CHISƆSI 'A SƆ MƆƐ NU 2:27 - Yataa 'a Dɔbɛnɛ Nama

²⁷ Koe min na mu, i wan Yataa ee n to‑a saya a boo ma. E ee dɔn‑da i 'a wai chɛ mɔɛ chɛ, n fɛn‑na n fandi be i ma, n su ni tui kamba ɔ.

CHISƆSI 'A SƆ MƆƐ NU 2:27 ပူးပေါင်းရင်းမြစ်များ

MATIU 11:23

Wo wɛn sin mbe ka Kapanaun duu ɔ, wo‑a wo wandi a sɛ banda a, chɛɛ Yataa ɛ wo a yii‑a wan duu ma. N‑na kamaya koe miin ma ka wo 'a duu chɛ ɔ, ni Sɔdɔn mɔɛ n na‑a an dɔ yen fan, Sɔdɔn nii ma‑a duu tombo a bi tee chɛ a.

MAKI 1:24

a ɔ, “Chisɔsi, Nasaɛti mɔɛ, i ma nn tɔɔ. I na‑a nn kasaa koe an na? N‑na a ɔ sɔn fan, i mu mɔɛ min na. I wan mu mɔɛ a tenchen, Yataa‑a min sɔ, a 'a wai chɛ koe a.”

DUKU 1:35

Mbɛ maeka chɛ ɔ, “Yataa Nyina an mbe ma‑a i fɛ, mbɛ Yataa Wa 'a gbasaya, a‑a a ma, i‑a bu ya. Chɛ an fɛ mu, e denɛ min suun‑da, ɛ ma‑a tenchen Yataa 'a wai an na. A sin, an mbe a chee‑a wan, an dɔ, Yataa 'a denɛ.

DUKU 16:23

chɛɛ a ta‑a ta ɔ wan, a ni kaina tɔɔya wa ɔ. Mbɛ a‑a a ya a sɛ, mbɛ a‑a Ebeami yen pɔɔ, Dasayɔsi ɛ si ɔ a baima.

DUKU 24:44

Mbɛ a ɔ, “Tima min na mmɔ bɛ ni, n na‑a a fɔ wan wo ye, mbɛ koe miin gbɛɛ nyɛndenɛ ɛ a si n ma, mbɛ an gbɛɛ ɛ bɔ‑a wan a a. Mbɛ ko ɔ ko sawa chɛ ɔ, Yataa‑a min be Mosisi ma, an bɛ Yataa 'a gbonka chɛ mɔɛ tɔɛ n na, a basan Yataa tando si gboo a, an gbɛɛ ɛ bɔ‑a wan a a.”

DUKU 4:34

“Ee, Chisɔsi, Nasaɛti mɔɛ, a nyin i ni nn to nɔ, yɔ i‑a nn yen buɛ min dɔ. I na‑a nn fa koe an na? N‑na a ɔ sɔn fan mɔɛ min nyɔn sima mu i a. Mɔɛ mu i a, min ka‑a Yataa tena, a 'a wai tenchenɛ chɛ koe a.”

CHƆN 11:39

Mbɛ Chisɔsi ɔ an ma, a ɔ, “Wo sen chɛ ka a da a.” Chɛɛ Dasayɔsi tensa musu Mata, a ɔ, “Mansa, a tui kunyɛ yama an mbe bɔ‑a.” A ɔ, “Tee naaninɛ an nɛ ka gbɛ, kɛn a sa‑a a kamba chɛ ɔ.”

CHISƆSI 'A SƆ MƆƐ NU 2:26

Chɛ‑a a ma wan, n bu ɔ dia‑a, a sin, n mbe a tando wan buɔdia ɔ. Mbɛ n fan, n mu wɛɛ mɔ gbu a, min danka mu saya a, n yii na tɛen fan mu Yataa ma.

CHISƆSI 'A SƆ MƆƐ NU 2:28

I‑a chia sa n ye, n mbe a sɔ min fɛ, n ni fɔɛ ma sɔn, I sin, e n fɛ, n bu ɔ dia‑a a ɔ benden ba a.’ ”

CHISƆSI 'A SƆ MƆƐ NU 2:31

Mansa Defidi na‑a a ɔ yen fan, Yataa ni na tena koe min ma‑a ya ɔ ma. Chɛ sin ko a, a wan Defidi‑a bai sa wan, a si kunka mansa chɛ kɔɔ sɔ koe ma saya ɔ. Mansa Defidi‑a a fɔ wan, mbɛ Yataa nii ma Chasi to ni saya a boo ma, a sin ma a ma ni Chasi su ni tui kamba ɔ.

CHISƆSI 'A SƆ MƆƐ NU 3:14

A ni tenchen Yataa 'a wai an ko a, a sin, a tanden fan ni Yataa tena. Chɛɛ chɛ gbɛɛ ɔ, wo ban‑da wan a ɔ, mbɛ wo‑a Kɔfana Padeti disa, wo ɔ, a ni a boo ka mɔ fa mɔɛ a wo ye.

CHISƆSI 'A SƆ MƆƐ NU 4:27

Tea gbu sin ko a, nɛ ni Chuusaɛn duu chɛ ɔ, an‑na an kun puin kaina, i 'a wai chɛ mɔɛ Chisɔsi Chasi ma, min mbe tenchen i ko a. I‑a i boo sɔ an ma kunka mansa a. Mansa Ɛdɔdi, ni Kɔfana Pɔnchɔsi Padeti, an bɛ an na‑a an kun puin chɛ chɛ, an bɛ mɔɛ chɛ n na miin ma Chu mɔ n na, a basan Isɔɛɛ mɔɛ n gbɛɛ a, ko yama ma koe a kunka mansa chɛ a.

GBOO SAA KƆYINDI KO A 15:52

A tima chɛ a, ɛ na‑a ka wan, a ya kɔɔɛ a. Ɛ ma‑a bui chɛ an na, yɔ mɔɛ e i ya ma kai buɛ min dɔ kabu kabu. Koe min na mu, ni buu chɛ kuiɛ bɔ‑a, buu dankama nɛnɛ chɛ, faa mɔɛ n kɔɔ ɛ sɔ‑a wan, a ka saya ɔ. A sin, an mbe ee na‑a fa a to kuɔ fɔ ko a. A sin to, mmɔ gbɛɛ, mmɔ ma ɛ fan‑da wan.

GBOO SAA KƆYINDI KO A 15:55

Yataa 'a gboo‑a a fɔ wan to, a ɔ, “Saya gbu, buɔdia ee to a boo ɔ. A yɛ to, saya 'a gbasaya ban‑da, kasaa chɛ koe a.”

1 CHƆN 2:20

Chɛɛ wo tana, Chisɔsi‑a a ma, Yataa Nyina ɛ wo fɛ, min‑na a ma, wo gbɛɛ‑a tea sɔn.

KO Ɔ NUNDENƐ 1:18

Mbɛ a ɔ, “A yen ko, chi ɛ n boo ɔ saya ko a, a basan ta koe a faa a. N faen fan ni, chɛɛ a yen ko, n mbe fɔɛ ɔ kuɔ fɔ ni kuɔ fɔ ko a. N fan, fɔɛ ɛ n fan boo ɔ.

KO Ɔ NUNDENƐ 20:13

A tima chɛ a, mɔɛ miin na‑a to yii ɔ tee, an bɔ‑a wan. Mɔɛ chɛ n bɛɛ, miin ni faa a, an bɔ‑a wan. An gbɛɛ ta‑a wan Yataa chen kɔɔ, kaa a tɛ koe a an bakoe ma. Kaa chɛ a ɛ tɛ‑a, a ka an chɛ chɛ wai n fan ma dunya ma.

KO Ɔ NUNDENƐ 3:7

Mbɛ a ɔ te to, a ɔ, n ni chɛ nyɛn maeka chɛ tena chɔchi ko a, Fidadɛfia duu ɔ. A ɔ, “N fan, mɔɛ chɛ, n fɛn kan nyɔ ee, n fɛn teaen mu, a sin to, Mansa Defidi 'a chi ɛ n boo ɔ.” A ɔ, “N fan mbe chenɛ da a ka, mɔ ɔ mɔ ee a da a tɔn, a yɛ to, n fan mbe a da a tɔn, mɔ ɔ mɔ ee a da a ka.” A ɔ, “N 'na sakana an nɛ.”