CHISƆSI 'A SƆ MƆƐ NU 19:9 - Yataa 'a Dɔbɛnɛ Nama

⁹ Chɛɛ dɔ n too ɔ ni gbɛ wan, min‑na a ma, an nii ma dɔn ni dan koe a Pɔɔ a. A sin, mɔɛ n gbɛɛ ya kɔɔ ni, an ni bai yama n sa, a si chia ma, Mansa Chisɔsi‑a min yian mɔ gbu a, a sɔ koe a a fɛ. Mbɛ Pɔɔ sɛmbɛ‑a koɔ koe a an tena, a ka‑a an fɛ. Mbɛ a‑a Chisɔsi fɛ mɔɛ chɛ n bɔ an ya a, an ta‑a a a. A sin ni koe n tɛnsɛ wan, tee ɔ tee a, an bɛ an na, chen ba dɔ mende a, min ni Tayanɔsi ta a, kanɛ ni chɛ kaina min.

CHISƆSI 'A SƆ MƆƐ NU 19:9 ပူးပေါင်းရင်းမြစ်များ

MATIU 15:14

Wo faa ma gbaa Fayisii mɔɛ chɛ n ko a. An maen fan mu yɔ ya te tɔɛ nu, miin toen mu an ni chia yian an bɔ ya te tɔɛ n na. Ni ya te tɔɛ‑a chia yian ya te tɔɛ a, an fea gbɛɛ ɛ bea wan sonɛ ɔ chia kuu a.”

MATIU 16:4

Wo mɔ bonda chɛ sima nu, wo yau yama yama, wo sin mbe ee dan ko a. Chɛ an fɛ mu, wo e n dɔ tisa tena kamaya koe ma koe a. Chɛɛ wo ee tɔmɔsi dɔndɔ wɛɛ ma sɔn‑da, mɔɔ dechee Yataa‑a tɔmɔsi min na ben a 'a gbonka chɛ mɔɛ Chona a, a 'a mɔɛ n tena.” Mbɛ Chisɔsi‑a an to, mbɛ a ta‑a.

MATIU 26:55

Mbɛ Chisɔsi ɔ mɔ fanka chɛ ma, miin na‑a ka a bia‑a, a ɔ, “Wo nii wo wandi tɔɔ na koe a, chɛɛ chɛ mɛ n na wo boo ɔ, a basan kɔn ma tɛenɛ a, n bia koe a. Kanka ma chianden ma n na. Mmɔ‑a tee sɛsɛ wa chɛ gbɛɛ ban, Yataa 'a kata chɛ ɔ, n mbe kan chɛ‑a, wo ma n bia ni.

CHƆN 12:40

“N‑na an ya n na pimbi, an ma na kaina yen. N‑na an yiima n bɛɛ a fa fa‑a, an ma na koe n dɔ gbɛ chɛndɛ chɛ. N‑na chɛ ma, min mbe a ma, an ma na an ya a mun n ma, an ni bauncha ma sɔn.”

CHISƆSI 'A SƆ MƆƐ NU 11:26

A‑a a yen kɛn, a‑a a ma wan, mbɛ an fea yɛ‑a a a Andiɔki duu ɔ. An ni bɛn fan, an bɛ chɔchi mɔɛ chɛ n na, an mbe ta‑a an sɛsɛ kan‑da. An ni wan nɔ san dɔndɔ ko a. Andiɔki ni, tɔɛ chɛ si‑a an kun ma, an dɔ, Chisianɛ nu, an fɛn kai faen ni Chisɔsi a.

CHISƆSI 'A SƆ MƆƐ NU 14:4

Chɛɛ mɔɛ miin gbɛɛ ni an duu chɛ ɔ, an duen fan ni fea a. Dɔ n sɔ‑a wan Chu mɔɛ chɛ n kɔ, mbɛ dɔ n sin sɔ‑a Chisɔsi 'a sɔ mɔɛ chɛ n kɔ.

CHISƆSI 'A SƆ MƆƐ NU 17:4

A sin, an dɔ n dan‑da wan a a, min‑na a ma, an bea‑a Pɔɔ fɛ, an fea Sidasi a. Kiisi mɔɛ n sɛsɛ wɛɛ, miin ni kooya be Yataa ma, an bɛɛ‑a a ma ka wan, an bɛ musu gbakoo sɛsɛ a.

CHISƆSI 'A SƆ MƆƐ NU 19:23

A tima chɛ a, gbunɛ min‑na a kuu sɔ Ɛfisɔsi, a nii ma dɔ, a si mɔɛ n ma, Chisɔsi fɛ chia a.

CHISƆSI 'A SƆ MƆƐ NU 19:30

Pɔɔ wandi gbu toen fan ni don koe a, an kaina chɛ, fanka chɛ ni ka kaina min. Chɛɛ Chisɔsi fɛ mɔɛ chɛ nu, an nii ma dɔn ni, a ni don nɔ.

CHISƆSI 'A SƆ MƆƐ NU 20:31

Chɛ an fɛ mu, wo wo wandi kun ma fɛn, mɔ bonda chɛ n boo ɔ. Wo wo yii na chii, mbɛ su ɔ tee a, n ni wo a si wan. N‑na chɛ ma wan san sawa ko a, di a n ya a.

CHISƆSI 'A SƆ MƆƐ NU 22:4

N‑na mɔnɛ sɛsɛ sa wan mɔɛ chɛ n ma, miin na‑a a sɔ chia chɛ fɛ, Chisɔsi‑a chia min yian, a sɔ koe a a fɛ. N‑na a ma wan, an‑na saya ma sɔn. N‑na an bia wan, kai nu, an bɛ musu n na, n‑na an sa pimbi chenɛ a.

CHISƆSI 'A SƆ MƆƐ NU 24:21

min kaen mu ko dɔndɔ gbe chɛ ma. Koe chɛ, n‑na yee tɛ min na, n ni sɔ ɔ an tɛ tima min na. N dɔ, ‘Wo e n dɔ tisa dechee, a si mɔɛ kɔɔ sɔ koe chɛ an ma, a ka saya ɔ. N danden mu an na, wo sin na‑a nɛ n na, kuti chɛ ɔ an ko a.’ ”

CHISƆSI 'A SƆ MƆƐ NU 28:22

Chɛɛ chɛ gbɛɛ ɔ, nn toen mu, nn ni i wandi kanɛ ɔ kuiɛ a min, nn ni i ta yiima sɔn. Koe min na mu, koe min sien mu Chisian dɔbɛn chɛ ma, nn‑na a ɔ sɔn fan, mbɛ kan kɔ kan, mɔɛ n mbe a ma nyin fan.”

CHISƆSI 'A SƆ MƆƐ NU 7:51

Mbɛ Sitibin n dɔ te gbɛ, a ɔ, “Wo too ɔ gbɛ kaka. Wo faa n dɔ ɛ wan dechee yɔ mɔɛ chɛ nu, miin ban‑da Yataa ɔ. Wo too gbee‑a, Yataa bai a min koe a. Wo e wan dechee yɔ wo bemba n ta bemba nu. Wo ee dɔn tima ɔ tima ko a, wo too ma sɔ koe a Yataa Nyina ma.

CHISƆSI 'A SƆ MƆƐ NU 9:2

mbɛ a‑a a ɔ tisa, gboo be koe a a ma. Gboo nyɛndenɛ chɛ, ɛ kun fan a ni a wakoe ɔ yian, ya ɔ sɔɛ chɛ n na, Chu n 'na samun chɛ chenɛ n na, Damasikɔsi duu ɔ. A na‑a chɛ ma koe min na, a toen ni, ni a‑a mɔ ɔ mɔ tan, min‑na a sɔ chia chɛ fɛ, Chisɔsi‑a min yian ka a sɔ koe a a fɛ, a ni a bia. A ni ma mɔ kaima a, chɛ ma, musu wɛɛ, a ni na a a Chuusaɛn duu bu ɔ.

GBOO DOMI KO A 11:7

Fen mu to? Isɔɛɛ mɔɛ n gbɛɛ ma fen chɛ yen ni, an ni min yan tena, mɔɔ dechee mɔ kuunden chɛ nu, Yataa na‑a miin ya a ta mɔɛ n na, an fan na‑a a yen. Yataa na‑a a ma wan, mɔɛ tɔɛ chɛ n‑na an boo don an too n dɔ, kɛn a ni an chee tena tima min na.

GBOO DOMI KO A 9:18

Chɛ an‑na a fɔ, Yataa ɛ chinchin fan mɔ ɔ mɔ ma, a toen mu a ni chinchin min ma. A sin to, ni a toen mu a ni a ma mɔ ɔ mɔ too ɔ ni gbɛa, ɛ a ma wan.

GBOO SAA KƆYINDI KO A 16:9

Tima an nɛ n ko a nɛ, Chisian wai kɔkoo tima min na. Wai n fan nɛ, miin nyin an chɛ koe a, n chɛɛ ma nyɔɛ n kɔkoo wɛɛ ka boo ɔ boo.

1 TIMOTI 6:5

An sin mbe ma an nyɔn dɔ sawan sawanɛ an na su ɔ tee a, mɔɛ miin yiima a ma ko ni, a sin tea sima wɛɛ ee a ɔ. Ɛ wan an yii ma, mbɛ Yataa koe ee ta nyanɛ gbaa.

2 TIMOTI 1:15

I‑a a ɔ sɔn fan mbɛ an gbɛɛ, an fɛn mbe Esia chɛnyɛ ɔ, an ka‑a n fɛ, an bɛ Fichɛdɔsi a, ni Amɔchɛnesi.

2 TIMOTI 3:5

An 'na Yataa koe ɛ an da ɔ wan, chɛɛ a ee an faa ɔ. Ka a mɔ bonda chɛ n bai ma.

2 TIMOTI 4:2

Sakana bai chɛ ɔ yian mɔɛ n na, tee kɔɔ sona kɔɔ, i ma bɛn a ɔ yian koe a. Mɔɛ n yiima mun, an‑na ko yama fɔ an ye, mbɛ i‑a an faa ma nande, e ta‑a i faa bia‑a an na, ni i ma‑a an kan‑da.

GBOO IBU MƆƐ N KO A 3:13

Chɛɛ wo wo nyɔn faa ma nande, tee ɔ tee ko a. Wo chɛ ma bi, tima min na wɛ Yataa ma sɛmbɛ ni deman koe a wo ma. Chɛ ni a ma, ko yama ma na chenɛ sɔ wo kɔɔ, a ni wo bun, wo ni too ɔ gbɛa bɔ Yataa a.

2 PITA 2:12

Chɛɛ fania kan chɛ mɔɛ chɛ nu, koe min mbe na an yii ma, an mbe an ma. An maen mu yɔ fia ɔ soe nu, an bia koe a, mbɛ an fa‑a. An mbe mankan fan ko ɔ ko manyin koe a, ni an ma min dɔ gbɛ ni. An mbe kasaa‑a wan, yɔ fia ɔ soe nu.

2 PITA 2:2

Chɛɛ chɛ gbɛɛ ɔ, mɔ sɛsɛ n mbe bea‑a wan an fɛ, an mbe ma‑a an 'na fɔɛ yama chɛ ɔ. An sɔn chɛ sin fan mbe a ma, mɔɛ n mbe bai yama sa chɛ n ma, miin mbe sɔ ɔ Yataa 'a tea chia ma.

CHUDA 1:10

Chɛɛ mɔɛ chɛ n tana, ni an ma koe min dɔ gbɛ ni, ma yɛn ma koe mu an tena, an sin mbe bai yama an sa a si a ma. An mbe wan dechee yɔ soe nu, koe min na mu, koe min mbe puin an yii ma, an mbe an ma. Koe n fan nɛ, miin mbe na kasaa a, an kun ma.