CHISƆSI 'A SƆ MƆƐ NU 2:24 - Yataa 'a Dɔbɛnɛ Nama

²⁴ Chɛɛ Yataa‑a a bɔ wan saya 'a mɔnɛ boo ɔ, a‑a a ma, Chisɔsi chɛ‑a a kɔɔ sɔ a ka saya ɔ. Koe min na mu, saya nii che gbasaya din‑da a ma ɛnden bɛɛ a.

CHISƆSI 'A SƆ MƆƐ NU 2:24 ပူးပေါင်းရင်းမြစ်များ

MATIU 27:63

Mbɛ an dɔ, “Mansa, tima min na da ɔ gbaa tɔɛ chɛ ni fɔɛ ɔ, nn yii to‑a wan a ɔ, a na‑a bai min fɔ. A na‑a a fɔ wan, a ɔ, Yataa ɛ a kɔɔ sɔ‑a wan a ka saya ɔ, tee fea a sawan bɔɛ ma.

CHƆN 10:18

Mɔ ɔ mɔ ee kun a ni n fɔɛ ya n sun da a. Chɛɛ n fandi gbu, n fan mbe n fɔɛ be‑a. Gbasaya been mu n fandi an ma, n fandi fɔɛ be koe a, an ni n fa. A gbasaya chɛ ɛ to n fandi an boo ɔ, a ma koe a to, n ni yɛ fɔɛ ɔ. Fa na‑a a fɔ ka wan n ye, a ma koe a.”

CHƆN 10:35

Wo 'a a ɔ sɔn fan, mbɛ Yataa 'a gboo, ɛ bai miin fɔ, tea bai nu mu kuɔ fɔ ko a. A sin, Yataa wandi gbu, an na‑a mɔɛ chɛ n chee yataa dɔma n na. Mɔɛ chɛ nu, a wandi gbu, a ni a 'a sakana bai n na ben mɔɛ miin dɔ.

CHƆN 12:39

An nii ma dan ni sakana bai chɛ a, koe min na mu, Aisaya na‑a a fɔ wan to, a ɔ, “Yataa na‑a a fɔ wan, a ɔ,

CHƆN 20:9

Chɛɛ a tima chɛ gbɛɛ ɔ, Yataa 'a gboo na‑a a fɔɛ min chɛ, mbɛ ɛ a kɔɔ sɔ‑a wan a ka saya ɔ, an nii ma a ɔ gbɛ nin bɛ.

CHISƆSI 'A SƆ MƆƐ NU 1:16

Mbɛ a‑a a fɔ, a ɔ, “N suun ma nyɔɛ nu Chasi ɔ, Yataa 'a gboo‑a min fɔ, a ni che wan a ni bɔ a a. Suun, Yataa Nyina‑a a ma wan, Mansa Defidi‑a koe chɛ kɔɔ fɔ, a si Chudasi ma, min ni na tena ma‑a. Chudasi chɛ ni mmɔ bɔɛ an na. Koe min na mu, Chisɔsi na‑a a boo sɔ wan a ma, wai chɛ chɛ koe a, mmɔ ɛ ka min na. A wan sɔ‑a mɔɛ n ya ɔ, miin ta‑a Chisɔsi bia.

CHISƆSI 'A SƆ MƆƐ NU 13:30

Chɛɛ Yataa‑a a kɔɔ sɔ wan, a ka saya ɔ,

CHISƆSI 'A SƆ MƆƐ NU 13:37

Chɛɛ chɛ nii ma ma ni mɔɛ chɛ a, Yataa‑a min na sɔ, a ka saya ɔ.

CHISƆSI 'A SƆ MƆƐ NU 17:31

Koe min na mu, a‑a tee yian, ɛ tea gbɛmbo chɛ‑a mɔ gbu gbɛɛ a, dunya ɔ tee min ma. Ɛ a ma‑a wan, a na‑a a boo sɔ mɔɛ min ma, a ni mɔɛ n gbɛmbo. A sin‑na yiinatɛ be wan mmɔ ma, a‑a a ma kɛn, kamin chɛ‑a a kɔɔ sɔ, a ka saya ɔ.”

CHISƆSI 'A SƆ MƆƐ NU 2:32

Chisɔsi wandi gbu ni, Yataa‑a min na sɔ a ka saya ɔ. Nn gbɛɛ sin mu wan sii n na chɛ ko a.

CHISƆSI 'A SƆ MƆƐ NU 3:15

A sin, wo‑a Chisɔsi fa wan, gbasaya ɛ min boo ɔ, kuɔ fɔ fɔɛ be koe a. Chɛɛ Yataa‑a Chisɔsi gbu kɔɔ sɔ wan, a ka saya ɔ. Nn sin mbe siiya bɔ tena wan chɛ ma.

CHISƆSI 'A SƆ MƆƐ NU 3:26

Yataa‑a a 'a wai chɛ mɔɛ Chisɔsi a na kɛn, a‑a a sɔ wo pɛn pɛn tena, wo wan Isɔɛɛ mɔɛ nu. Yataa‑a chɛ ma, min mbe a ma, a ni wo dua, wo ni wo kan kɔ sɔ wo 'a faamagbaa koe n na.”

CHISƆSI 'A SƆ MƆƐ NU 4:10

Nn mbe a ɔ yian‑da wan gbɛ wo a, a basan mɔɛ tɔɛ n gbɛɛ a Isɔɛɛ chɛnyɛ ɔ, kamin chɛ ɛ sɔ ɔ nɛ, mɔɛ min 'na gbasaya ɔ. Nasaɛti duu ɔ mɔɛ chɛ mu, Chisɔsi Chasi, wo‑a min gbangban kɔn gbengbandenɛ ma, mbɛ a fa‑a. Chɛɛ Yataa‑a Chisɔsi kɔɔ sɔ wan, a ka saya ɔ. An Chisɔsi Chasi chɛ 'a gbasaya ɔ mu kamin chɛ, wo e ka min yen tena, a‑a bauncha ma sɔn.

CHISƆSI 'A SƆ MƆƐ NU 5:30

Wo‑a a ma wan, Chisɔsi‑a mauma saya chɛ, kɛn wo‑a a gbangban kɔnɛ ma. Chɛɛ Yataa chɛ, nn bemba n ta bemba n ni min fai, an‑na a ma, a wan Chisɔsi chɛ‑a a kɔɔ sɔ a ka saya ɔ.

GBOO DOMI KO A 10:9

E bauncha ma sɔn‑da wan, ni i‑a da a bai chɛ fɔ den faaɔgbɛya ɔ, mbɛ Chisɔsi Chasi an mu i 'a mansa a. A sin i danden mu a a i yiima ɔ, mbɛ Yataa na‑a Chisɔsi chɛ kɔɔ sɔ wan a ka saya ɔ.

GBOO DOMI KO A 14:9

Koe min na mu, Chisɔsi Chasi fa‑a wan, mbɛ a‑a a kɔɔ sɔ a ka saya ɔ. Chɛ na‑a ma, min mbe a ma, a ni ma mansa a mmɔ gbɛɛ ko a, mmɔ wan chɛndɛ ba nu, mmɔ bɛ fuɛ n na.

GBOO DOMI KO A 4:24

Chɛɛ a nyɛnden fan mu mmɔ wɛɛ ko a, mmɔ wɛn kai faen mu Yataa a, min‑na mmɔ 'a mansa Chisɔsi kɔɔ sɔ saya ɔ. Ɛ mmɔ wɛɛ ya a wan mɔ tandenɛ n na.

GBOO DOMI KO A 6:4

Yii chɛ min chɛ‑a ka mmɔ kunɛ ɔ Yataa chia a, a‑a a ɔ yian fan ka, mbɛ mmɔ bɛ fa‑a, a yɛ to, mmɔ bɛ tɔn‑da Chisɔsi a. Chɛ an mbe a ma, yɔ Yataa 'a kamaya gbasaya na‑a Chasi kɔɔ sɔ buɛ min dɔ, a ka saya ɔ, mmɔ wɛɛ ni ma fɔɛ nama ɔ, a chia dɔndɔ gbe chɛ a.

GBOO DOMI KO A 8:11

Yataa Nyina, min‑na a ma, Chisɔsi Chasi‑a a kɔɔ sɔ a ka saya ɔ, ɛ wan wo fɛ. A Nyina chɛ sin, min‑na chɛ ma ka, ɛ fɔɛ be‑a wan wo ma, wo wɛn mbe fa ka. Ɛ chɛ ma‑a wan, yɔ a na‑a a ma buɛ min dɔ dechee Chasi a.

GBOO DOMI KO A 8:34

Mɔ ɔ mɔ ee nɔ min mbe kaa a tɛ, a si an mɔɛ chɛ n tɔɔya koe ma. Chisɔsi Chasi an fa‑a mmɔ ko a, chɛ ma, an kɔɔ sɔ‑a a ka saya ɔ, mbɛ a yɛ‑a to fɔɛ ɔ. A sin, ɛ si ɔ kaina ma bɛndenɛ Yataa boo nyima ɔ. Ɛ wan tun koɔ‑a Yataa tena mmɔ ko a.

GBOO SAA KƆYINDI KO A 15:12

Mmɔ 'a sakana bai sanche chɛ ɔ, an nɛ, mbɛ Chasi‑a a kɔɔ sɔ wan, a ka saya ɔ. Chɛ ko a, wo dɔ nu, wo ee che to a fɔ‑a, mbɛ kɔɔ sɔ ee nɔ, a ka saya ɔ.

GBOO SAA KƆYINDI KO A 15:15

A ka chɛ gbu ma, mmɔ ɛ ma‑a ka fania an fɔ‑a, a si koe ma, Yataa‑a min ma. Koe min na mu, mmɔ wan mbe a fɔ, mbɛ a‑a Chasi kɔɔ sɔ wan, a ka saya ɔ. Chɛɛ ni mmɔ‑a a fɔ, mbɛ kɔɔ sɔ ee nɔ, a ka saya ɔ, chɛ‑a a ɔ yian fan ka, mbɛ Chasi nii ma a kɔɔ sɔ ni, a ka saya ɔ.

GBOO SAA KƆYINDI KO A 15:20

Chɛɛ tea gbu ko a, Chasi na‑a a kɔɔ sɔ wan, a ka saya ɔ. A ma‑a mɔɛ saa a, a kɔɔ sɔ koe a, chɛ n tɛ ɔ, miin na‑a an kai fa a wan Chasi a, mbɛ an fa‑a. Chɛ ni a ma, mmɔ ni dan a a, mbɛ mmɔ wɛɛ ɛ na‑a wan mmɔ kɔɔ sɔ‑a, a ka saya ɔ.

GBOO SAA KƆYINDI KO A 15:4

Mbɛ an‑na a tɔn kɛn, tee fea a sawan bɔɛ ma, Yataa‑a a kɔɔ sɔ, a ka saya ɔ. A ma‑a wan ka, yɔ a nyɛnden mu buɛ min dɔ to Yataa 'a gboo ɔ.

GBOO SAA KƆYINDI KO A 6:14

Yataa‑a Mansa Chisɔsi kɔɔ sɔ wan, a ka saya ɔ. A sin mbe a ma‑a ka wan, mmɔ wɛɛ ni mmɔ kɔɔ sɔ, a ka saya ɔ, a 'a gbasaya dɔndɔ gbe chɛ ɔ.

GBOO FEAN BƆƐ KƆYINDI KO A 4:14

Nn‑na a ɔ sɔn fan, mbɛ Yataa an‑na a ma, Mansa Chisɔsi kɔɔ sɔ‑a a ka saya ɔ. Ɛ a ma‑a wan nn bɛɛ kɔɔ ni sɔ, a ka saya ɔ, nn ni bɔ Chisɔsi gba ɔ. A sin mbe ta‑a wan nn na, a basan wo wɛɛ a, mmɔ ni ma a chen kɔɔ.

Gboo Kadesia Ko A 1:1

N fan Pɔɔ, n fan mbe gboo chɛ nyɛn tena, nn bɛ mmɔ suun ma nyɔɛ n gbɛɛ n na Chasi ɔ, miin mbe nɛ. Chisɔsi Chasi 'a sɔ mɔɛ mu n na. Mɔ gbu an ma a ma ni, chɛ ni ma. Chɛɛ Chisɔsi Chasi wandi, an‑na a ma, an fea mmɔ Fa Yataa a, min‑na Chasi chɛ kɔɔ sɔ a ka saya ɔ. N mbe a nyɛn tena wo wan tena, wo wɛn mbe chɔchi n dɔ, Kadesia chɛnyɛ ɔ.

Gboo Ɛfisɔsi Ko A 1:20

a‑a a kun tɛ Chasi an dɔ, kɛn a‑a a kɔɔ sɔ, a ka saya ɔ. Mbɛ a‑a a ma, a‑a a si kaina ma bɛndenɛ banda bu ɔ, a boo nyima ɔ.

Gboo Kɔdɔsai Ko A 2:12

Yii chɛ‑a kɛn wo kunɛ ɔ, Yataa chia a, a tima chɛ a, a ma‑a wan yɔ wo tɔn‑da wan ka, wo bɛ Chasi a. A yɛ to, mbɛ Yataa‑a wo kɔɔ sɔ, a ka saya ɔ, wo bɛ Chasi a to. Danaya ni wan wo ɔ Yataa 'a gbasaya ko a, min‑na Chisɔsi kɔɔ sɔ, a ka saya chɛ ɔ. An danaya chɛ sin fan‑na a ma, chɛ ma‑a.

Gboo Saa Tɛsadonika Ko A 1:10

A sin, a 'a denɛ na koe, a ka banda bu ɔ, wo e a ma kɔn tena wan. A 'a denɛ Chisɔsi, a‑a a ma min na a kɔɔ sɔ, a ka saya ɔ. A 'a den chɛ sin fan‑na mmɔ kun ka, Yataa ma na faatɛ a bɔ mmɔ ma ya ɔ ma.

GBOO IBU MƆƐ N KO A 13:20

Yataa‑a a ma wan, mmɔ 'a mansa Chisɔsi‑a a kɔɔ sɔ, a ka saya ɔ. Mmɔ ɛ wan gbɛ yɔ sa nu, Chisɔsi ɛ miin kun ma fɛn. A‑a a wandi wii a bɔn fan, mmɔ ko a. Chɛ sin ma‑a wan dɔbɛn nama a, min mbe ma‑a kuɔ fɔ ko a. Chisɔsi wii chɛ 'a gbasaya ɔ, Yataa min mbe faa chima be,

GBOO IBU MƆƐ N KO A 2:14

Chɛ an fɛ mu gbɛ, den chɛ nu, mɔ gbu gbama gbama mu an na. An fɛ mu, a wandi wɛɛ, a na‑a ma wan to mɔ gbu a, min mbe a ma, a ni fa. A 'a saya chɛ sin mbe a ma‑a wan, a ni Sitana kasaa, gbasaya ɛ ka min boo ɔ saya ko a.

1 PITA 1:21

Chisɔsi Chasi, min‑na a kɔɔ sɔ a ka saya ɔ, a chɛ chɛ wai n fan‑na a ma, wo‑a wo kai fa Yataa a. Mbɛ Yataa‑a baa be a ma. Chɛ an‑na a ma, wo kai faen mu a a. A sin, wo yii na tɛen mu a ma.

KO Ɔ NUNDENƐ 1:18

Mbɛ a ɔ, “A yen ko, chi ɛ n boo ɔ saya ko a, a basan ta koe a faa a. N faen fan ni, chɛɛ a yen ko, n mbe fɔɛ ɔ kuɔ fɔ ni kuɔ fɔ ko a. N fan, fɔɛ ɛ n fan boo ɔ.