CHISƆSI 'A SƆ MƆƐ NU 2:30 - Yataa 'a Dɔbɛnɛ Nama

³⁰ Yataa 'a gbonka chɛ mɔɛ ni a a, a sin na‑a a ɔ sɔn fan, Yataa na‑a tooɔdia min chɛ a a. Yataa na‑a a too ɔ dia wan gbau gbau, mbɛ a wan Defidi gbu cheeya dɔndɔ, ɛ a ma‑a wan mansa chenama a, yɔ Defidi wandi gbu ni buɛ min dɔ.

CHISƆSI 'A SƆ MƆƐ NU 2:30 ပူးပေါင်းရင်းမြစ်များ

MATIU 22:43

Mbɛ Chisɔsi ɔ, “Fen mu gbɛ Yataa Nyina‑a a ma, Defidi‑a Chasi chɛ chee a 'a Mansa a? A mu min na, Defidi na‑a a fɔ wan, a ɔ,

MATIU 27:35

Mbɛ an‑na a gbangban kɔn gbengbanden chɛ ma nɔ. Mbɛ an yɛ‑a, an‑na chɛ fenɛ chɛ, a ma koa n ko a.

MAKI 12:36

Mansa Defidi wandi gbu wɛɛ, Yataa Nyina na‑a bai don kɛn a da ɔ, a na‑a a fɔ wan, a ɔ, ‘Mansa Yataa‑a a fɔ n 'na Mansa ye, a ɔ, “Si nɛ n boo nyima ɔ, aan n ni i chɛɛ ma nyɔɛ n don i kɔɔ.” ’

DUKU 24:44

Mbɛ a ɔ, “Tima min na mmɔ bɛ ni, n na‑a a fɔ wan wo ye, mbɛ koe miin gbɛɛ nyɛndenɛ ɛ a si n ma, mbɛ an gbɛɛ ɛ bɔ‑a wan a a. Mbɛ ko ɔ ko sawa chɛ ɔ, Yataa‑a min be Mosisi ma, an bɛ Yataa 'a gbonka chɛ mɔɛ tɔɛ n na, a basan Yataa tando si gboo a, an gbɛɛ ɛ bɔ‑a wan a a.”

CHISƆSI 'A SƆ MƆƐ NU 1:16

Mbɛ a‑a a fɔ, a ɔ, “N suun ma nyɔɛ nu Chasi ɔ, Yataa 'a gboo‑a min fɔ, a ni che wan a ni bɔ a a. Suun, Yataa Nyina‑a a ma wan, Mansa Defidi‑a koe chɛ kɔɔ fɔ, a si Chudasi ma, min ni na tena ma‑a. Chudasi chɛ ni mmɔ bɔɛ an na. Koe min na mu, Chisɔsi na‑a a boo sɔ wan a ma, wai chɛ chɛ koe a, mmɔ ɛ ka min na. A wan sɔ‑a mɔɛ n ya ɔ, miin ta‑a Chisɔsi bia.

GBOO DOMI KO A 1:3

An sakana bai chɛ sien mu a 'a denɛ an ma. A 'a den chɛ a 'a mɔgbuya ta fɛ chia sin, min sien mu a ma, a bɔ‑a Mansa Defidi 'a dambi ɔ wan.

GBOO DOMI KO A 15:12

Yataa 'a gbonka chɛ mɔɛ Aisaya na‑a a fɔ wan to, a ɔ, mɔ dɔndɔ ɛ bɔ‑a wan kai Chɛsi 'a dambi ɔ. A ɔ, Yataa ɛ a mɔɛ chɛ ma‑a wan, a ɔ, a ni ma mansa a, a ɔ, mɔɛ chɛ n ko a, miin ma ka Chu mɔ a. A ɔ, an sin mbe an yii na tɛ‑a wan a ma gbae.

2 TIMOTI 2:8

I yii ni to Chisɔsi Chasi kɔ, min bɔ‑a Mansa Defidi 'a dambi ɔ, a yɛ to, a wɛn kɔɔ sɔ‑a a ka saya ɔ. Sakana bai chɛndɛ chɛ, n mbe min kan, a‑a a fɔ ka wan.

GBOO IBU MƆƐ N KO A 1:1

Suun, tima sɛsɛ ko a, Yataa na‑a koɔ wan mmɔ bemba n ta bemba n tena, chia sɛsɛ a. A sin, a ni chɛ ma, a 'a gbonka chɛ mɔɛ sɛsɛ n fan dɔ.

GBOO IBU MƆƐ N KO A 3:7

Chɛ an fɛ mu, Yataa Nyina ɛ a fɔ wan Yataa 'a gboo ɔ, a ɔ, “Ni wo‑a Yataa da a kuiɛ a min bi,

GBOO IBU MƆƐ N KO A 4:7

A sin to, Yataa na‑a tee dɔ mende sa wan, a na‑a min chee, a ɔ, “Bi.” Bai chɛ, mmɔ ban‑da gbɛ min na min‑da, a ɔ mɛenɛ gbakɔ, a na‑a a a ben fan a 'a gboo ɔ, Mansa Defidi a, a ɔ, “Ni wo‑a Yataa da a kuiɛ a min bi, wo ma wo faa sɔ.”

GBOO IBU MƆƐ N KO A 6:17

Chɛ an fɛ mu, mɔɛ chɛ nu, tooɔdia chɛen ni miin na, Yataa toen ni a ni a ɔ yian an na, mbɛ ɛ bai min fɔ, an mbe ma. A sɔnɛ chɛ ee a ɔ, bai fɔ koe a bi, mbɛ a‑a a ka a gba ɔ sinan. Chɛ an na‑a a ma, a‑a a kai, a da a bai kun ma.

GBOO IBU MƆƐ N KO A 7:21

Chɛɛ chɛ nɛnɛ tana, Yataa na‑a a kai wan a 'a gboo ɔ, a ɔ, “N fan, Mansa Yataa, n‑na n kai, n sin mbe ee n da a kuiɛ yɔn. N dɔ, ‘Kuɔ fɔ ko a, e ma‑a wan mɔɛ n tɛ n fan Yataa a.’ ”

2 PITA 1:21

Koe min na mu, Yataa 'a gbonka chɛ mɔɛ n fandi an ma si ni an ni yiinachii chɛ, mbɛ an‑na bai chɛ n tɛ an gboo ma. Chɛɛ Yataa Nyina an na‑a bai chɛ n fɔ an ye, Yataa toen ni an ni min fɔ.

KO Ɔ NUNDENƐ 17:14

Soe yama chɛ, an bɛ mansa tan chɛ n na, an mbe chɛɛ bun‑da wan sa tɔngbɔɛ ma. Chɛɛ sa tɔngbɔɛ chɛ, an bɛ a fɛ mɔɛ n na, an mbe tu‑a wan an chɛɛ ma nyɔɛ chɛ n na chɛndɛ chɛ. Koe min na mu, sa tɔngbɔɛ an mu mansa wa a, mansa wa n gbɛɛ kun ma mansa. A fɛ mɔɛ nu, an mu mɔɛ chɛ n fan na, Yataa‑a a boo sɔ miin ma, mbɛ a‑a an chee. An sin, an fan kai faen mu a a.”

KO Ɔ NUNDENƐ 19:16

Doma kai chɛ min ni a ma, a woo kun ma, tɔɛ an nyɛnden ni a ma, min ni Mansa Wa 'a Mansa a.