Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




CHISƆSI 'A SƆ MƆƐ NU 2:17 - Yataa 'a Dɔbɛnɛ Nama

17 ‘Yataa ɔ te, “N mbe koe chɛ an ma‑a, tee dankama chɛ n kɔɔ, dunya e na to ban‑da.” A ɔ, “N mbe a ma‑a wan n Nyina ni bea mɔ ɔ mɔ fɛ. Chɛ ɛ a ma‑a wan wo 'a denɛ kaima nu, an bɛ a musuma n na, an ni n 'na sakana bai chɛndɛ chɛ ɔ yian mɔɛ n na. Wo 'a kamin tɔngbɔɛ n mbe kamaya koe n dɔ yen‑da wan, wo 'a chenan kai n bɛɛ, an mbe cho‑a wan cho n na.

အခန်းကိုကြည့်ပါ။ ကော်ပီ




CHISƆSI 'A SƆ MƆƐ NU 2:17
38 ပူးပေါင်းရင်းမြစ်များ  

A ɔ, a sin, a tima chɛ a, mɔ ɔ mɔ‑a a ɔ yen‑da wan, Yataa ɛ mɔɛ n baun buɛ min dɔ.”


Koe min na mu, i‑a gbasaya be n ma, mɔ gbu n gbɛɛ kun ma dunya ɔ. Gbasaya min mbe a ma, n ni a ma, chɛ n gbɛɛ ni kuɔ fɔ fɔɛ ma sɔn, i‑a miin be n ma, ma koe a n fɛ.


Chisɔsi na‑a chɛ fɔ, a yii ni Yataa Nyina chɛ an ma, min mbe ma‑a mɔɛ n fɛ, miin kai faenɛ ɛ ma‑a a a. Chɛɛ a tima chɛ a, Yataa Nyina chɛ nii ma yii nin bɛ, a ni ma an mɔɛ chɛ n fɛ. Koe min na mu, Chisɔsi kɔɔ ni ma sɔ nin bɛ, a ka saya ɔ, a ni sɛ manɛ ɔ.


Pita n bɛ na‑a wan Chɔpa duu ɔ, an bɛ Chu mɔɛ n na, miin na‑a an kai fa Chisɔsi a. An da ɔ gbaa‑a wan, koe chɛ ɔ yen koe a. Mbɛ Yataa ɛ kun fan, a ni a ma, a Nyina ni ma mɔɛ chɛ n bɛɛ fɛ, miin ma Chu mɔ a.


A tima chɛ a ni gbɛ, Yataa 'a gbonka chɛ mɔɛ dɔ n yii‑a, a ka Chuusaɛn duu ɔ, mbɛ an na‑a Andiɔki.


An tɛ ɔ, mɔ dɔndɔ ni wan nɔ, min tɔ ni Akabɔsi. Yataa Nyina‑a a ma wan, Akabɔsi chɛ sin, a‑a kɔnkɔ wa na koe kɔɔ fɔ wan dunya ɔ. An kɔnkɔɛ chɛ sin na‑a Mansa Kaudiyɔsi 'a tima an na, Domi chɛnyɛ ɔ.


Chɛɛ koe min ma‑a ka, Yataa 'a gbonka chɛ mɔɛ Chowɛ‑a bai sa wan tee, a si an ma, Yataa 'a gboo ɔ, a ɔ,


Tea gbu a, ni dunya ma‑a ban‑da tima min na, n mbe a ma‑a wan, n Nyina ni bea n 'na yɔnɛ n bɛɛ fɛ, a kaima n bɛ a musuma n na, an sin mbe n 'na sakana bai chɛndɛ chɛ ɔ yian‑da wan mɔɛ n na.


Yataa‑a Chisɔsi a sɔ, a sɛ banda bu ɔ. Mbɛ Yataa‑a a ma, Chisɔsi ɛ si ɔ kaina ma bɛndenɛ, Yataa boo nyima ɔ. A fa Yataa‑a a Nyina be wan Chisɔsi ma, a na‑a a too ɔ dia tee min be koe a. A sin, Chisɔsi wandi‑a a ma wan, Yataa Nyina bea‑a nn fɛ. Wo e ka gbɛ an dɔ yen tena, wo e a a min tena.


Den musuma naanin fan ni a boo ɔ, miin nii wɛ kai boo ɔ. An ni Yataa 'a gbonka chɛ mɔɛ n fan na.


Yiinatɛ chɛ mmɔ ɔ, a ee ma fania a, koe min na mu, Yataa 'a koadia koo mmɔ faa an dɔ. Yataa Nyina, min mbe mmɔ fɛ, Yataa wandi‑a min be mmɔ ma, an‑na koadia chɛ chɛ mmɔ ɔ.


A Nyina dɔndɔ gbe chɛ, an mbe gbasaya be mɔɛ dɔndɔɛ ma, kamaya koe n ma koe a. Mbɛ a‑a a be to dɔndɔɛ sin ma, Yataa bai sa koe a. Mbɛ a yɛ‑a to, gbasaya min mbe a ma, mɔɛ ni nyina n tɛ bɔɛ sɔn, a‑a a be dɔndɔɛ wɛɛ ma. Kamaya bai n fɔ koe wɛɛ to, miin dɔ ee gbɛ ka dechee, ɛ a be wan mɔɛ dɔndɔɛ ma. Mbɛ a yɛ‑a, an kamaya bai chɛ n fasai koe, a‑a a gbasaya sin be mɔɛ dɔndɔɛ nan ma.


Yataa‑a sɔ tena koe ɔ bɛn fan, Chisianɛ n tɛ chɔchi ɔ. A saa ma‑a min na, a‑a a boo sɔ wan Chasi 'a sɔ mɔɛ n ma. A fean bɔɛ mu, a wan Yataa 'a gbonka chɛ mɔɛ n fan na. A sawan bɔɛ mu, mɔɛ n kan mɔɛ n fan na. Chɛ gbakɔ, mɔɛ miin mbe kamaya koe n ma, ni chɛ nu gbasaya be‑a miin ma, mɔɛ n danda koe a, deman koe a an ma, an sɔ koe wɛɛ a chia chɛndɛ ma, a basan kamaya bai n fɔ koe a, miin dɔ ee gbɛ ka dechee.


Chɛɛ mmɔ ɛ ka tee dankama nɛnɛ chɛ miin kɔɔ, dunya e na to ban‑da, a koɔ‑a gbɛ mmɔ tena a 'a denɛ an dɔ. A‑a an yian, ma koe a fen kɔ fen kun ma dunya ɔ. A sin gbu ni dunya gbɛɛ a dan tena tima min na, a na‑a a ma a 'a den chɛ an na gbasaya ɔ.


Wo‑a sanu miin na sɔn ka, ni kain gbɛ nu, an mbe ee ma‑a fen fen na. Wo 'a nyan chɛ, wo na‑a wo fa min na, an mbe wo gboo kasaa‑a ta ɔ. Wo‑a an sa tena ɔ bɛn ka wo wandi ko a, tee chɛ ma kɔnɛ a, kaa a tɛ tee chɛ.


Koe saa saa gbu, a nyin wo ni min dɔ sɔn an nɛ. Mbɛ tee dankama nɛnɛ chɛ n kɔɔ, Chisɔsi Chasi e na to na‑a, mɔɛ n mbe na‑a wan wo tɛ ɔ, miin mu yɔnɛ n na. An mu yɔnɛ n na, an 'na fɔɛ ɔ, an faa ma koe yama n boo ɔ. An mbe wo ma yɛn‑da wan.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ