CHISƆSI 'A SƆ MƆƐ NU 19:1 - Yataa 'a Dɔbɛnɛ Nama

¹ Apɔdɔsi ni kɛn Kɔyindi duu ɔ, Pɔɔ bɔ‑a wan chɛnyɛ kun ma chia a, mbɛ a che‑a Ɛfisɔsi duu ɔ, a‑a Chisɔsi fɛ mɔɛ dɔ n tan kaina min.

CHISƆSI 'A SƆ MƆƐ NU 19:1 ပူးပေါင်းရင်းမြစ်များ

CHISƆSI 'A SƆ MƆƐ NU 18:1

Chɛ gbakɔ, Pɔɔ bɔ‑a wan Atɛnsi duu ɔ, mbɛ a ta‑a Kɔyindi duu ɔ.

CHISƆSI 'A SƆ MƆƐ NU 18:8

Chɛ gbɛɛ ɔ, Kisipɔsi, ni a 'a chen 'na mɔɛ n gbɛɛ, an‑na an kai fa wan gbɛ Mansa Chisɔsi a. Kisipɔsi chɛ ni ya ɔ sɔɛ an na, Chu n 'na samun chɛ chenɛ a. Mɔ sɛsɛ nu Kɔyindi duu ɔ, an‑na sakana bai chɛ a min kɛn Pɔɔ a, an dan‑da wan a a, mbɛ yii chɛ‑a an kunɛ ɔ, Yataa chia a.

CHISƆSI 'A SƆ MƆƐ NU 19:17

Mbɛ Chu mɔɛ nu, an bɛ chɛ n na, miin nii ma Chu mɔ a, an‑na koe chɛ a min fan Ɛfisɔsi. Chiandia dɛ‑a wan an gbɛɛ ɔ, mbɛ an‑na basɔmaya wa be wan gbɛ Mansa Chisɔsi tɔɛ ma.

CHISƆSI 'A SƆ MƆƐ NU 19:26

Sanche gbɛ, wo wandi, wo e a ɔ yen tena wan, koe min mbe chɛ tena a ɔ. A yɛ to, wo e a a min tena wan. Ɛfisɔsi dechee ma, chɛɛ a maen fan mu gbɛ yɔ Esia chɛnyɛ gbɛɛ ɔ, Pɔɔ chɛ ɛ mɔɛ n yiima mun tena buɛ min dɔ, a si mmɔ 'a wai ma. A ɛ a fɔ tena wan mɔɛ n ye, mbɛ mmɔ ɛ yataa miin nyan ka mmɔ boo a, yataa kan kɔ kan ma an na.

CHISƆSI 'A SƆ MƆƐ NU 20:16

Pɔɔ yiima ɔ bɛnden fan ni, a ni Ɛfisɔsi ma sangba. Koe min na mu, a nii ma to ni tima kan kɔ kan yayi koe a Esia chɛnyɛ ɔ. A toen ni tachɛ a gbandi ma an chɛ koe a. Ni a ni bɛn fan, a ni che Chuusaɛn duu ɔ, tee chɛ ma, an ni min chee Pɛndekɔsi.

CHISƆSI 'A SƆ MƆƐ NU 20:18

An che‑a kɛn Pɔɔ ma, a‑a a fɔ wan an ye, a ɔ, “Wo‑a a ɔ yen fan, n ni buɛ min dɔ wo tɛ ɔ, tima ɔ tima ko a. A ka n 'na tee saa saa ma Esia chɛnyɛ chɛ ɔ, aan a sɔ n ka tee ma nɔ.

CHISƆSI 'A SƆ MƆƐ NU 21:29

Koe min‑na a ma, an‑na chɛ fɔ, an na‑a a yen fan an duu chɛ ɔ, an fea Tɔfimɔsi a, min ka‑a Ɛfisɔsi duu ɔ. A ni wan an yii ma, mbɛ Pɔɔ na‑a don fan Tɔfimɔsi chɛ a, Yataa 'a kata ɔ.

GBOO SAA KƆYINDI KO A 1:12

N mbe min fɔ tena wo ye, an nɛ. Mbɛ wo gbɛɛ, wo da a kuiɛ ee kaina dɔndɔ. Wo dɔ n mbe a fɔ wan, wo ɔ, “Pɔɔ fɛ mɔɛ mu n na.” Mbɛ wo dɔ n‑na a fɔ, wo ɔ, “N mbe Apɔdɔsi an fɛ,” dɔ n dɔ, “Pita,” dɔ n sin dɔ, “Chasi fɛ mɔɛ chɛndɛ mu n na.”

GBOO SAA KƆYINDI KO A 15:32

N‑na butuinɛ chɛ wan, Ɛfisɔsi duu ɔ, nn fea nyima soe a. N nii ma chɛ ma ni dechee, mɔgbuya ɔ koe an ko a. Chɛɛ tɔnɔnɛ kan kɔ kan mbe ee bɔ‑a chɛ ɔ, ni faa mɔɛ ee a kɔɔ sɔ, a ka saya ɔ. Mbɛ ɛ ma‑a wan dechee, yɔ an mbe a fɔ buɛ min dɔ, an dɔ, “Mmɔ ni daunɛ chɛ, mbɛ mmɔ‑a mmɔ min,” an dɔ, “koe min na mu, saya ɛ na tena wan sinan bɛɛ.”

GBOO SAA KƆYINDI KO A 16:12

Wo 'a gboo‑a min fɔ, a si mmɔ suun ma nyɔɛ ma Chasi ɔ, min mu Apɔdɔsi a, ka n mbe koɔ gbɛ a si a ma. N mbe a ma nande n faa gbɛɛ ɔ, a ta koe a wo kɔndɔn‑da, an bɛ mmɔ suun ma nyɔɛ dɔ n na Chasi ɔ. A bu ɔ nii ma di ɛnden bɛɛ a, na koe a nɔ sanche. Chɛɛ chɛ gbɛɛ ɔ, ni a‑a tima ma sɔn, ɛ na‑a wan nɔ.

GBOO SAA KƆYINDI KO A 16:8

N mbe to‑a nɛ wan Ɛfisɔsi, aan tima min na, Pɛndekɔsi tee chɛ ni che.

GBOO SAA KƆYINDI KO A 4:6

N suun ma nyɔɛ nu Chasi ɔ, n‑na nn fandi ya tɔmɔsi a, nn fea Apɔdɔsi a, wo 'a tɔnɔnɛ an ko a. Chɛ ni a ma, Yataa 'a gboo‑a min fɔ, wo ma na tandin a ɔ. Wo ma na yonka tɛ, mɔɛ dɔndɔɛ wakoe ma, mbɛ wo tɛ‑a dɔndɔɛ sin dɔ.

Gboo Ɛfisɔsi Ko A 1:1

N fan Pɔɔ, n fan mbe gboo chɛ nyɛn tena. Chisɔsi Chasi 'a sɔ mɔɛ mu n na, yɔ Yataa toen ni buɛ min dɔ a ni ma. N fan mbe ka gboo chɛ nyɛn tena wo tena, wo wɛn mu Yataa 'a mɔɛ n na, wo wɛn mbe a a tun tena wo kai fa koe a Chisɔsi Chasi a, Ɛfisɔsi duu ɔ.