CHISƆSI 'A SƆ MƆƐ NU 2:20 - Yataa 'a Dɔbɛnɛ Nama

²⁰ Tee ɛ mun‑da wan pimbi a, mbɛ kau wɛɛ yawa‑a, yɔ wii, tee chɛ e na che, Mansa Yataa na tee. Tee wa chɛ, ko chenama n dɔ yen tee chɛ.

CHISƆSI 'A SƆ MƆƐ NU 2:20 ပူးပေါင်းရင်းမြစ်များ

MATIU 24:29

“Ko yawaen tee chɛ n mbe ben‑da dechee, mbɛ tee ee na‑a man‑da, mbɛ kau wɛɛ ɛ pimbi‑a wan. Tɔmbuaka n mbe bea‑a wan a ka banda a. Fen kɔ fen min mbe banda a, Yataa ɛ a ɔ samba‑a wan a ka a gba ɔ.

MATIU 27:45

Chɛ gbakɔ, tee che‑a kɛn kun tɛ, pimbi bun‑da wan chɛnyɛ gbɛɛ ɔ, aan awa sawa ko a.

MAKI 13:24

Chisɔsi ɔ, “Chɛɛ ni ko yawaen tee chɛ n ben‑da, tee ee na‑a man‑da, mbɛ kau wɛɛ pimbi‑a.

DUKU 21:25

Chisɔsi ɔ, “Da fii koe n mbe bun‑da wan ma‑a kau a, ni tee, a basan tɔmbuaka n na. Faayɔn ba basan kɔndɔfii wa a, an mbe ma‑a wan chɛnyɛ n dɔ, dunya ma. Chianɛ ɛ ma‑a wan mɔɛ n dɔ, a si yii wa n tu kuiɛ ma, a basan an fonfo yii kuiɛ a.

CHISƆSI 'A SƆ MƆƐ NU 2:19

N mbe kamaya koe n ma‑a wan banda a, mbɛ n‑na tɔmɔsi n yian dunya ma. Wo e wii yen‑da wan, ni ta, a basan sisi sɛmbɛndenɛ a.

CHISƆSI 'A SƆ MƆƐ NU 2:21

A sin tima chɛ a, mɔ ɔ mɔ, i wɛn mbe Mansa Yataa chee‑a, basan koe a i ma, e bauncha ma sɔn‑da wan.” ’ ”

GBOO SAA KƆYINDI KO A 5:5

Wo an mɔ bonda ya, wo ni a be Sitana ma, a ni tɔɔya. Chɛ ɛ a ma‑a wan, mbɛ a wandi‑a bauncha ma sɔn, mmɔ 'a mansa Chisɔsi ɛ na‑a to tima min na.

Gboo Saa Tɛsadonika Ko A 5:2

Koe min na mu, wo wandi gbu‑a a ɔ sɔn fan chɛndɛ chɛ, mbɛ mmɔ 'a mansa na tima ɛ che tena wan. Ɛ ma‑a wan, yɔ kanka ɛ mɔɛ tɛnɛ buɛ min dɔ pimbi ɔ.

2 PITA 3:10

Chɛɛ Mansa Chisɔsi na tima, ɛ ma‑a wan tɛnɛ koe a, yɔ kanka ɛ na buɛ min dɔ. A tee chɛ ma, kuiɛ mau mau ɛ ka‑a wan banda a, mbɛ banda ee ma‑a to dunya ɔ. Ta ɛ tɛ‑a wan fen kɔ fen dɔ min mbe banda a, mbɛ an kasaa‑a. A sin duu gboo wɛɛ, ni fen kɔ fen min mbe a ma, an gbɛɛ ee ma‑a to dunya ɔ.

2 PITA 3:7

Chɛɛ mmɔ ta duu gboo chɛ wɛɛ, a fea banda chɛ a, Yataa da a bai dɔndɔ gbe chɛ an‑na a ma an mbe nɔ. A wan Yataa dɔndɔ gbe chɛ, ɛ an kun ma fɛn tena, min mbe a ma, ta ni danka an kasaa‑a. An mbe nɔ tee chɛ an ma kɔn koe a, Yataa sɔn bai chɛ nu, kaa a ɛ tɛ‑a an ma tee min na, an ni kasaa.

KO Ɔ NUNDENƐ 16:8

Maeka naanin bɔɛ‑a a ta pani ɔ wuyan tee an kun na. A sin, gbasaya be‑a wan a ma, mɔɛ n minda koe a, a ta manɛ a.

KO Ɔ NUNDENƐ 6:12

Sa tɔngbɔɛ chɛ‑a yuu wɔdɔn bɔɛ tɛ kɛn, n‑na n ya a ta, mbɛ a yen ko, duu gboo samba‑a. A sin to, tee wɛɛ fin‑da wan yɔ chɛmbu, mbɛ kau yawa‑a yɔ wii.