CHISƆSI 'A SƆ MƆƐ NU 2:18 - Yataa 'a Dɔbɛnɛ Nama

¹⁸ Tea gbu a, ni dunya ma‑a ban‑da tima min na, n mbe a ma‑a wan, n Nyina ni bea n 'na yɔnɛ n bɛɛ fɛ, a kaima n bɛ a musuma n na, an sin mbe n 'na sakana bai chɛndɛ chɛ ɔ yian‑da wan mɔɛ n na.

CHISƆSI 'A SƆ MƆƐ NU 2:18 ပူးပေါင်းရင်းမြစ်များ

DUKU 12:45

Chɛɛ ni wai chɛ mɔɛ chɛ‑a a fɔ, a ɔ, mbɛ kun ti chɛ ee fua tena yɛ‑a, mbɛ a bun‑da a bɔɛ n gbasi‑a, kai nu a basan musu n na. Ɛ ma‑a gbɛ daun chɛ an na, ni gbɛ min ba a, min mbe a bia‑a a ɔ bendenɛ a.

CHISƆSI 'A SƆ MƆƐ NU 2:17

‘Yataa ɔ te, “N mbe koe chɛ an ma‑a, tee dankama chɛ n kɔɔ, dunya e na to ban‑da.” A ɔ, “N mbe a ma‑a wan n Nyina ni bea mɔ ɔ mɔ fɛ. Chɛ ɛ a ma‑a wan wo 'a denɛ kaima nu, an bɛ a musuma n na, an ni n 'na sakana bai chɛndɛ chɛ ɔ yian mɔɛ n na. Wo 'a kamin tɔngbɔɛ n mbe kamaya koe n dɔ yen‑da wan, wo 'a chenan kai n bɛɛ, an mbe cho‑a wan cho n na.

CHISƆSI 'A SƆ MƆƐ NU 2:19

N mbe kamaya koe n ma‑a wan banda a, mbɛ n‑na tɔmɔsi n yian dunya ma. Wo e wii yen‑da wan, ni ta, a basan sisi sɛmbɛndenɛ a.

CHISƆSI 'A SƆ MƆƐ NU 21:10

Nn ni ka nɔ tee kuunɛ min ko a, Yataa 'a gbonka chɛ mɔ dɔndɔ, min tɔ ni Akabɔsi, a yii‑a wan, a ka Chudia chɛnyɛ ɔ.

Gboo Kadesia Ko A 3:28

Wo gbɛɛ, wo bɛ Chisɔsi Chasi a, wo ma‑a gbɛ mɔ dɔndɔɛ a. Tɛ bɔ kan kɔ kan mbe ee to Chu mɔɛ n ma, an bɛ mɔɛ n na, miin ma Chu mɔɛ n na. Tɛ bɔ ee chɛ n ma miin mu yɔnɛ n na, an bɛ chɛ n na, miin mbe an fandi ko a. Tɛ bɔ ee mɔ kaima an ma, an bɛ musu n na. Mɔ tɛ bɔ ee to nɔ.

Gboo Kɔdɔsai Ko A 3:11

Chɛ an fɛ mu, sɔn nama chɛ ɔ, tɛ bɔ kan kɔ kan mbe ee Chu mɔɛ n ma, an bɛ mɔɛ n na, miin ma Chu mɔɛ n na. Tɛ bɔ ee chɛ n ma miin na kaminchaen mu, an bɛ chɛ n na, miin na ma kamincha ni. Tɛ bɔ ee chɛ n bɛɛ ma, miin ka‑a chɛnyɛ dɔ mende n dɔ, a ee yɔnɛ n ma, a ee fia ɔ mɔɛ n ma, an bɛ mɔɛ n na, miin mu mansaenɛ a. Chɛɛ Chasi an mu koe a, a sin mbe wan gbɛ wo gbɛɛ 'a fɔɛ ɔ.