU 21:15

Koe min na mu, n mbe bai n don‑da wan wo da a, mbɛ n‑na yiimatɛ be wo ma. Ni wo‑a bai kan kɔ kan fɔ, wo chɛɛ ma nyɔɛ n mbe ee che‑a kɔɔsa bia chɛ‑a a ma.

DUKU 4:1

Chisɔsi ɛ gbɛ ka‑a Chɔdan yii da a, Yataa Nyina ni wan a fɛ gban. A sin, Yataa Nyina chɛ‑a a a ya wan, mbɛ a ben ben‑da a a fuinɛ ɔ,

CHƆN 14:26

Min mbe wo deman‑da, Yataa Nyina, Fa ɛ na‑a min na na‑a n gba ɔ, an mbe wo kan‑da ko ɔ ko ma, a si n 'na bai n ma. A sin mbe a ma‑a wan, n 'na bai chɛ n ni puin wo yii ma, n ni bai miin fɔ, mmɔ bɛ ni tima min na.

CHƆN 20:22

Mbɛ a‑a a fia fu an ma fuu, mbɛ a‑a a fɔ an ye, a ɔ, “Yataa Nyina ni ma wo fɛ.

CHISƆSI 'A SƆ MƆƐ NU 1:5

mbɛ Chɔn ni yii an chɛ wo kunɛ ɔ, Yataa chia a. Chɛɛ tee kuunden tɛ ɔ, Yataa ɛ a ma‑a wan, a Nyina ni bea wo fɛ.”

CHISƆSI 'A SƆ MƆƐ NU 1:8

Chɛɛ wo e gbasaya ma sɔn‑da wan, ni Yataa Nyina chɛ bea‑a wo fɛ. A tima chɛ a, wo e a ɔ yian‑da wan mɔɛ n na, wo‑a min dɔ sɔn, a si n ma. Wo e a ɔ yian‑da wan mɔɛ n na Chuusaɛn duu ɔ, wo ni a ɔ yian Chudia chɛnyɛ tɔɛ gbu gbɛɛ ɔ, ni Samayia chɛnyɛ ɔ, a che kan kɔ kan dunya gbɛɛ ɔ.”

CHISƆSI 'A SƆ MƆƐ NU 10:46

Koe min na mu, an‑na a a min fan, mɔɛ chɛ n mbe kamaya bai n fɔ‑a, mɔɛ n mbe ee miin dɔ gbɛ ka dechee, an mbe ta‑a Yataa tando‑a. Mbɛ Pita‑a a fɔ, a ɔ,

CHISƆSI 'A SƆ MƆƐ NU 10:47

“Yataa Nyina bea‑a ka wan mɔɛ chɛ n fɛ, yɔ a bea‑a buɛ min dɔ nn bɛɛ fɛ. Chɛ an fɛ mu gbɛ, mɔ ɔ mɔ ee to nɔ, min mbe an ka‑a yii chɛ koe a an kunɛ ɔ, Yataa chia a.”

CHISƆSI 'A SƆ MƆƐ NU 11:15

Mbɛ n‑na a kuu sɔ kɛn koɔ‑a an tena, Yataa Nyina bea‑a wan an fɛ, yɔ a na‑a bea buɛ min dɔ nn bɛɛ fɛ, a saa a.

CHISƆSI 'A SƆ MƆƐ NU 11:24

Banabasi chɛ ni mɔ chɛndɛ an na, min danayaen ni, a sin Yataa Nyina ni wan a fɛ gban. Mbɛ a‑a a ma wan, mɔ sɛsɛ sa‑a chɛ n kun ma, miin faa mun‑da Mansa Chisɔsi tena.

CHISƆSI 'A SƆ MƆƐ NU 13:52

A sin, Chisɔsi fɛ mɔɛ chɛ n gbɛɛ nɔ, buɔdia koa‑a wan an dɔ, Yataa Nyina wɛɛ sin ni wan an fɛ gban.

CHISƆSI 'A SƆ MƆƐ NU 13:9

Chɛɛ Yataa Nyina bea‑a wan Sɔɔ fɛ gban, min tɔɛ dɔndɔɛ ni Pɔɔ. A‑a a ya gbangban fan nkofo chɛ a,

CHISƆSI 'A SƆ MƆƐ NU 15:8

A sin, Yataa min‑na mɔ ɔ mɔ faa ɔ koe sɔn, a dɔn‑da wan an ma koe a ka. A‑a a ma wan, Yataa Nyina bea‑a an bɛɛ fɛ, yɔ a‑a a ma buɛ min dɔ mmɔ ko a.

CHISƆSI 'A SƆ MƆƐ NU 19:6

A sin, Pɔɔ‑a a boo bun an ma, mbɛ Yataa Nyina bea‑a an fɛ. An‑na kamaya bai n fɔ wan, mɔɛ n mbe ee miin dɔ gbɛ ka dechee. Mbɛ an yɛ‑a, an‑na Yataa bai ɔ yian.

CHISƆSI 'A SƆ MƆƐ NU 2:11

Chu mɔɛ tiki tiki nu, ni chɛ nu miin dɔn‑da bea koe a, Chu n 'na Yataa fai chia fɛ. Mbɛ mmɔ dɔ n sin ka‑a Keti wan, ni Adebia chɛnyɛ n dɔ. Chɛɛ chɛ gbɛɛ ɔ, mmɔ ɛ a a min tena wan an mbe koɔ‑a mmɔ ta chɛnyɛ koɛ n dɔ, a si Yataa 'a wai wa n ma.”

CHISƆSI 'A SƆ MƆƐ NU 2:3

Mbɛ an‑na fenɛ n yen yɔ ta man mɛsɛ nu, an fasandenɛ ɛ a ɔ. Mbɛ an fɛn gbɛɛ ni ka nɔ, an fen chɛ n tu‑a wan an na dɔndɔ dɔndɔɛ a.

CHISƆSI 'A SƆ MƆƐ NU 4:31

An ban‑da kɛn samunɛ chɛ‑a, an na sɔnden ni ka kaina, Yataa‑a a ma wan, nɔ ɔ samba‑a gbigbi. A sin, Yataa Nyina ni wan gbɛ an gbɛɛ fɛ gban. Mbɛ an‑na a kuu sɔ Yataa 'a sakana bai sa‑a, faagbɛa a.

CHISƆSI 'A SƆ MƆƐ NU 4:8

Yataa Nyina ni wan gbɛ Pita fɛ gban, min‑na a ma, a‑a a fɔ an ye, a ɔ, “Chɛnyɛ gbakoo n bɛ mansa n na, Isɔɛɛ mɔɛ n kun ma,

CHISƆSI 'A SƆ MƆƐ NU 6:3

Chɛ an fɛ mu, nn suun ma nyɔɛ nu Chasi ɔ, wo mɔ wɔnfea ya wo tɛ, basɔmaya ɛ wo boo ɔ miin ko a. Yataa Nyina ɛ miin fɛ, a yɛ to, miin yiima tɛen mu, min mbe a ma, nn ni wai chɛ nɛnɛ be an ma.

CHISƆSI 'A SƆ MƆƐ NU 6:5

Bai chɛ‑a mɔɛ chɛ n gbɛɛ faa chima wan. Chɛ‑a a ma wan, an‑na an boo sɔ mɔ kuun chɛ n ma, an tɛ ɔ. Mɔɛ saa ni Sitibin fan na, danaya tɔɛ ni min na, a sin Yataa Nyina ni wan a fɛ. A tɔɛ n fan nii nɛ Fiipi a, Pɔkɔyɔsi, Nikanɔ, Timɔn, Pamɛnasi, ni Nikodasi. Nikodasi chɛ Chu mɔ nii ma a a, a sin na‑a ka Andiɔki duu ɔ wan. Chɛɛ a na‑a yɛ wan gbɛ Chu n 'na Yataa fai gbee ma.

CHISƆSI 'A SƆ MƆƐ NU 6:8

Sitibin ni mɔɛ an na, Yataa na‑a min dua a sɛmbɛnden na. A sin, Yataa Nyina ni wan a fɛ, min‑na a ma, a ni kun kamaya ko sɛsɛ ma koe a, miin ni a ɔ yian, mbɛ sakana bai chɛ ka‑a Yataa tena wan.

CHISƆSI 'A SƆ MƆƐ NU 7:55

Chɛɛ Yataa Nyina ni wan Sitibin fɛ gban. Mbɛ a‑a a ya a sɛ banda a, a‑a Yataa 'a manɛ yen ɛ man‑da. A yɛ to, a‑a Chisɔsi wɛɛ yen, ɛ sɔ ɔ Yataa boo nyima ɔ.

CHISƆSI 'A SƆ MƆƐ NU 8:17

Mbɛ Pita an fea Chɔn na, an‑na an boo bun mɔɛ chɛ n ma, an‑na samunɛ chɛ, mbɛ Yataa Nyina bea‑a mɔɛ chɛ n fɛ.

CHISƆSI 'A SƆ MƆƐ NU 9:17

Mbɛ Ananiyasi ta‑a, a don‑da chen chɛ a, Sɔɔ ni min na. Mbɛ a‑a a boo bun a ma, a‑a samunɛ chɛ. A ɔ, “Sɔɔ, n suun ma nyɔɛ Mansa Chisɔsi ɔ, a wandi gbu, an‑na n sɔ ka i tena. An na‑a bɔ ka i ya a, chia chɛ a, kɛn i ni na tena nɛ duu chɛ ɔ. A‑a n sɔ, min mbe a ma, i ni kaina yen to. A yɛ to, Yataa Nyina ni bea i fɛ gban.”

GBOO DOMI KO A 15:13

Yataa, min‑na yiinatɛ chɛ be, a ni buɔdia be wo ma. Yataa, a ni faachima be wo ma. A ni koe chɛ n ma wo ye, koe min na mu, wo kai faen mu an na. Yiinatɛ chɛ ma ni mun‑da wo ɔ kaka, Yataa Nyina 'a gbasaya ɔ.

GBOO SAA KƆYINDI KO A 12:10

A Nyina dɔndɔ gbe chɛ, an mbe gbasaya be mɔɛ dɔndɔɛ ma, kamaya koe n ma koe a. Mbɛ a‑a a be to dɔndɔɛ sin ma, Yataa bai sa koe a. Mbɛ a yɛ‑a to, gbasaya min mbe a ma, mɔɛ ni nyina n tɛ bɔɛ sɔn, a‑a a be dɔndɔɛ wɛɛ ma. Kamaya bai n fɔ koe wɛɛ to, miin dɔ ee gbɛ ka dechee, ɛ a be wan mɔɛ dɔndɔɛ ma. Mbɛ a yɛ‑a, an kamaya bai chɛ n fasai koe, a‑a a gbasaya sin be mɔɛ dɔndɔɛ nan ma.

GBOO SAA KƆYINDI KO A 13:1

Chɛnyɛ koɛ sɛsɛ wa chɛ nu, mɔ gbu n mbe miin fɔ, maeka n bɛɛ an mbe miin fɔ, n ni an gbɛɛ fɔ wɛɛ, koadia ni ma n faa ɔ. Chɛɛ ni koadia ee n faa ɔ, n bɔ mɔ gbu ko a, n da a bai chɛ n mbe wan dechee yɔ tainɛ sɔnkɔ sɔnkɔ kuiɛ, chɛ ma, pani tata n mbe ma bɛn bɛn‑da an nyɔn na.

GBOO SAA KƆYINDI KO A 13:8

Kuɔ fɔ koe mu koadia a. Sakana bai n mbe wan nɔ a ka Yataa tena, mɔɛ n mbe miin ma sɔn. Chɛɛ an mbe ma tima kundu an ko a. Dua sɛsɛ ɛ wan nɔ, kamaya bai n fɔ koe a, miin dɔ ee gbɛ dechee. Chɛɛ dua chɛ ɛ ban fan. Yiimatɛ ɛ wan nɔ. Chɛɛ a nan fan bɛɛ danka ɛ.

GBOO SAA KƆYINDI KO A 14:18

Yataa ni wai. Wo dɔndɔ wɛɛ ee nɔ, min mbe kamaya bai n fɔ, a ni che n dɔ.

GBOO SAA KƆYINDI KO A 14:5

N toen fan mu, wo gbɛɛ ni kamaya bai sɛsɛ fɔ, mɔ ee miin dɔ gbɛ ka dechee. Chɛɛ min benden mu chɛ ma, n toen mu, wo ni Yataa da a bai ɔ yian mɔɛ n na. Mɔɛ min mbe chɛ ma, a benden mu mɔɛ chɛ ma, min mbe kamaya bai sɛsɛ fɔ. Koe min na mu, ni mɔɛ ma a da a bai ɔ yian ni, mɔɛ n mbe ee demanɛ sɔn chɔchi ɔ.

Gboo Ɛfisɔsi Ko A 3:19

A gbu sin nyin, n mbe samunɛ chɛ tena, wo ni a 'a koadia a tinsɔn. Chɛɛ a gbu sin, a ma koe a, mɔɛ ee min dɔ gbɛ, ɛnden bɛɛ a. Chɛ sin fan fɛ mu, wo sɔnɛ n ni ma yɔ Yataa wandi gbu ta.

Gboo Ɛfisɔsi Ko A 5:18

A sin, wo wo boo bɔ gbɛ min ba ɔ, a ma na wo wakoe ɔ chɛ chɛ. Chɛɛ Yataa Nyina, an ni tachɛ gbɛ wo a.

Gboo Ɛfisɔsi Ko A 6:18

Wo samunɛ chɛ, tima ɔ tima ko a, Yataa Nyina ɛ wo sɔ‑a buɛ min dɔ chia ma. Wo 'a samunɛ sin gbɛɛ ɔ, wo Yataa ɔ tisa, a ni basan wo ma. Chɛ ko a, ko ɔ ko ma a ma, wo gboo ɔ ni fa. Ni wo sin ma‑a samunɛ chɛ‑a tima ɔ tima ko a, wo a chɛ Yataa 'a mɔɛ n gbɛɛ ko a.

1 PITA 1:12

Yataa na‑a a ma wan, a 'a gbonka chɛ mɔɛ chɛ n‑na a ɔ sɔn, mbɛ an mbe ee wai chɛ tena an fandi an ko a. Chɛɛ an mbe a chɛ tena wo wan ko a. Koe min na mu, an na‑a bai sa suun a si koe chɛ n fan ma, wo‑a miin na min ka sanche mɔɛ chɛ n da ɔ, an mbe ma sakana bai chɛndɛ ɔ yian‑da. Yataa Nyina min ka‑a banda bu ɔ, an mbe gbasaya chɛ be an ma. An koe chɛ n fan gbu sin mu, maeka n bɛɛ toen mu, an ni miin dɔ gbɛ.

2 PITA 1:21

Koe min na mu, Yataa 'a gbonka chɛ mɔɛ n fandi an ma si ni an ni yiinachii chɛ, mbɛ an‑na bai chɛ n tɛ an gboo ma. Chɛɛ Yataa Nyina an na‑a bai chɛ n fɔ an ye, Yataa toen ni an ni min fɔ.