CHISƆSI 'A SƆ MƆƐ NU 2:38 - Yataa 'a Dɔbɛnɛ Nama

³⁸ Mbɛ Pita ɔ, “Wo gbɛɛ wo wo kan kɔ sɔ wo 'a ko yama n na, mbɛ nn‑na yii chɛ wo kunɛ ɔ, Chisɔsi Chasi tɔɛ ɔ, min mbe a ma, Yataa ni a boo bɔ wo 'a ko yama n dɔ. Ni wo‑a chɛ ma, Yataa ɛ a ma‑a wan, a Nyina ni bea wo fɛ.

CHISƆSI 'A SƆ MƆƐ NU 2:38 ပူးပေါင်းရင်းမြစ်များ

MATIU 28:19

Chɛ an‑na a fɔ, wo ta mɔɛ n gbɛɛ tena dunya chɛ gbɛɛ ɔ, mbɛ wo‑a an ma n fɛ denɛ n na. Wo ni yɛ, wo ni yii chɛ an kunɛ ɔ Fa Yataa tɔɛ ɔ, n tɔɛ ɔ, a basan Yataa Nyina tɔɛ ɔ a.

MATIU 3:2

A ɔ, “Wo wo kan kɔ sɔ wo 'a ko yama n na, wo ni wo ya a mun Yataa ma. A mu min na, Yataa 'a mansaya ɔ yian tima, ɛ gbɛ mmɔ ma chenɛ da a wan.”

MATIU 3:6

An dɔn‑da an 'na ko yama n ma, fanka ɔ den. Mbɛ Chɔn‑na yii chɛ an kunɛ ɔ, Yataa chia a, Chɔdan yii ɔ.

MATIU 4:17

A ka gbɛ a tima chɛ ma, Chisɔsi‑a a kuu sɔ wan Yataa 'a bai sa‑a. A ɔ, “Wo wo kan kɔ sɔ wo 'a ko yama n na, wo ni wo ya a mun Yataa ma. A mu min na, Yataa 'a mansaya ɔ yian tima, ɛ gbɛ mmɔ ma chenɛ da a wan.”

MAKI 1:15

A‑a a fɔ, a ɔ, “Tima gbu che‑a gbɛ. Ɛnden fan to‑a gbɛ, Yataa ni a 'a mansaya ɔ yian. Wo wo kan kɔ sɔ, wo 'a ko yama n na, wo ni dan sakana bai chɛndɛ chɛ a.”

MAKI 16:16

Mɔɛ miin mbe an kai fa‑a n na, yii ni chɛ an kunɛ ɔ Yataa chia a, an mbe bauncha ma sɔn‑da wan. Chɛɛ mɔɛ miin mbe ee an kai fa‑a n na, Yataa ɛ kaa a tɛ‑a wan an bakoe ma, an ni ma tɔɔya ɔ.

DUKU 24:47

Yataa 'a gboo‑a a fɔ wan to, mbɛ a 'a sakana bai chɛ ɛ che‑a wan mɔɛ n ma dunya chɛ gbɛɛ ɔ n tɔɛ ɔ. Mbɛ mɔɛ n ni an kan kɔ sɔ an 'na ko yama n na, min mbe a ma, Yataa ni a boo bɔ an 'na ko yama n dɔ. A ɔ, an ni sakana bai chɛ ɔ yian Chuusaɛn duu pɛn dɔ.

DUKU 3:10

Mbɛ mɔɛ dɔ nu mɔ fanka chɛ ɔ, an dɔ, “Nn mbe ma ka ma gbɛ?”

CHISƆSI 'A SƆ MƆƐ NU 10:43

Yataa 'a gbonka chɛ mɔɛ n gbɛɛ na‑a bai sa wan, a si Chisɔsi chɛ ma. An dɔ, mɔ ɔ mɔ min mbe an kai fa‑a Chisɔsi chɛ a, Yataa ɛ a boo bɔ‑a wan an mɔɛ chɛ a ko yama n dɔ, Chisɔsi ko a.”

CHISƆSI 'A SƆ MƆƐ NU 10:48

Mbɛ a‑a a fɔ, a ɔ, an ni yii chɛ an kunɛ ɔ, Yataa chia a, Chisɔsi Chasi tɔɛ ɔ. Mbɛ an‑na a fɔ a ye, an dɔ, an ni ma nɔ an tɛ ɔ, tee kuunden ko a.

CHISƆSI 'A SƆ MƆƐ NU 13:38

Chɛ an fɛ mu, n suun ma nyɔɛ nu, a nyin wo ni chɛ ɔ gbɛ. Mbɛ Chisɔsi chɛ an ko a mu, Yataa ɛ a boo bɔ mmɔ 'a ko yama n dɔ.

CHISƆSI 'A SƆ MƆƐ NU 16:15

Chɛ gbakɔ, Pɔɔ‑a yii chɛ wan a kunɛ ɔ, Yataa chia a, a basan a 'a chen 'na mɔɛ n na. Mbɛ Didia‑a a fɔ nn ye, a ɔ, “Ni wo‑a a fɔ, mbɛ n‑na n kai fa Mansa Chisɔsi a tea tea gbu a, mbɛ wo na, wo ni ma n 'na chenɛ a.” A sin‑na nn ma nande wan kaka, min‑na a ma, nn ta‑a a waa a.

CHISƆSI 'A SƆ MƆƐ NU 17:30

Tima min na ni wo nii ma a ɔ sɔn, wo ni koe miin ma tena, Yataa‑a a ya ka a nɛnɛ a. Chɛɛ sanche gbɛ, ɛ a fɔ tena mɔ ɔ mɔ ye, dunya gbɛɛ ɔ, mbɛ an ni an kan kɔ sɔ an 'na ko yama n na.

CHISƆSI 'A SƆ MƆƐ NU 20:21

N‑na dasi gbau gbau be wan Chu mɔɛ n ma, ni miin bɛɛ ma Chu mɔ a, a si an kan kɔ sɔ koe a, an 'na ko yama n na, an ni an ya a mun Yataa ma. A yɛ to, a si an kai fa koe ma mmɔ 'a mansa Chisɔsi a.

CHISƆSI 'A SƆ MƆƐ NU 22:16

A sin, e gbɛ fen ma kɔnun tena? I kɔɔ sɔ, i ni Mansa Chisɔsi chee basan koe a i ma, mbɛ yii chɛ‑a i kunɛ ɔ, Yataa chia a, i ni ko fion, a bɔ i 'a ko yama n dɔ.’

CHISƆSI 'A SƆ MƆƐ NU 26:18

i ni an ya a ka, i ni an bɔ pimbi ɔ, a na manɛ ɔ, i ni an bɔ Sitana boo ɔ, an ni ma Yataa 'a gbasaya kɔɔ. Chɛ ni a ma, Yataa ni a boo bɔ an 'na ko yama n dɔ, mbɛ an‑na an si tena ma sɔn, Yataa 'a mɔɛ n tɛ ɔ. Mɔɛ chɛ nu, Yataa ɛ a ma, miin mbe ma tenchen a ko a, koe min na mu, an‑na an kai fa n na.’

CHISƆSI 'A SƆ MƆƐ NU 26:20

N‑na a ɔ yian Damasikɔsi pɛn, mbɛ n‑na a ɔ yian Chuusaɛn duu ɔ wɛɛ. A yɛ to, n‑na a ɔ yian Chudia chɛnyɛ gbɛɛ ɔ, ni mɔɛ chɛ n tena, miin nii ma Chu mɔɛ n na. N‑na a ɔ yian fan an gbɛɛ a, mbɛ an ni an kan kɔ sɔ an 'na ko yama n na, an ni an ya a mun Yataa ma. A sin, an ni koe n ma, yɔ mɔɛ nu, miin‑na an kan kɔ sɔ an 'na ko yama n na.

CHISƆSI 'A SƆ MƆƐ NU 3:19

Chɛ an fɛ mu, wo wo kan kɔ sɔ wo 'a ko yama n na, mbɛ wo‑a wo ya a mun Yataa ma, min mbe a ma, a ni a boo bɔ wo 'a ko yama n dɔ.

CHISƆSI 'A SƆ MƆƐ NU 5:31

Yataa‑a a a sɛ wan basɔmaya kaina chenama wa, a wan Yataa boo nyima ɔ. A‑a a ma wan to mansa a, ni mɔ gbu n baun mɔɛ a. Chɛ ni a ma, Isɔɛɛ mɔɛ n ni kun, an ya a mun koe ma Yataa ma, mbɛ Yataa‑a a boo bɔ an 'na ko yama n dɔ.

CHISƆSI 'A SƆ MƆƐ NU 8:12

Chɛɛ Fiipi‑a sakana bai chɛndɛ chɛ ɔ yian kɛn an na, a si Yataa 'a mansaya ma, a basan Chisɔsi Chasi tɔɛ a, mɔ sɛsɛ dan‑da wan a a. Mbɛ a‑a yii chɛ an kunɛ ɔ, Yataa chia a, musu nu, an bɛ kai n na.

CHISƆSI 'A SƆ MƆƐ NU 8:20

Chɛɛ Pita ɔ, “Yataa ni i a ta ta ɔ, i 'a kɔpɔɛ chɛ a i boo ɔ. Koe min na mu, ɛ wan i yii ma, mbɛ e kun fan i ni kɔpɔɛ be, min mbe a ma, Yataa ni gbasaya chɛ be i ma.

GBOO DOMI KO A 6:3

Koe min na mu, a nyin wo ni chɛ ɔ sɔn tea ko a. Mbɛ yii chɛ‑a wan mmɔ kunɛ ɔ Yataa chia a, mmɔ ma koe a mɔ dɔndɔɛ a Chisɔsi Chasi a. Yii chɛ sin chɛ‑a kɛn mmɔ kunɛ ɔ Yataa chia a, a ma‑a wan yɔ mbɛ Chisɔsi 'a saya ma‑a mmɔ 'a saya a.

Gboo Ɛfisɔsi Ko A 1:7

Mmɔ mu mɔ dɔndɔɛ a, mmɔ bɛ Chasi chɛ an na. A na‑a mmɔ kun ka wan, a wii chɛ a min bɔ‑a, a fa tima a. Yataa‑a a boo bɔ wan mmɔ 'a ko yama n dɔ. Yataa 'a koadia demanɛ da a ko gba.

TAITƆSI 3:5

A‑a mmɔ baun. Chɛ ma bɔ ni mmɔ sɔn chɛndɛ an dɔ, mmɔ 'a teaya ɔ ma. Chɛɛ a 'a chinchimaya ko a, a‑a mmɔ 'a ko yama n ko, a‑a fɔɛ nama be mmɔ ma, a Nyina 'a gbasaya ɔ.

1 PITA 3:21

Chɛ ni tɔmɔsi an na, yii ɛ chɛ buɛ min dɔ mɔɛ n kunɛ ɔ, Yataa chia a, bauncha sɔn koe a sanche. A ma dechee nɔɛ ko koe an na, mɔɛ n gboo ma. Chɛɛ tooɔdia mu, mɔɛ ɛ min chɛ Yataa a, yiima a koenɛ a. An mbe na bauncha a, min ma sɔn‑da, a bɔ Chisɔsi 'a sɔ koe ɔ, a ka saya ɔ.