CHISƆSI 'A SƆ MƆƐ NU 19:21 - Yataa 'a Dɔbɛnɛ Nama

²¹ Koe chɛ n gbɛɛ gbakɔ, Pɔɔ‑a a yiima ɔ bɛn fan, Yataa Nyina 'a gbasaya ɔ, ben koe a Masidonia chɛnyɛ ɔ, a basan Akaya a, ta koe a Chuusaɛn duu ɔ. A‑a a fɔ wan, a ɔ, “Ni n ta‑a Chuusaɛn, n mbe che‑a wan Domi bɛɛ.”

CHISƆSI 'A SƆ MƆƐ NU 19:21 ပူးပေါင်းရင်းမြစ်များ

CHISƆSI 'A SƆ MƆƐ NU 16:12

Nn ka‑a nɔ wan, mbɛ nn ta‑a Fiipai duu ɔ. An ni duu chenama wa a, a tɔɛ chɛ n gbɛɛ ma Masidonia chɛnyɛ ɔ. A ni to duu an na, Domi mɔɛ n na‑a min na tɛ. Nn‑na tee sɛsɛ ya wan nɔ.

CHISƆSI 'A SƆ MƆƐ NU 18:12

Chɛɛ an‑na Kadio ma tima min na kɔfana a, Akaya chɛnyɛ kun ma, Chu n‑na kuiɛ a kanɛ chɛ Pɔɔ ma, mbɛ an‑na a bia, an na‑a a a kɔfana chɛ 'a kuti ɔ.

CHISƆSI 'A SƆ MƆƐ NU 18:21

Chɛɛ a ni kɛn a saa an na, a‑a bai chɛ an fɔ an ye, a ɔ, “Ni Yataa dɔn‑da, n mbe yɛ‑a wan to wo tena.” Mbɛ a si‑a dɛndɛ ɔ, a ka Ɛfisɔsi, mbɛ a ta‑a.

CHISƆSI 'A SƆ MƆƐ NU 19:22

Mbɛ a‑a Timoti a ta Masidonia, an fea Ɛyasitɔsi a, mɔ fea miin ni basan a ma. Mbɛ a sin to‑a tima ɛnden ko a, Esia chɛnyɛ chɛ ɔ.

CHISƆSI 'A SƆ MƆƐ NU 19:29

Mbɛ mɔɛ n sɔnkɔ sɔnkɔ chɛ kuiɛ‑a duu wa gbu ɔ bɔ, a si an koe chɛ ma. Mbɛ an gbɛɛ‑a bui sa a a, mɔɛ n gbɛɛ bɛn tena chɛ duu chɛ ɔ. An‑na Kayɔsi bia wan, an ta‑a a a an boo ɔ, an fea Ayisitakɔsi a. Kayɔsi chɛ, an fea Ayisitakɔsi a, Masidonia chɛnyɛ mɔɛ n ni an na, miin bɛ na‑a na Pɔɔ a.

CHISƆSI 'A SƆ MƆƐ NU 20:16

Pɔɔ yiima ɔ bɛnden fan ni, a ni Ɛfisɔsi ma sangba. Koe min na mu, a nii ma to ni tima kan kɔ kan yayi koe a Esia chɛnyɛ ɔ. A toen ni tachɛ a gbandi ma an chɛ koe a. Ni a ni bɛn fan, a ni che Chuusaɛn duu ɔ, tee chɛ ma, an ni min chee Pɛndekɔsi.

CHISƆSI 'A SƆ MƆƐ NU 20:22

Sanche gbɛ sin, n yen ko, n mbe ee che Yataa Nyina da a kuiɛ bɔ a ɔ, n mbe ka ta‑a Chuusaɛn duu ɔ wan. N gbu ma a ɔ sɔn, koe min mbe n tan‑da nɔ.

CHISƆSI 'A SƆ MƆƐ NU 21:17

Nn na‑a kɛn Chuusaɛn duu ɔ, nn suun ma nyɔɛ chɛ nu Chasi ɔ, an‑na an boo si wan nn kɔɔ, buɔdia wa a.

CHISƆSI 'A SƆ MƆƐ NU 21:4

Nn‑na nn ya a kan fan Chisɔsi fɛ mɔɛ dɔ n na nɔ, nn sin bɛ ni wan an na tɛn sɔngbɔ dɔndɔ ko a. Yataa Nyina 'a gbasaya ɔ, fɛ mɔɛ chɛ n‑na a fɔ wan Pɔɔ ye, a ma tachɛ a tun, a ta Chuusaɛn duu ɔ.

CHISƆSI 'A SƆ MƆƐ NU 23:11

Mbɛ a yɛɛ dɔndɔ gbe chɛ ma, Mansa Chisɔsi na‑a, a sɔ‑a Pɔɔ baima. Mbɛ Chisɔsi gbu ɔ, “I ma chian. I‑a a ɔ yian buɛ min dɔ, mɔɛ n na Chuusaɛn duu ɔ, i‑a koe min dɔ sɔn, a si n ma, e an ma tena to pan bɛɛ Domi duu ɔ.”

CHISƆSI 'A SƆ MƆƐ NU 27:1

A tima che‑a, dɔbɛnɛ chɛ‑a wan nn si koe a dɛndɛ ɔ, a ta Itadi chɛnyɛ ɔ. An‑na Pɔɔ be wan, a basan pimbi chenɛ a sa mɔɛ dɔ mende n na, Chudiɔsi dɔndɔ ma. Chudiɔsi chɛ, a ni soya gbakoo an na, soya chɛmɛ dɔndɔ ko a, an ni miin chee, an dɔ, Domi Kun Ti Wa Soya nu.

CHISƆSI 'A SƆ MƆƐ NU 27:24

mbɛ a ɔ, ‘Pɔɔ, i ma chian. E sɔ‑a wan Domi kun ti wa chɛ chen kɔɔ. A sin yen ko, Yataa chinchin‑da i ma, a basan mɔɛ chɛ n gbɛɛ a, wo bɛ ɛ ka miin na dɛndɛ chɛ ɔ.’

CHISƆSI 'A SƆ MƆƐ NU 28:16

A sin, nn che‑a kɛn Domi duu ɔ, an‑na a ma wan, Pɔɔ ma‑a a kun ma chenɛ a. Chɛɛ soya mɔɛ ya gba ni wan a fɛ.

GBOO DOMI KO A 1:11

Wo yen sɔɛ ɛ n na kaka, min mbe a ma, Yataa Nyina ɛ dua min chɛ tena n na, a ni a chɛ wo wɛɛ ko a, wo ni sɔ gban.

GBOO DOMI KO A 1:13

N suun ma nyɔɛ nu Chasi ɔ, n toen mu wo ni a ɔ sɔn, mbɛ tima sɛsɛ ko a, mbɛ ɛ ma wan n yii ma tima ɔ tima, n ni na wo kɔndɔn. Chɛɛ koe an‑na a ma, n ma che nin bɛ na‑a wo tena. N toen mu n ni na, min mbe a ma, n ni mɔɛ n ma sɔn wo tɛ ɔ, Domi duu ɔ, miin mbe an kai fa‑a Chisɔsi a. N‑na a ma ka wan kaina sɛsɛ nu mɔɛ n tɛ ɔ, miin ma Chu mɔɛ n na.

GBOO DOMI KO A 1:15

Chɛ an fɛ mu, n ma bɛnden mu tima ɔ tima ko a, Yataa 'a sakana bai ɔ yian koe a wo wɛɛ a Domi duu ɔ.

GBOO SAA KƆYINDI KO A 16:5

N mbe na‑a wan wo kɔndɔn‑da, ni n‑na Masidonia chɛnyɛ ɔ tandin, koe min na mu, n toen mu, n ni ben nɔ chia an na.

GBOO SAA KƆYINDI KO A 4:19

Chɛɛ ni Mansa Yataa dɔn‑da, n mbe na tena wo tena sanche. A tima chɛ a gbɛ, n mbe a ɔ yen‑da wan, dɔpanda tɔɛ chɛ n mbe che koe min ma‑a, a fɔ koe ma dechee.

GBOO FEAN BƆƐ KƆYINDI KO A 10:16

Chɛ ɛ a ma‑a wan, nn ni kun sakana bai chɛndɛ chɛ ɔ yian‑da mɔɛ n na, chɛnyɛ dɔ mende n dɔ, miin dɔ yansan wo a. Chɛ ee ma‑a yonka tɛ‑a, a si mɔ dɔ mende n ta wai ma, tanda dɔ mende ɔ.

Gboo Kadesia Ko A 2:1

San tan kun ma naanin gbakɔ, mbɛ n sɛ‑a to Chuusaɛn duu ɔ, nn fea Banabasi a. Nn ta‑a wan Taitɔsi a, nn boo ɔ.

Gboo Saa Tɛsadonika Ko A 1:7

Chɛ‑a a ma wan, wo ma‑a tɔmɔsi a mɔɛ n tena. Mɔɛ chɛ nu, Masidonia, ni Akaya chɛnyɛ ɔ, miin kai faen ni Chisɔsi Chasi a.