CHISƆSI 'A SƆ MƆƐ NU 19:26 - Yataa 'a Dɔbɛnɛ Nama

²⁶ Sanche gbɛ, wo wandi, wo e a ɔ yen tena wan, koe min mbe chɛ tena a ɔ. A yɛ to, wo e a a min tena wan. Ɛfisɔsi dechee ma, chɛɛ a maen fan mu gbɛ yɔ Esia chɛnyɛ gbɛɛ ɔ, Pɔɔ chɛ ɛ mɔɛ n yiima mun tena buɛ min dɔ, a si mmɔ 'a wai ma. A ɛ a fɔ tena wan mɔɛ n ye, mbɛ mmɔ ɛ yataa miin nyan ka mmɔ boo a, yataa kan kɔ kan ma an na.

CHISƆSI 'A SƆ MƆƐ NU 19:26 ပူးပေါင်းရင်းမြစ်များ

CHISƆSI 'A SƆ MƆƐ NU 14:15

“N bɔ nu, wo toen mu wo ni ko bonda chɛ ma, fen ko a? Nn bɛɛ, mɔ gbu mu nn na, yɔ wo e ka buɛ min dɔ. Nn mbe nɛ, sakana bai chɛndɛ chɛ ɔ yian koe a wo a, wo ni wo boo bɔ tataya ko bonda chɛ n dɔ. Wo ni wo ya a mun Yataa ma, min mbe ee fa kuɔ fɔ ko a. A wan‑na banda a dan, an fea duu gboo a, kɔ yii wɛɛ, a basan fen kɔ fen na, miin be an dɔ.

CHISƆSI 'A SƆ MƆƐ NU 17:29

Mmɔ mu gbɛ buɛ min dɔ Yataa 'a denɛ n na, mmɔ ma mmɔ yii na chii a bɔ nyɔɛ dɔ mende wa koe a. Mbɛ a bɔen mu fenɛ an na, min nyanden mu sanu ɔ, chɛ ma, kain gbɛ ɔ, chɛ ma, senɛ ɔ. Mɔ gbu wandi 'a yiinachii, a‑a miin nyan.

CHISƆSI 'A SƆ MƆƐ NU 18:19

An che‑a kɛn Ɛfisɔsi duu ɔ, Pɔɔ n tɛ du‑a wan Pisida, an fea a chɛɛ Akuida a. A ta‑a wan Chu n 'na samun chɛ chen chɛ a, koe n tɛnsɛ koe a, an bɛ Chu mɔɛ chɛ n na nɔ Ɛfisɔsi.

CHISƆSI 'A SƆ MƆƐ NU 19:1

Apɔdɔsi ni kɛn Kɔyindi duu ɔ, Pɔɔ bɔ‑a wan chɛnyɛ kun ma chia a, mbɛ a che‑a Ɛfisɔsi duu ɔ, a‑a Chisɔsi fɛ mɔɛ dɔ n tan kaina min.

CHISƆSI 'A SƆ MƆƐ NU 19:10

Chɛ a tun‑da wan a ma san fea ko a, min‑na a ma, mɔɛ miin gbɛɛ ni Esia chɛnyɛ chɛ ɔ, an‑na sakana bai a min fan, a si Mansa Chisɔsi ma. Chu mɔɛ n‑na a a min fan, an bɛ mɔɛ chɛ n na, miin nii ma Chu mɔ a.

CHISƆSI 'A SƆ MƆƐ NU 19:25

Mbɛ tee dɔndɔ a, a‑a a 'a wai chɛ mɔɛ n chee kaina dɔndɔ, an bɛ mɔ dɔ mende n na, miin bɛɛ ni an wai dɔndɔ gbe chɛ. Mbɛ a‑a a fɔ an ye, a ɔ, “N bɔ nu, wo gbɛɛ wo‑a a ɔ sɔn fan, mbɛ mmɔ 'a nyanɛ gbɛɛ, ɛ bɔ wai chɛ an dɔ, mmɔ ɛ ka min na.

GBOO SAA KƆYINDI KO A 12:2

Wo‑a a ɔ sɔn fan, mbɛ tima min na wo nii ma Yataa sɔn, wo‑a a ɔ sɔn fan wo ni min ma. An‑na wo ka wan a ma, chia sɛsɛ a, wo e ben fenɛ n fai‑a, miin mbe ee koɔ.

GBOO SAA KƆYINDI KO A 8:4

Chɛ sin fan mbe n da a gbɛ, a si an daun fenɛ daun koe ma, mɔɛ n mbe min bɔ yasi a, fen chɛ n tena, miin ma Yataa a. Mmɔ gbu‑a a ɔ sɔn fan, mbɛ an fen chɛ n mbe ee fɔɛ ɔ. Mmɔ‑a a ɔ sɔn fan, mbɛ Mansa Yataa ɛ dɔndɔ gbe.

Gboo Kadesia Ko A 4:8

Wo nii ma Yataa sɔn tima min na suun, wo ni yɔncha ɔ wan, nyina yama n boo ɔ, miin nii ma Yataa a.

Gboo Saa Tɛsadonika Ko A 1:9

Mɔɛ chɛ n gbɛɛ mbe wan bai sa‑a, a si nn bia buɛ ma, wo boo ɔ, nn na‑a wo kɔndɔn‑da tima min na. A yɛ to, a si wo‑a wo kan kɔ sɔ buɛ min dɔ fen chɛ n na, miin ma Yataa a. Wo‑a chɛ ma tea Yataa an fai koe a, min mbe ma‑a nɔ kuɔ fɔ ko a.

KO Ɔ NUNDENƐ 9:20

Chɛɛ mɔɛ chɛ nu, miin kunɛ bɔ‑a koe chɛ n gbɛɛ ɔ, an ma an kan kɔ sɔ ni an 'na ko yama n na. An ma an boo bɔ ni nyina yama n fai koe a, ni fen chɛ n fai koe a, miin ma Yataa a. Fen chɛ nu, an fandi, an mbe miin nyan senɛ ɔ, sanu ɔ, kainɛ ɔ, kɔnɛ ɔ, a basan fen dɔ mende n na. Fenɛ miin mu ka, an ya ee kaina yen, an too wɛɛ ee koe a min, an sin mbe ee tachɛ chɛ.