CHISƆSI 'A SƆ MƆƐ NU 2:23 - Yataa 'a Dɔbɛnɛ Nama

²³ Chɛ e na to ma‑a, Yataa wandi gbu na‑a a ɔ bɛn fan gbae a faa gbɛɛ a, mbɛ tima ɛ che‑a wan Chisɔsi ni be wo ma. A sin, wo e a ma‑a wan, mɔɛ miin mbe ee don Yataa 'a sawa kɔɔ, an ni a gbangban kɔn gbengbandenɛ ma, a ni fa nɔ.

CHISƆSI 'A SƆ MƆƐ NU 2:23 ပူးပေါင်းရင်းမြစ်များ

MATIU 20:19

mbɛ an‑na n be mɔɛ chɛ n ma, miin ma Chu mɔ n na. An mbe n ma yɛn‑da wan, an ni n bosa, mbɛ an‑na n gbangban kɔn gbengbandenɛ ma, n mbe fa‑a kaina. Chɛɛ tee fea, a sawan bɔɛ, Yataa ɛ a ma‑a wan, n ni n kɔɔ sɔ a ka saya ɔ.”

MATIU 26:24

N fan, Mɔ Gbu 'a Denɛ, n mbe na tena wan fa‑a, yɔ a nyɛnden mu buɛ min dɔ Yataa 'a gboo ɔ, a si n ma. Chɛɛ ɛ yaua‑a gba mɔɛ chɛ ko a, min mbe n ma tachɛ‑a. Ni a nii ma suun ni, a ni nyan‑da wan a ko a.”

MATIU 27:35

Mbɛ an‑na a gbangban kɔn gbengbanden chɛ ma nɔ. Mbɛ an yɛ‑a, an‑na chɛ fenɛ chɛ, a ma koa n ko a.

MAKI 15:24

Mbɛ an‑na a gbangban kɔn gbengbandenɛ chɛ ma nɔ. Mbɛ an yɛ‑a, an‑na chɛ fenɛ chɛ a ma koa n ko a, an ni a ɔ sɔn, ni mɔɛ ɛ min ma sɔn.

DUKU 22:22

N fan, Mɔ Gbu 'a Denɛ, n mbe na tena wan fa‑a, yɔ Yataa‑a a ɔ bɛn buɛ min dɔ. Chɛɛ koe chɛ miin mbe mɔɛ chɛ tan‑da, a yau gba a ko a, mɔɛ min mbe n ma tachɛ‑a.”

DUKU 22:37

Wo e chɛ ma‑a koe n na, Yataa 'a gboo‑a a fɔ wan, a ɔ, mɔɛ n mbe n bia‑a wan, yɔ an mbe sawa yɔn mɔ wa chɛ n bia buɛ min dɔ. N ni a ma din wo tena, mbɛ chɛ sin fan mbe ma‑a. Koe min na mu, ko ɔ ko min nyɛnden mu, a si n ma, ɛ bɔ‑a wan a a.”

DUKU 23:33

An che‑a kɛn kaina chɛ, an ni min chee, an dɔ, Kun Konkon Ma, an‑na Chisɔsi gbangban fan nɔ kɔn gbengbandenɛ ma. An na‑a mɔ yama fea chɛ n bɛɛ gbangban fan to nɔ kɔn gbengbanden fea n ma. An na‑a mɔ yama dɔndɔɛ gbangban fan Chisɔsi boo nyima ɔ, mbɛ an‑na dɔndɔɛ wɛɛ gbangban a man dɔɛ.

DUKU 24:20

Mmɔ 'a mansa chɛ nu, mɔɛ chɛ n ko a, miin ni mmɔ tɛ ɔ Yataa a, an bɛ mmɔ kun ti n na, an ta‑a wan a a, Kɔfana Padeti chen kɔɔ. An toen ni a ni kaa a tɛ a faa koe ma. Mbɛ an‑na a gbangban fan kɔn gbengbandenɛ ma, mbɛ a fa‑a.

CHƆN 19:18

An kaina chɛ ni, an‑na Chisɔsi gbangban kɔn gbengbandenɛ ma, a basan kamin fea dɔ mende n bɛɛ a. Chisɔsi an ni dɛn dɔ an kamin fea chɛ n tɛtɛ ma.

CHƆN 19:24

A nɛnɛ wakoe, an nyɔn tɛ ɔ, an dɔ, “Mmɔ ma a a panda. Mmɔ chɛ fenɛ chɛ a ko a, mmɔ ni a ɔ yen mɔɛ min mbe a ma sɔn‑da.” An sin na‑a a ma ka wan. Chɛ ma‑a, min mbe a ma, Yataa 'a gboo na‑a bai min fɔ, a si Chisɔsi ma, a ni bɔ a a. Yataa 'a gboo‑a a fɔ wan, a ɔ, “An‑na n 'na koa n du wan an nyɔn tɛ ɔ, mbɛ an‑na chɛ fenɛ chɛ n 'na gbansanɛ sin ko a.”

CHISƆSI 'A SƆ MƆƐ NU 13:27

Chɛɛ mɔɛ miin mbe Chuusaɛn duu ɔ, an bɛ an ya ɔ sɔɛ n na, an nii ma a wakoe ɔ gbɛ ni. An nii ma Yataa 'a gbonka chɛ mɔɛ chɛ n 'na bai n nan fan bɛɛ ɔ gbɛ ni, an ni min kan Chu n 'na samun chɛ chenɛ a, suin tee kan kɔ kan ma. Chɛɛ an‑na kaa a tɛ wan, a wakoe ma, a ni fa, Yataa 'a gbonka chɛ mɔɛ chɛ n da a kuiɛ bɔ koe a a.

CHISƆSI 'A SƆ MƆƐ NU 15:18

N sin‑na koe chɛ n kɔɔ fɔ wan, kɛn suun tima a.” ’

CHISƆSI 'A SƆ MƆƐ NU 2:36

Mbɛ Pita a ɔ te gbɛ, “Chɛ an‑na a fɔ, wo gbɛɛ, wo wɛn mbe ka Isɔɛɛ chɛnyɛ chɛ ɔ, wo ni chɛ ɔ sɔn. Mbɛ tea gbu ko a, Chisɔsi chɛ, wo‑a min gbangban ka kɔn gbengbandenɛ ma, Yataa wandi‑a an ma ka kunka mansa a, wo baun mɔɛ.”

CHISƆSI 'A SƆ MƆƐ NU 3:18

Chɛɛ Yataa wandi na‑a min fɔ suun, an bɔ‑a ka a a. A na‑a a don fan a 'a gbonka chɛ mɔɛ n gbɛɛ da ɔ, mbɛ a 'a kunka mansa ɛ mɔnɛ ɔ bia‑a wan.

CHISƆSI 'A SƆ MƆƐ NU 4:28

An na kan‑da wan kaina dɔndɔ, min mbe a ma, an ni koe chɛ n dɔ bɛn, miin dɔ bɛnden ni gbɛ i boo ɔ, yɔ i toen ni a a buɛ min dɔ.

CHISƆSI 'A SƆ MƆƐ NU 5:28

Mbɛ a‑a a fɔ an ye, a ɔ, “Nn‑na a ma din fan wo tena, mbɛ wo ma mɔɛ n kan to, a si Chisɔsi chɛ wakoe ma. Chɛɛ wo a ɔ yen, wo‑a koe min ma. Wo‑a a ma mɔɛ n gbɛɛ, miin mbe Chuusaɛn, an‑na a a min, wo‑a bai miin sa a si a ma. A sin, wo toen mu wo ni a fa koe dɛn nn fan na.”

CHISƆSI 'A SƆ MƆƐ NU 5:30

Wo‑a a ma wan, Chisɔsi‑a mauma saya chɛ, kɛn wo‑a a gbangban kɔnɛ ma. Chɛɛ Yataa chɛ, nn bemba n ta bemba n ni min fai, an‑na a ma, a wan Chisɔsi chɛ‑a a kɔɔ sɔ a ka saya ɔ.

CHISƆSI 'A SƆ MƆƐ NU 7:52

Yataa 'a gbonka chɛ mɔ kan kɔ kan nii nɔ, ni wo bemba n ta bemba n ma ko ma gbaaenɛ sa ni min ma. An‑na Yataa 'a gbonka chɛ mɔɛ chɛ n fa wan, miin na‑a a gbonka suun, a si Yataa 'a wai chɛ mɔɛ ma. Mbɛ an wai chɛ mɔɛ chɛ, min tanden mu a chen kɔɔ, ɛ na‑a wan. Chɛɛ wo gbu‑a a ma tachɛ gbɛ, mbɛ wo‑a a fa.

GBOO DOMI KO A 2:12

Mɔɛ miin ma Chu mɔɛ n na, sawa chɛ ee an boo ɔ, min na‑a be Mosisi ma. Chɛɛ ni an mɔɛ chɛ n‑na ko yama ma, Yataa ɛ an tɔɔya‑a wan, a ee ma‑a wɛɛ sawa chɛ ta fɛ chia a. Chu mɔɛ n sin, Mosisi na‑a sawa chɛ a ben miin tena, ni an‑na ko yama ma, Yataa ɛ sawa chɛ an ya‑a, mbɛ a‑a kaa a tɛ an bakoe ma, an ni tɔɔya.

GBOO DOMI KO A 4:17

Chɛ fɔen fan mu Yataa 'a gboo wɛɛ ɔ, mbɛ a wan Yataa 'a gbasaya ɔ, mɔ sɛsɛ dunya ɔ, Ebeami an mu an bemba n ta bemba a. A sin, a wan Yataa Mansa ko a, a 'a tooɔdia chɛ baa ɛ wan a ma. Ebeami sin na‑a dan Yataa an na. Yataa an mbe a ma mɔɛ min fa‑a, a ni yɛ to fɔɛ ɔ. A da a kuiɛ to, an mbe a ma, fenɛ miin nii dunya chɛ ɔ tee, a ni bɔ a ɔ.

Gboo Saa Tɛsadonika Ko A 2:15

An dɔ n‑na Yataa 'a gbonka chɛ mɔɛ n fa wan suun. Mbɛ an dɔ n sin‑na a ma, an‑na Mansa Chisɔsi wandi wɛɛ fa. Mbɛ sanche gbɛ, an dɔ n‑na ko yawaenɛ si mmɔ a, an gbu‑a nn gbain. Mɔ ɔ mɔ mu an chɛɛ ma nyɔɛ an na. Yataa faa tɛen mu an ma gbeden.

1 PITA 1:2

Mmɔ fa Yataa na‑a wo sɔn pɛn chɛndɛ chɛ, mbɛ a‑a a boo sɔ wo ma suun gbɔɔ. A sin, Yataa Nyina wɛɛ‑a a ma wan, wo ma‑a tenchen Yataa ko a. Chɛ sin mbe a ma tena wan, wo e kooya be tena Chisɔsi Chasi ma. A wii min sin bɔ‑a a fa tima a, a‑a wo ko fo. Yataa ni wo dua, a ni faachima ma munda wo ɔ.

1 PITA 1:20

Yataa e na to dunya chɛ a dan‑da, a na‑a a boo sɔ pɛn Chisɔsi ma, ma koe a ka. Chɛɛ tee dankama tee chɛ nɛnɛ n kɔɔ, Yataa‑a Chisɔsi yian wo deman koe an na.

1 PITA 2:8

Yataa 'a gboo‑a a fɔ wan to, a ɔ, “Mɔɛ n mbe an chenɛ n na tu‑a sen chɛ an na, an sen chɛ, mɔɛ n mbe nama‑a min ma, mbɛ an bea‑a.” An mbe an chenɛ n na tu‑a wan, koe min na mu, an ma dan ni Yataa 'a bai a. Yataa sin‑na a ɔ bɛn ka wan an ko a.

CHUDA 1:4

Mɔɛ dɔ n yen ko, miin mbe ee Yataa kuiɛ ma, an mbe kan yama chɛ, an na‑a mmɔ tɛ ɔ yɛdɛn yɛdɛn. Mɔɛ chɛ n bakoe nyɛnden fan mu suun suun, mbɛ Yataa ɛ kaa a tɛ‑a wan an bakoe ma, a ni an tɔɔya. An ma Yataa sɔn, Yataa ɛ chinchin fan an ma. Chɛɛ an mbe an chinchincha chɛ an ya, mbɛ an ma‑a fɔɛ yama ɔ. An mbe yɛ wan to, mbɛ an ban‑da Chisɔsi Chasi ɔ, min mu mmɔ 'a mansa dɔndɔɛ a, mmɔ kun ti.

KO Ɔ NUNDENƐ 13:8

A sin, mɔɛ gbɛɛ dunya ma, an mbe a fai wan. Mɔɛ chɛ n gbɛɛ, miin mbe ee a fai‑a, an fan nɛ dechee mɔɛ chɛ n na, miin tɔɛ nyɛndenɛ ɛ gboo chɛ ɔ, a ka dunya a dan tima ma. Gboo chɛ, mɔɛ miin mbe kuɔ fɔ fɔɛ ma sɔn‑da, an mbe min dɔ. An gboo chɛ, ɛ sa tɔngbɔɛ an boo ɔ, an‑na min fa.