CHISƆSI 'A SƆ MƆƐ NU 2:3 - Yataa 'a Dɔbɛnɛ Nama

³ Mbɛ an‑na fenɛ n yen yɔ ta man mɛsɛ nu, an fasandenɛ ɛ a ɔ. Mbɛ an fɛn gbɛɛ ni ka nɔ, an fen chɛ n tu‑a wan an na dɔndɔ dɔndɔɛ a.

CHISƆSI 'A SƆ MƆƐ NU 2:3 ပူးပေါင်းရင်းမြစ်များ

MATIU 3:11

N fan, n mbe yii an chɛ wo kunɛ ɔ, min mbe a ɔ yian, mbɛ wo‑a wo kan kɔ sɔ wo 'a ko yama n na. Chɛɛ mɔ dɔndɔ ɛ na tena n gbaa, a benden mu n ma kaka. N gbu sin mbe ee che a 'a kɔɔwa wɛɛ bia koe a. A tana, ɛ Yataa Nyina a na‑a wan ma koe a wo fɛ, wo wɛn mbe wo kan kɔ sɔ‑a wo 'a ko yama n na. Chɛɛ wo wɛn mbe ee wo kan kɔ sɔ‑a wo 'a ko yama n na, ɛ wo a ta‑a wan ta ɔ.

MATIU 3:15

Chɛɛ Chisɔsi ɔ, “I ma n kɔɔsa bia. A ma yɔ n‑na a fɔ buɛ min dɔ i ye a ma koe a. Ni mɔ‑a a ma buɛ chɛ ɔ, mɔ ɛ ma‑a ka Yataa faa ma koe an ma‑a.” Mbɛ Chɔn dɔn‑da.

DUKU 24:32

Mbɛ an bun‑da a fɔ‑a an nyɔn ye, an dɔ, “Chɛ an‑na a ma, mɔ bu ɔ ni di ka, mmɔ bɛ ni na tena tima min na chia ɔ bɔ chɛ‑a chia a, a yɛ to, tima min na a ni Yataa 'a gboo chɛ fasai tena mɔ tena.”

CHISƆSI 'A SƆ MƆƐ NU 1:15

Tee kuunden gbakɔ, mɔɛ miin‑na an kai fa Chisɔsi Chasi a, an bɛn‑da wan kaina dɔndɔ. An danɛ taen fan ni mɔ chɛmɛ dɔndɔ, ni mɔ bi fea ɔ. Mbɛ Pita‑a a kɔɔ sɔ, koɔ koe a an tena.

CHISƆSI 'A SƆ MƆƐ NU 2:11

Chu mɔɛ tiki tiki nu, ni chɛ nu miin dɔn‑da bea koe a, Chu n 'na Yataa fai chia fɛ. Mbɛ mmɔ dɔ n sin ka‑a Keti wan, ni Adebia chɛnyɛ n dɔ. Chɛɛ chɛ gbɛɛ ɔ, mmɔ ɛ a a min tena wan an mbe koɔ‑a mmɔ ta chɛnyɛ koɛ n dɔ, a si Yataa 'a wai wa n ma.”

CHISƆSI 'A SƆ MƆƐ NU 2:2

A ya kɔɔɛ a, an‑na sɔnkɔ sɔnkɔ chɛ kuiɛ a min fan banda a, yɔ fia ɛ ma bɔ‑a. An sɔnkɔ sɔnkɔ kuiɛ chɛ, a‑a chenɛ gbu gbɛɛ ya wan, an ni ka kaina.

CHISƆSI 'A SƆ MƆƐ NU 2:4

Yataa Nyina ni wan gbɛ an gbɛɛ fɛ gban, mbɛ an‑na a kuu sɔ koɔ‑a chɛnyɛ koɛ dɔ mende n dɔ. Yataa Nyina chɛ an ni gbasaya chɛ be an ma, an bai chɛ n sa koe a.

GBOO SAA KƆYINDI KO A 12:10

A Nyina dɔndɔ gbe chɛ, an mbe gbasaya be mɔɛ dɔndɔɛ ma, kamaya koe n ma koe a. Mbɛ a‑a a be to dɔndɔɛ sin ma, Yataa bai sa koe a. Mbɛ a yɛ‑a to, gbasaya min mbe a ma, mɔɛ ni nyina n tɛ bɔɛ sɔn, a‑a a be dɔndɔɛ wɛɛ ma. Kamaya bai n fɔ koe wɛɛ to, miin dɔ ee gbɛ ka dechee, ɛ a be wan mɔɛ dɔndɔɛ ma. Mbɛ a yɛ‑a, an kamaya bai chɛ n fasai koe, a‑a a gbasaya sin be mɔɛ dɔndɔɛ nan ma.

CHIMISI 3:6

Nɛnɛnɛ nan gbu sin mu ta an na. Ko yama dechee an faenɛ ɛ a a, min mbe che wo gboo gbɛɛ a yɛ‑a kuu kɔ. Ɛ che wan a ma‑a, mmɔ 'a fɔɛ gbɛɛ ni mun, a ni chɛ ta ɔ, kasaa koe a. Koe min na mu, a 'a gbasaya kaen mu Sitana an tena.

KO Ɔ NUNDENƐ 11:3

A ɔ, “N mbe n 'na siiya fea n na na‑a wan, miin mbe n 'na sakana bai chɛndɛ ɔ yian‑da.” A ɔ, “An ma bɛndenɛ ɛ ma‑a wan yɔ sanka‑a mɔɛ miin tan an 'na chenɛ a.” A ɔ, “A sin, an mbe n 'na sakana bai ɔ yian‑da wan, an kau bi naanin kun ma fea (42) chɛ n dɔ.”

KO Ɔ NUNDENƐ 14:6

Mbɛ n‑na maeka dɔ mende yen, ɛ ben‑da banda a yɔ konde. Sakana bai chɛndɛ ɛ a boo ɔ, sakana min mbe ee tui kuɔ fɔ. Ɛ a boo ɔ, mɔɛ n gbɛɛ ko a dunya ma. Chɛ n ko a chɛnyɛ kunɛ kan kɔ kan dɔ, chɛnyɛ koɛ n dɔ, dambi n dɔ, ni mɔ gbu kan kɔ kan ko a.