CHISƆSI 'A SƆ MƆƐ NU 19:11 - Yataa 'a Dɔbɛnɛ Nama

¹¹ Yataa‑a gbasaya be wan Pɔɔ ma, kamaya ko wa n ma koe a.

CHISƆSI 'A SƆ MƆƐ NU 19:11 ပူးပေါင်းရင်းမြစ်များ

CHƆN 14:12

N ni chɛ ma din wo tena, mbɛ mɔɛ miin mbe an kai fa‑a n na, an mɔɛ chɛ nu, an mbe wai bonda chɛ n chɛ‑a wan, n mbe miin chɛ. A sin gbu, an mɔɛ chɛ nu, an chɛ chɛ wai n mbe koa‑a wan. Koe min na mu, n mbe yɛ tena Fa tena, nn ni ma kaina dɔndɔɛ ɛ.

CHISƆSI 'A SƆ MƆƐ NU 14:3

Pɔɔ an fea Banabasi a, an ni wan nɔ an duu chɛ ɔ, tima ɔ yansama ko a. An ni bai sa wan faagbɛa a, a si Mansa Chisɔsi ma. Mansa Chisɔsi sin gbu‑a a ɔ yian fan, mbɛ sakana bai chɛ, an mbe min sa, a si a 'a koadia demanɛ ma, tea bai nu mu. Chisɔsi ni a ma wan, sɔ mɔɛ chɛ n ni kamaya ko wa sɛsɛ n ma, an kun ma a a.

CHISƆSI 'A SƆ MƆƐ NU 15:12

Pita ban‑da kɛn koɔ‑a, mɔɛ miin gbɛɛ a kanden ni ka, an‑na a ɔ maun fan don. Mbɛ an‑na an too ma sɔ Banabasi ma, an fea Pɔɔ a. An‑na a ɔ yian fan gbɛɛ, Yataa na‑a a ma, an‑na kamaya ko wa miin ma, mɔɛ chɛ n tɛ ɔ, miin nii ma Chu mɔ a.

CHISƆSI 'A SƆ MƆƐ NU 16:18

A sin‑na chɛ ma wan tee sɛsɛ ko a, min‑na a ma, Pɔɔ faa tɛ‑a. Mbɛ a‑a a ya a mun an yɔnɛ chɛ ma, a‑a a fɔ nyina yama chɛ ma, a ɔ, “Chisɔsi Chasi tɔɛ ɔ, n mbe a fɔ tena i ye, mbɛ i ni ka den musuen chɛ fɛ.” A ya kɔɔɛ a, nyina yama chɛ ka‑a wan den den chɛ fɛ.

CHISƆSI 'A SƆ MƆƐ NU 5:12

Chisɔsi 'a sɔ mɔɛ chɛ n ni kamaya ko sɛsɛ ma wan mɔɛ chɛ n tɛ ɔ, min ni an da a fa gban. Mɔɛ chɛ n gbɛɛ, miin‑na an kai fa ka Chisɔsi a, an ni bɛn fan suun ma nyɔncha ɔ kaina dɔndɔ Yataa 'a kata ɔ, an ni min chee, an dɔ, Mansa Sɔɔmon 'na Pɛsa.

CHISƆSI 'A SƆ MƆƐ NU 8:13

Saimɔn wandi gbu wɛɛ, a tima chɛ a, a‑a a kai fa wan Chisɔsi a. Yii chɛ‑a wan a kunɛ ɔ, Yataa chia a, a sin, a nii ma ka ni to Fiipi fɛ. A da ɔ na‑a gbaa wan, a na‑a kamaya ko wa sɛsɛ chɛ n dɔ yen kɛn, Fiipi ni miin ma tena. An koe chɛ n sin ni a ɔ yian tena wan, mbɛ a 'a sakana bai chɛ ka‑a Yataa an tena.

Gboo Kadesia Ko A 3:5

Yataa‑a a Nyina bea wan wo fɛ, a‑a kamaya koe n ma wo tɛ ɔ. Chɛɛ chɛ an‑na a ma, Yataa na‑a chɛ ma. Wo na‑a sakana bai chɛndɛ chɛ a min fan, a si Chisɔsi ma, a yɛ to, wo‑a wo kai fa wan Chisɔsi a. A nii ma chɛ ma ni, a mu min na, wo bea‑a sawa fɛ.

GBOO IBU MƆƐ N KO A 2:4

Yataa wandi wɛɛ, a na‑a a ɔ yian fan, mbɛ tea mu sakana bai chɛ a. A na‑a chɛ ma kamaya koe sɛsɛ n fan dɔ. A yɛ to, a ni a ma wan to, a Nyina ni mɔɛ n dua chia sɛsɛ n na. Ni Yataa wandi toen ni chɛ ni ma, tima ɔ tima ko a, a ni ma wan.