CHISƆSI 'A SƆ MƆƐ NU 19:32 - Yataa 'a Dɔbɛnɛ Nama

³² Mɔɛ chɛ nu an bɛn chɛ ɔ, mɔ ɔ mɔ too nii a bɔɛ da a kuiɛ ma. Mɔɛ dɔ n ni wan bai fɔ‑a ka, dɔ n sin mbe ta‑a bai dɔ gbɛɛ fɔ‑a. An gbu nii ma a ɔ sɔn, fen na‑a a ma, an mbe an bɛn chɛ ɔ.

CHISƆSI 'A SƆ MƆƐ NU 19:32 ပူးပေါင်းရင်းမြစ်များ

CHISƆSI 'A SƆ MƆƐ NU 19:29

Mbɛ mɔɛ n sɔnkɔ sɔnkɔ chɛ kuiɛ‑a duu wa gbu ɔ bɔ, a si an koe chɛ ma. Mbɛ an gbɛɛ‑a bui sa a a, mɔɛ n gbɛɛ bɛn tena chɛ duu chɛ ɔ. An‑na Kayɔsi bia wan, an ta‑a a a an boo ɔ, an fea Ayisitakɔsi a. Kayɔsi chɛ, an fea Ayisitakɔsi a, Masidonia chɛnyɛ mɔɛ n ni an na, miin bɛ na‑a na Pɔɔ a.

CHISƆSI 'A SƆ MƆƐ NU 19:31

Mɔɛ dɔ n bɛɛ gbu, miin ni mɔ chenama n na nɔ, an Esia chɛnyɛ ɔ, an‑na sakana a ta wan disa ɔ, Pɔɔ ma na don nɔ. A dia nyɔɛ ni an mɔɛ chɛ n na.

CHISƆSI 'A SƆ MƆƐ NU 19:40

Ni mmɔ ma mmɔ kun ma fɛn ni koe chɛ a, min ma‑a ka bi, Domi gbakoo n mbe kunɛ si‑a wan mmɔ kun ma, gbunɛ a bea koe a. Mmɔ dɔndɔ wɛɛ ee che‑a a fɔ‑a, mbɛ tea ɛ wan mmɔ 'a faatɛ chɛ gbɛɛ ɔ bi.”

CHISƆSI 'A SƆ MƆƐ NU 21:34

Mbɛ mɔɛ dɔ nu fanka chɛ ɔ, an ni bai dɔndɔɛ fɔ wan, dɔ n sin mbe ta‑a bai dɔ mende fɔ‑a. Sɔnkɔ sɔnkɔɛ da a ni koo aan, soya chɛ n kun ti, a nii ma che ni, a ni a ɔ sɔn, ni fen ko gbu na‑a ma. Mbɛ a wɛɛ‑a a fɔ soya chɛ n ye, a ɔ, an ni ta Pɔɔ a an tena, baachi chɛ ɔ.