CHISƆSI 'A SƆ MƆƐ NU 2:33 - Yataa 'a Dɔbɛnɛ Nama

³³ Yataa‑a Chisɔsi a sɔ, a sɛ banda bu ɔ. Mbɛ Yataa‑a a ma, Chisɔsi ɛ si ɔ kaina ma bɛndenɛ, Yataa boo nyima ɔ. A fa Yataa‑a a Nyina be wan Chisɔsi ma, a na‑a a too ɔ dia tee min be koe a. A sin, Chisɔsi wandi‑a a ma wan, Yataa Nyina bea‑a nn fɛ. Wo e ka gbɛ an dɔ yen tena, wo e a a min tena.

CHISƆSI 'A SƆ MƆƐ NU 2:33 ပူးပေါင်းရင်းမြစ်များ

MATIU 28:18

Mbɛ Chisɔsi gbɛn‑da an ma, mbɛ a ɔ, “Fa min mbe banda bu ɔ, a‑a gbasaya gbɛɛ be n ma, fen fen kan kɔ kan kun ma, banda bu ɔ a basan dunya chɛ ma a.

MAKI 16:19

Mbɛ Mansa Chisɔsi ban‑da kɛn koɔ‑a a fɛ den chɛ n tena, Yataa‑a a ya wan, a sɛ banda bu ɔ, mbɛ Chisɔsi si‑a a boo nyima ɔ.

DUKU 24:49

Mbɛ a yen ko, n mbe a a yii‑a wan wo tena, Fa Yataa na‑a wo too ɔ dia‑a min na. Chɛɛ wo ma ka nɛ Chuusaɛn aan wo ni gbasaya ma sɔn, min mbe ka‑a banda bu ɔ.”

CHƆN 14:16

N mbe fa ɔ tisa‑a wan, a ni a ma, wo ni demanɛ dɔ mende ma sɔn. A sin, ɛ a Nyina a na‑a wan, a ni ma wo fɛ tima ɔ tima ko a.

CHƆN 14:26

Min mbe wo deman‑da, Yataa Nyina, Fa ɛ na‑a min na na‑a n gba ɔ, an mbe wo kan‑da ko ɔ ko ma, a si n 'na bai n ma. A sin mbe a ma‑a wan, n 'na bai chɛ n ni puin wo yii ma, n ni bai miin fɔ, mmɔ bɛ ni tima min na.

CHƆN 15:26

“Chɛɛ min mbe wo deman‑da, n mbe a sɔ‑a wan, a ka Fa tena. Fa Yataa Nyina chɛ, an mbe tea ɔ yian‑da wo a, a si a wandi ma. N mbe a ma‑a wan a ni ka Fa tena, a ni na wo tena. A sin, ɛ n bakoe ɔ yian‑da wan wo a.

CHƆN 17:5

Fa Yataa, sanche gbɛ, a ma n ni ma basɔmaya chɛ ɔ, i waa a, yɔ n ni min nyɔn sima ɔ, dunya chɛ a e na to dan‑da.

CHISƆSI 'A SƆ MƆƐ NU 1:4

An bɛ ni wan tima dɔndɔ a daun chɛ tena, mbɛ a‑a dasi be an ma, a ɔ, “Wo ma bɔ Chuusaɛn duu ɔ, chɛɛ wo fen chɛ ma kɔn, Fa Yataa‑a wo too ɔ dia min be koe a wo ma. N na‑a a wakoe ɔ yian fan wo a,

CHISƆSI 'A SƆ MƆƐ NU 10:45

Pita n bɛ na‑a wan Chɔpa duu ɔ, an bɛ Chu mɔɛ n na, miin na‑a an kai fa Chisɔsi a. An da ɔ gbaa‑a wan, koe chɛ ɔ yen koe a. Mbɛ Yataa ɛ kun fan, a ni a ma, a Nyina ni ma mɔɛ chɛ n bɛɛ fɛ, miin ma Chu mɔ a.

CHISƆSI 'A SƆ MƆƐ NU 2:17

‘Yataa ɔ te, “N mbe koe chɛ an ma‑a, tee dankama chɛ n kɔɔ, dunya e na to ban‑da.” A ɔ, “N mbe a ma‑a wan n Nyina ni bea mɔ ɔ mɔ fɛ. Chɛ ɛ a ma‑a wan wo 'a denɛ kaima nu, an bɛ a musuma n na, an ni n 'na sakana bai chɛndɛ chɛ ɔ yian mɔɛ n na. Wo 'a kamin tɔngbɔɛ n mbe kamaya koe n dɔ yen‑da wan, wo 'a chenan kai n bɛɛ, an mbe cho‑a wan cho n na.

CHISƆSI 'A SƆ MƆƐ NU 5:31

Yataa‑a a a sɛ wan basɔmaya kaina chenama wa, a wan Yataa boo nyima ɔ. A‑a a ma wan to mansa a, ni mɔ gbu n baun mɔɛ a. Chɛ ni a ma, Isɔɛɛ mɔɛ n ni kun, an ya a mun koe ma Yataa ma, mbɛ Yataa‑a a boo bɔ an 'na ko yama n dɔ.

GBOO DOMI KO A 5:5

Yiinatɛ chɛ mmɔ ɔ, a ee ma fania a, koe min na mu, Yataa 'a koadia koo mmɔ faa an dɔ. Yataa Nyina, min mbe mmɔ fɛ, Yataa wandi‑a min be mmɔ ma, an‑na koadia chɛ chɛ mmɔ ɔ.

Gboo Kadesia Ko A 3:14

Chɛ ni a ma, Chisɔsi Chasi 'a gbasaya ɔ, Yataa 'a dua min mbe Ebeami ma, a ni ma mɔɛ chɛ n kun ma, miin ma Chu mɔ a. Chɛ an mbe a ma, mmɔ ni kun Yataa Nyina ma sɔn‑da, mmɔ too ɔ dia‑a min ma sɔn koe a, ni mmɔ‑a mmɔ kai fa Chisɔsi Chasi a.

Gboo Ɛfisɔsi Ko A 1:13

A sin, a ma‑a ka wan wo wɛɛ a. Wo wan, wo wɛn‑na sakana bai chɛ a min, tea mu min na, min mbe wo baun. Wo sin‑na wo kai fa wan Chisɔsi Chasi a, mbɛ a‑a Yataa Nyina a na, wo too ɔ dia‑a min na, wo kun ma fɛn koe a.

Gboo Ɛfisɔsi Ko A 4:8

Chɛ an fɛ mu, a nyɛnden mu Yataa 'a gboo ɔ, “A sɛ‑a kɛn aan, a sɛ‑a, a na‑a mɔ sɛsɛ chɛ wan bia ɔ, a sɛ‑a an na. A sin, a‑a boo fenɛ sɛsɛ be wan mɔɛ n ma.”

TAITƆSI 3:6

Yataa‑a a ma, mmɔ‑a a Nyina ma sɔn gbama gbama a, Chisɔsi Chasi ɔ, mmɔ baun mɔɛ.

GBOO IBU MƆƐ N KO A 10:12

Chɛɛ Chasi tana, a na‑a a wandi be dɔndɔɛ min chɛ ka, a ma‑a wan yasi a mmɔ 'a ko yama n ko a, tima ɔ tima ko a. A na‑a a sin ma kɛn, a si‑a wan kaina ma bɛndenɛ Yataa boo nyima ɔ.

GBOO IBU MƆƐ N KO A 2:9

Chɛɛ mmɔ‑a a ɔ sɔn fan Chisɔsi ɛ gbɛ buɛ min dɔ. Tima ɛnden ko a, Yataa na‑a a don fan maeka n 'na gbasaya kɔɔ. A na‑a a ma wan mansa a, tando ɛ min ma, a basan basɔmaya a. Chɛ ma‑a, a mu min na, a na‑a tɔɔ wan saya ɔ. Chɛ ko a, Yataa 'a koadia demanɛ ni a ma, a ni saya ɔ yen mɔɛ gbɛɛ ko a.

1 PITA 1:21

Chisɔsi Chasi, min‑na a kɔɔ sɔ a ka saya ɔ, a chɛ chɛ wai n fan‑na a ma, wo‑a wo kai fa Yataa a. Mbɛ Yataa‑a baa be a ma. Chɛ an‑na a ma, wo kai faen mu a a. A sin, wo yii na tɛen mu a ma.

1 PITA 3:22

A wan Chisɔsi Chasi chɛ sɛ‑a banda bu ɔ, ɛ kaina min si ɔ Yataa boo nyima ɔ. Ɛ nɔ mansaya ɔ maeka n gbɛɛ kun ma, ni fen fen min gbasa, a sin mbe gbasaya ɔ banda bu ɔ.