CHISƆSI 'A SƆ MƆƐ NU 2:22 - Yataa 'a Dɔbɛnɛ Nama

²² Mbɛ Pita ɔ te to, “N bɔɛ Isɔɛɛ mɔɛ nu, wo wo too ma sɔ bai chɛ n ma, n mbe na tena miin fɔ‑a wo ye. Chisɔsi chɛ, min ka‑a Nasaɛti duu ɔ, a mu Yataa wandi 'a sɔ mɔɛ an na. Kamaya koe nu, a ni miin ma, a ni tɔmɔsi miin yian, kɔndɔ fii koe nu, an fan ni a ɔ yian, mbɛ Yataa 'a gbasaya an mbe a ɔ. Wo wandi gbu, wo e siiya bɔ wan an koe chɛ n ma. Koe min na mu, an gbɛɛ ma‑a nɛ wan wo ya kɔɔɛ ma.

CHISƆSI 'A SƆ MƆƐ NU 2:22 ပူးပေါင်းရင်းမြစ်များ

MATIU 12:28

N mbe ee nyina yama n gbain tena mɔɛ n fɛ Bɛɛsɛbu 'a gbasaya ɔ. Chɛɛ n mbe an gbain tena Yataa Nyina 'a gbasaya an dɔ. Chɛ‑a a ɔ yian fan, mbɛ Yataa 'a mansaya ɛ gbɛ wo tɛ ɔ.”

MATIU 2:23

Mbɛ a ta‑a, a si‑a Nasaɛti duu ɔ. Chɛ‑a a ma wan, Yataa na‑a min na ben a 'a gbonka chɛ mɔɛ n dɔ, a ni bɔ a a. A ɔ, “An mbe na‑a a chee‑a wan Nasaɛti mɔɛ a.”

MATIU 9:8

Mɔ fanka chɛ, miin ni ka nɔ, an‑na chɛ ɔ yen kɛn, an chian‑da wan. Mbɛ an‑na Yataa tando, gbasaya sima chɛ be koe a mɔ gbu ma.

DUKU 11:20

N mbe ee nyina yama n gbain tena mɔɛ n fɛ Bɛɛsɛbu 'a gbasaya ɔ. Chɛɛ n mbe an gbain tena Yataa 'a gbasaya an dɔ. Chɛ‑a a ɔ yian fan, mbɛ Yataa 'a mansaya ɛ gbɛ wo tɛ ɔ.”

DUKU 18:37

Mbɛ mɔɛ n‑na a fɔ a ye, an dɔ, “Chisɔsi, an mbe ka ben tena, min ka‑a Nasaɛti duu ɔ.”

DUKU 24:18

An dɔndɔ min tɔ ni Kiyopasi, a ɔ, “Mɔna, i dɔndɔ gbe chɛ, sonda mu i wan na dechee Chuusaɛn, min ma a ɔ sɔn koe miin ben‑da nɔ tee fea chɛ ɔ.”

CHƆN 1:45

Mbɛ Fiipi‑a a ya a kan Natanɛɛ a. Mbɛ a‑a a fɔ a ye, a ɔ, “Mɔɛ min, Mosisi na‑a a wakoe nyɛn, sawa gboo chɛ ɔ, nn‑na a yen. A yɛ to, Yataa 'a gbonka chɛ mɔɛ n bɛɛ, an na‑a fenɛ nyɛn to, a si an ma. A tɔ mu Chisɔsi, min ka‑a Nasaɛti duu ɔ, kai chɛ, Chosɛfi, a 'a denɛ.”

CHƆN 10:37

Ni Fa‑a n sɔ wai miin chɛ koe a, n mbe ee an fan chɛ tena, wo ma dan n na.

CHƆN 11:47

Chɛ ko a, Fayisii chɛ nu, an bɛ Chu n tɛ mɔɛ n na Yataa a, an 'na mansa n na, an‑na Chu kuti wa si kaina dɔndɔ. Mbɛ an dɔ, “Mmɔ ɛ fen ma tena gbɛ? Mmɔ a ɔ yen gbɛ sanche, kamin chɛ ɛ kamaya koe min gbɛɛ a tachɛ tena.

CHƆN 12:17

Tima min na Chisɔsi na‑a Dasayɔsi chee, mbɛ a bɔ‑a kamba chɛ ɔ, a kɔɔ sɔ‑a saya ɔ, mɔ fanka miin ni nɔ, an na‑a an koe chɛ ɔ yian fan, min na‑a ma ka.

CHƆN 15:24

Yataa nii a tɛɛ si‑a an ma, ko yama ma koe a, ni n nii ma koe n ma ni an tɛ ɔ. Kamaya koe chɛ nu, n‑na miin ma, mɔ ɔ mɔ ma miin ma nin bɛ an ya kɔɔɛ. Chɛɛ an ban‑da gbɛ kamaya koe chɛ n gbɛɛ yen‑da, n‑na miin ma. Chɛ gbɛɛ ɔ, an too‑a wan n na, a basan Fa wɛɛ a.

CHƆN 19:19

Mbɛ Kɔfana Padeti‑a a ma, bai kundu nyɛn‑da gbembe kundu ma, min gbangban‑da kɔn gbengbandenɛ chɛ ma. An bai kundu chɛ ɔ, “Chisɔsi an nɛ, min ka‑a Nasaɛti, Chu n 'na mansa.”

CHƆN 3:2

Yɛɛ dɔndɔ ma, kamin chɛ na‑a wan Chisɔsi tena, mbɛ a ɔ, “Kan mɔ, nn‑na a ɔ sɔn, mbɛ i ta tichaya, Yataa an‑na i a na. Mɔ ɔ mɔ ee che kamaya koe chɛ n ma‑a, e miin ma ka, mɔɔ ni Yataa ma‑a an mɔɛ chɛ kɔ.”

CHƆN 4:48

Mbɛ Chisɔsi ɔ a ma, a ɔ, “Wo wan, ni wo ma kamaya koe n dɔ yen ni ma‑a, wo dɔndɔ wɛɛ ee wo kai fa n na.”

CHƆN 5:36

Chɛɛ siiya ɛ wan nɔ n ko a, n faen mu min na, a ben Chɔn ta siiya ma. N mbe koe miin ma, chɛ chɛ wai chɛ nu, Fa Yataa‑a n sɔ miin chɛ koe a, an fan mbe koɔ n ko a. N mbe an chɛ buɛ min dɔ, an fan mbe a ɔ yian, mbɛ Fa an‑na n sɔ.

CHƆN 6:14

Mɔɛ chɛ n‑na kamaya koe chɛ ɔ yen kɛn, Chisɔsi‑a min ma, mbɛ an dɔ, “Tea ko a, kamin chɛ, Yataa 'a gbonka chɛ mɔɛ chɛ an nɛ. Mosisi na‑a chɛ an na koe kɔɔ fɔ dunya ɔ.”

CHƆN 6:27

Chɛɛ wo ma butuinɛ chɛ daun fenɛ ko a, min mbe yɔn. Wo e min ma, wo butuinɛ chɛ daun fenɛ ko a, min mbe mɛ, min mu kuɔ fɔ fɔɛ a. Daun fen chɛ mu, n fan, Mɔ Gbu 'a Denɛ, n mbe a be‑a wo ma. Koe min na mu, Fa Yataa‑a a ɔ yian, mbɛ a boo ɛ wan n kɔɔ.”

CHƆN 7:31

Chɛɛ mɔ fanka chɛ nu, an sɛsɛ na‑a an kai fa wan a a. Mbɛ an dɔ, “Kunka mansa chɛ gbu, a ɛ na‑a tima min na, kamaya koe ee to nɔ, a ɛ min ma‑a, a ni ben kamin chɛ ma.”

CHƆN 9:33

Ni kamin chɛ nii ma ka ni Yataa tena wan, a nii kun‑da a ni n ya chɛ a ka.”

CHISƆSI 'A SƆ MƆƐ NU 13:16

Mbɛ Pɔɔ‑a a kɔɔ sɔ, a‑a a boo a sɛ an too ma sɔ koe a, mbɛ a bun‑da koɔ‑a. A ɔ, “N bɔ Isɔɛɛ mɔɛ nu, wo wo too ma sɔ, wo wɛn bɛɛ ma Chu mɔ a, wo wo too ma sɔ n ma.

CHISƆSI 'A SƆ MƆƐ NU 14:27

An sin, an che‑a kɛn Andiɔki duu ɔ, an‑na chɔchi mɔɛ chɛ n gbɛɛ a kan fan kaina dɔndɔ, mbɛ an si‑a ko ɔ ko ma, an‑na a ɔ yian, Yataa‑a miin chɛ an ye. A yɛ to, Yataa‑a chia sa buɛ min dɔ mɔɛ chɛ n ko a, miin ma Chu mɔ a, an kai fa koe a Chisɔsi a.

CHISƆSI 'A SƆ MƆƐ NU 2:19

N mbe kamaya koe n ma‑a wan banda a, mbɛ n‑na tɔmɔsi n yian dunya ma. Wo e wii yen‑da wan, ni ta, a basan sisi sɛmbɛndenɛ a.

CHISƆSI 'A SƆ MƆƐ NU 2:43

Yataa ni wan a ma‑a, Chisɔsi 'a sɔ mɔɛ n mbe kamaya koe sɛsɛ ma, a yɛ to, an ni tɔmɔsi sɛsɛ yian fan. Chɛ‑a a ma wan, mɔ ɔ mɔ da a fa‑a gban, an bakoe a.

CHISƆSI 'A SƆ MƆƐ NU 21:28

An‑na yee tɛ wan, an dɔ te, “Nn bɔ Isɔɛɛ mɔɛ nu, wo na, wo ni basan nn ma. Kamin chɛ, an mbe ben tena bai yama sa‑a, a si mmɔ 'a mɔɛ n ma. An mbe a fɔ tena to mɔ ɔ mɔ ye, mbɛ an ma ma sawa chɛ n kɔɔ, Yataa‑a sawa miin be Mosisi ma. Ɛ bai yama n dechee an sa, a si mmɔ 'a Yataa 'a kata chɛ wɛɛ ma. A yɛ to, a‑a Yataa 'a kata chɛ tana yɔn, don koe a nɛ mɔɛ n na, miin ma Chu mɔ n na.”

CHISƆSI 'A SƆ MƆƐ NU 22:8

“Mbɛ n‑na a fɔ, n dɔ te, ‘Nyɔn mu chɛ a?’ “Mbɛ a ɔ te n ma, ‘N fan mu, n fan Chisɔsi, min ka‑a Nasaɛti duu ɔ, e ko ma gbaaenɛ sa tena ka min ma.’

CHISƆSI 'A SƆ MƆƐ NU 24:5

Koe min na mu, nn‑na a ɔ yen gbɛ, mbɛ kamin chɛ mu mɔ gbu yama yama an na. A wan mbe gbunɛ a bea kan kɔ kan, Chu mɔɛ n mbe kaina min kan kɔ kan dunya ma. A yɛ to, a wan mu ya ɔ sɔɛ a dɔbɛn chɛ ko a, an mbe min chee, an dɔ, Nasaɛti mɔɛ n 'na dɔbɛnɛ.

CHISƆSI 'A SƆ MƆƐ NU 26:26

Koe min na mu, Mansa Akipa‑a koe chɛ n gbɛɛ ɔ sɔn fan. A sin fan tena mu, n mbe koɔ tena ka, ko ɔ ko boo ee n na. Koe min na mu, n yiima a koen fan mu, mbɛ a chen kɔɔ mu, koe chɛ n gbɛɛ ma‑a. Koe min na mu, an nii ma chɛ ni a ɔ nun dɔ.

CHISƆSI 'A SƆ MƆƐ NU 26:9

“N fandi gbu wɛɛ, n ni n yii na chii wan, ko kan kɔ kan ma koe a, min ni a ma, Chisɔsi tɔɛ ni fa, Nasaɛti mɔɛ chɛ.

CHISƆSI 'A SƆ MƆƐ NU 3:12

Pita‑a mɔɛ chɛ n yen kɛn an na tindanɛ, a‑a a fɔ an ye, a ɔ, “N bɔ Isɔɛɛ mɔɛ nu, kamin chɛ baun koe ma wo kɔndɔ fii. Wo ma nn ma fɛn ya dɔ mende a. A ma ma wo yii ma, mbɛ nn 'na gbasaya ɔ mu, nn‑na chɛ ma. An ma a fɔ ni, nn mbe a ma wan, Yataa faa ni chima kaka, min‑na a ma, nn‑na a ma kamin chɛ‑a tachɛ chɛ.

CHISƆSI 'A SƆ MƆƐ NU 3:6

Chɛɛ Pita ɔ, “Kɔpɔ kan kɔ kan mbe ee n boo ɔ, a be koe i ma. Chɛɛ fenɛ min nɛnɛ ɛ n boo ɔ, n mbe a be‑a wan i ma. Chisɔsi Chasi min ka‑a Nasaɛti duu ɔ, a 'a gbasaya ɔ mu, n mbe a fɔ tena i ye, mbɛ i ni i kɔɔ sɔ, i ni tachɛ chɛ.”

CHISƆSI 'A SƆ MƆƐ NU 4:10

Nn mbe a ɔ yian‑da wan gbɛ wo a, a basan mɔɛ tɔɛ n gbɛɛ a Isɔɛɛ chɛnyɛ ɔ, kamin chɛ ɛ sɔ ɔ nɛ, mɔɛ min 'na gbasaya ɔ. Nasaɛti duu ɔ mɔɛ chɛ mu, Chisɔsi Chasi, wo‑a min gbangban kɔn gbengbandenɛ ma, mbɛ a fa‑a. Chɛɛ Yataa‑a Chisɔsi kɔɔ sɔ wan, a ka saya ɔ. An Chisɔsi Chasi chɛ 'a gbasaya ɔ mu kamin chɛ, wo e ka min yen tena, a‑a bauncha ma sɔn.

CHISƆSI 'A SƆ MƆƐ NU 5:35

Mbɛ a bɔɛ nu kuti wa chɛ ɔ, a‑a a fɔ an ye, a ɔ, “N bɔ Isɔɛɛ mɔɛ nu, wo wo kun ma fɛn koe chɛ n na, wo toen mu ka, wo ni min ma mɔɛ chɛ n na.

CHISƆSI 'A SƆ MƆƐ NU 6:14

Nn‑na a a min fan to, a‑a a fɔ, mbɛ Chisɔsi chɛ, min ka‑a Nasaɛti duu ɔ, ɛ Yataa 'a kata chɛ te‑a wan. A yɛ to, a ɔ, ɛ mmɔ 'a manda n gbɛɛ, Mosisi‑a miin be mmɔ ma, ɛ an ka‑a wan chia ma.”

GBOO FEAN BƆƐ KƆYINDI KO A 12:12

Yataa‑a a ma wan, n‑na kamaya ko wa sɛsɛ ma, a ɔ yian koe a wo a, mbɛ Chisɔsi 'a sɔ mɔɛ mu n na. N na‑a an ma wan, faabia wa ɔ.

GBOO IBU MƆƐ N KO A 2:4

Yataa wandi wɛɛ, a na‑a a ɔ yian fan, mbɛ tea mu sakana bai chɛ a. A na‑a chɛ ma kamaya koe sɛsɛ n fan dɔ. A yɛ to, a ni a ma wan to, a Nyina ni mɔɛ n dua chia sɛsɛ n na. Ni Yataa wandi toen ni chɛ ni ma, tima ɔ tima ko a, a ni ma wan.