CHISƆSI 'A SƆ MƆƐ NU 19:29 - Yataa 'a Dɔbɛnɛ Nama

²⁹ Mbɛ mɔɛ n sɔnkɔ sɔnkɔ chɛ kuiɛ‑a duu wa gbu ɔ bɔ, a si an koe chɛ ma. Mbɛ an gbɛɛ‑a bui sa a a, mɔɛ n gbɛɛ bɛn tena chɛ duu chɛ ɔ. An‑na Kayɔsi bia wan, an ta‑a a a an boo ɔ, an fea Ayisitakɔsi a. Kayɔsi chɛ, an fea Ayisitakɔsi a, Masidonia chɛnyɛ mɔɛ n ni an na, miin bɛ na‑a na Pɔɔ a.

CHISƆSI 'A SƆ MƆƐ NU 19:29 ပူးပေါင်းရင်းမြစ်များ

CHISƆSI 'A SƆ MƆƐ NU 16:12

Nn ka‑a nɔ wan, mbɛ nn ta‑a Fiipai duu ɔ. An ni duu chenama wa a, a tɔɛ chɛ n gbɛɛ ma Masidonia chɛnyɛ ɔ. A ni to duu an na, Domi mɔɛ n na‑a min na tɛ. Nn‑na tee sɛsɛ ya wan nɔ.

CHISƆSI 'A SƆ MƆƐ NU 16:9

A yɛɛ chɛ ma, Yataa‑a koe ɔ yian fan Pɔɔ a, yɔ a ni cho an dɔ. A‑a mɔ kaima yen fan, min ka‑a Masidonia chɛnyɛ ɔ, a ɛ sɔ ɔ a disa‑a, a ɔ, “Na nɛ nn tena Masidonia, i ni nn deman.”

CHISƆSI 'A SƆ MƆƐ NU 17:8

Mɔɛ chɛ n gbɛɛ, an bɛ an 'na duu ɔ gbakoo chɛ n na, an faa bɔ‑a wan, bai chɛ a min koe a.

CHISƆSI 'A SƆ MƆƐ NU 19:21

Koe chɛ n gbɛɛ gbakɔ, Pɔɔ‑a a yiima ɔ bɛn fan, Yataa Nyina 'a gbasaya ɔ, ben koe a Masidonia chɛnyɛ ɔ, a basan Akaya a, ta koe a Chuusaɛn duu ɔ. A‑a a fɔ wan, a ɔ, “Ni n ta‑a Chuusaɛn, n mbe che‑a wan Domi bɛɛ.”

CHISƆSI 'A SƆ MƆƐ NU 19:22

Mbɛ a‑a Timoti a ta Masidonia, an fea Ɛyasitɔsi a, mɔ fea miin ni basan a ma. Mbɛ a sin to‑a tima ɛnden ko a, Esia chɛnyɛ chɛ ɔ.

CHISƆSI 'A SƆ MƆƐ NU 19:32

Mɔɛ chɛ nu an bɛn chɛ ɔ, mɔ ɔ mɔ too nii a bɔɛ da a kuiɛ ma. Mɔɛ dɔ n ni wan bai fɔ‑a ka, dɔ n sin mbe ta‑a bai dɔ gbɛɛ fɔ‑a. An gbu nii ma a ɔ sɔn, fen na‑a a ma, an mbe an bɛn chɛ ɔ.

CHISƆSI 'A SƆ MƆƐ NU 20:34

Wo wandi gbu‑a a ɔ sɔn fan, mbɛ n fandi gbu 'a taa sende, n mbe an daun, nn bɛ chɛ n na, miin mbe n fɛ.

CHISƆSI 'A SƆ MƆƐ NU 20:4

Kai Piyɔsi 'a den kaienɛ Sopata, min ka‑a Bɛyia duu ɔ, a bea‑a wan Pɔɔ fɛ, mbɛ an fea ta‑a a a. Mɔ dɔ mende nu, miin bɛɛ bea‑a a fɛ, an fan nii nɛ, Ayisitakɔsi a, an fea Sɛkundɔsi a, miin ka‑a Tɛsadonika duu ɔ. A yɛ to, ni Kayɔsi, min ka‑a Dabi duu ɔ, an fea Tikikɔsi a, ni Tɔfimɔsi miin ka‑a Esia chɛnyɛ n dɔ. Mɔɛ dankama ni Timoti an na.

CHISƆSI 'A SƆ MƆƐ NU 21:30

Mbɛ gbunɛ bea‑a an duu wa chɛ gbɛɛ ɔ ben‑da, mɔɛ n mbe ta‑a ben‑da bui chɛ‑a dɔndɔ a. Mbɛ an‑na Pɔɔ bia fɔin, an‑na a konkon, a bɔ Yataa 'a kata chɛ ɔ. A sin, a ya kɔɔɛ a, an‑na Yataa 'a kata chɛ da n na tɔn tɔn fan.

CHISƆSI 'A SƆ MƆƐ NU 21:38

Chɛ‑a a ɔ yian, mbɛ Ichipi mɔɛ chɛ mu i wan na, min‑na butuinɛ si nɛ tee kɔmende a. A sin to, i wan na‑a a ma mɔ wu naaninɛ nu, miin wokoya‑a Domi kɔmende a, an bea‑a i fɛ, a ta fuinɛ ɔ. A e ka wan?”

CHISƆSI 'A SƆ MƆƐ NU 27:2

Nn sɛ‑a wan dɛndɛ ɔ, min ka‑a Adamitiɔn duu ɔ, min ni gbɛ ta koe a duu chɛ n dɔ, yii a sanɛ Esia chɛnyɛ ɔ. Mbɛ nn ta‑a, nn bɛ Ayisitakɔsi a, min ni Tɛsadonika duu ɔ mɔɛ a, a ka Masidonia chɛnyɛ ɔ.

GBOO DOMI KO A 16:23

N mbe mɔɛ min bɛɛ 'a sondaya a, chɔchi ɛ si to nɛ an 'na chenɛ a, kai Kayɔsi, ɛ wo kɔndɔn tena ka. Ɛyasitɔsi wɛɛ, min mbe kɔpɔɛ sa tena ɔ bɛn duu chɛ ko a, an fea mmɔ bɔɛ Chisianɛ Kuatɔsi a, an mbe wo kɔndɔn tena ka.

GBOO SAA KƆYINDI KO A 1:14

Yataa ɛn wai, n ma yii chɛ ni wo dɔndɔ wɛɛ kunɛ ɔ, Yataa chia a. N‑na a chɛ dechee Kisipɔsi an kunɛ ɔ, an fea Kayɔsi a.

GBOO SAA KƆYINDI KO A 4:9

Chɛɛ n ta yiinachii ɔ, mansa ma nn na. Nn fan, Chasi 'a sɔ mɔɛ chɛ nu, nn maen fan mu yɔ mɔɛ nu, Yataa‑a miin ma yii, ma yii dankama a. Nn mbe wan yɔ mɔɛ nu, ya ɔ sɔɛ n mbe ta miin na, an mbe an fa mɔɛ gbɛɛ ya kɔɔ. Ɛ ka wan, koe min na mu, mɔɛ gbɛɛ ya an mbe nn na. Mɔ gbu n bɛ maeka n na, an ya an mbe nn na, kɔ an ni a ɔ yen, koe min mbe ma‑a nn na.

GBOO FEAN BƆƐ KƆYINDI KO A 8:19

Chɛ an dechee ko a ma. Chɛɛ a gbu, chɔchi n gbɛɛ‑a an boo sɔ an ma, an‑na a yian, an 'na kɔpɔɛ ni ma a boo ɔ, a ni bea nn fɛ nn 'na tachɛ ɔ. Ni nn ma‑a wai chɛ chɛ‑a, nn bɛ ni ma. Nn gbɛɛ, nn ni wai chɛ, baa be koe a Mansa Chisɔsi tɔɛ ma. A yɛ to, min mbe a ma, nn ni a ɔ yian, mbɛ nn toen mu, nn ni basan mɔ dɔ mende n ma.

Gboo Kɔdɔsai Ko A 4:10

Nn fea ɛ nɛ n bɔɛ min na pimbi chenɛ a, Ayisitakɔsi, a wɛɛ ɛ wo kɔndɔn tena. Maki wɛɛ, Banabasi suun ma nyɔɛ chɛ, ɛ wo kɔndɔn tena. Min sien mu mɔna chɛ ma, n ban‑da a ɔ yian‑da wo a, wo e min ma, ni a che‑a wo ma. Wo wo boo si a kɔɔ chɛndɛ chɛ.

FIDEMƆN 1:24

Chɛ n bɛɛ, n bɔɛ wai chɛ mɔɛ Maki, ni Ayisitakɔsi, ni Demasi, a basan Duku a, an mbe i kɔndɔn tena.

3 CHƆN 1:1

N fan chɔchi gbakoo, n fan mbe gboo chɛ nyɛn tena i tena, i wan Kayɔsi. E Yataa 'a chia an ma, an fɛ mu i ko a di n ye.