CHISƆSI 'A SƆ MƆƐ NU 18:8 - Yataa 'a Dɔbɛnɛ Nama

⁸ Chɛ gbɛɛ ɔ, Kisipɔsi, ni a 'a chen 'na mɔɛ n gbɛɛ, an‑na an kai fa wan gbɛ Mansa Chisɔsi a. Kisipɔsi chɛ ni ya ɔ sɔɛ an na, Chu n 'na samun chɛ chenɛ a. Mɔ sɛsɛ nu Kɔyindi duu ɔ, an‑na sakana bai chɛ a min kɛn Pɔɔ a, an dan‑da wan a a, mbɛ yii chɛ‑a an kunɛ ɔ, Yataa chia a.

CHISƆSI 'A SƆ MƆƐ NU 18:8 ပူးပေါင်းရင်းမြစ်များ

MATIU 28:19

Chɛ an‑na a fɔ, wo ta mɔɛ n gbɛɛ tena dunya chɛ gbɛɛ ɔ, mbɛ wo‑a an ma n fɛ denɛ n na. Wo ni yɛ, wo ni yii chɛ an kunɛ ɔ Fa Yataa tɔɛ ɔ, n tɔɛ ɔ, a basan Yataa Nyina tɔɛ ɔ a.

MAKI 5:22

Mɔ dɔndɔ ni wan nɔ, min tɔ ni Chayɔsi. A ni mɔ chenama dɔndɔ an na, Chu n 'na samun chɛ chenɛ a. Mbɛ a na‑a Chisɔsi tan. A‑a Chisɔsi tan kɛn, mbɛ a bea‑a a chen na.

MAKI 5:35

Chisɔsi to‑a koɔ tena wan musu chɛ tena, mbɛ sɔ mɔɛ na‑a, a ka Chayɔsi 'a chenɛ a. Mbɛ a ɔ, a 'a den musuenɛ gbu fa‑a, a ma na sɔ to ticha tɔɔya‑a ta koe a nɔ.

CHISƆSI 'A SƆ MƆƐ NU 10:2

An kamin chɛ ni mɔɛ an na, min ni kooya be Yataa ma. A ni Yataa fai wan tima ɔ tima ko a, an bɛ a 'a chen 'na mɔɛ n gbɛɛ a. A boo fenɛ nii ma dɔɔ, a ni min be, basan koe a yɔn tɔɛ n ma. A gboo ɔ nii fa, samunɛ chɛ koe a.

CHISƆSI 'A SƆ MƆƐ NU 11:14

Ɛ sakana bai fɔ‑a wan i ye, min mbe na‑a bauncha a i tena, wo bɛ i 'a chen 'na mɔɛ n gbɛɛ a.’

CHISƆSI 'A SƆ MƆƐ NU 13:15

Mbɛ mɔɛ ban‑da sawa gboo chɛ kan‑da, Mosisi na‑a min nyɛn, a basan bai n na, Yataa 'a gbonka chɛ mɔɛ na‑a min nyɛn. Mbɛ ya ɔ sɔɛ chɛ nu, Chu n 'na samun chɛ chen chɛ a, an‑na sakana a ta Pɔɔ n tena, an dɔ te, “Nn suun ma nyɔɛ nu, ni bai ɔ bai ɛ wan wo da a, a fɔ koe, min mbe mɔɛ n faa ma nande, wo e ka a fɔ‑a.”

CHISƆSI 'A SƆ MƆƐ NU 16:34

Mbɛ a sɛ‑a Pɔɔ, an fea Sidasi a, a waa chenɛ a, a‑a an da kɔ. Buɔdia wa ni wan a ɔ, a basan a 'a chen 'na mɔɛ n gbɛɛ a. Koe min na mu, an‑na an kai fa gbɛ Yataa a.

CHISƆSI 'A SƆ MƆƐ NU 18:1

Chɛ gbakɔ, Pɔɔ bɔ‑a wan Atɛnsi duu ɔ, mbɛ a ta‑a Kɔyindi duu ɔ.

CHISƆSI 'A SƆ MƆƐ NU 18:17

Mbɛ an gbɛɛ bea‑a Sositɛnesi ma gbasi a, min ni ya ɔ sɔɛ a, Chu n 'na samun chɛ chenɛ kun ma. An‑na a gbasi wan, kuti chenɛ gbu ya kɔɔ. Chɛɛ Kadio‑a a ka wan a too kɔ.

CHISƆSI 'A SƆ MƆƐ NU 19:1

Apɔdɔsi ni kɛn Kɔyindi duu ɔ, Pɔɔ bɔ‑a wan chɛnyɛ kun ma chia a, mbɛ a che‑a Ɛfisɔsi duu ɔ, a‑a Chisɔsi fɛ mɔɛ dɔ n tan kaina min.

CHISƆSI 'A SƆ MƆƐ NU 8:12

Chɛɛ Fiipi‑a sakana bai chɛndɛ chɛ ɔ yian kɛn an na, a si Yataa 'a mansaya ma, a basan Chisɔsi Chasi tɔɛ a, mɔ sɛsɛ dan‑da wan a a. Mbɛ a‑a yii chɛ an kunɛ ɔ, Yataa chia a, musu nu, an bɛ kai n na.

GBOO SAA KƆYINDI KO A 1:2

Nn mbe gboo chɛ nyɛn tena, wo wan tena, wo wɛn mbe Yataa 'a chɔchi ɔ, Kɔyindi duu ɔ. Yataa na‑a wo wɛn chee, wo ni ma tenchen a ko a. Yataa‑a wo ma a ta mɔɛ n na, koe min na mu, a‑a wo ma mɔ dɔndɔɛ a Chisɔsi Chasi a. A‑a a ma ka wan mɔɛ n gbɛɛ a, miin mbe Mansa Chisɔsi tɔɛ chee tena, mmɔ 'a mansa, ni an 'na mansa, an baun koe a.

GBOO FEAN BƆƐ KƆYINDI KO A 1:1

N fan Pɔɔ, n fan mbe gboo chɛ nyɛn tena, nn fea mmɔ suun ma nyɔɛ a Chasi ɔ, min mu Timoti a. Chisɔsi Chasi 'a sɔ mɔɛ mu n na. Yataa wandi an dɔn‑da, n ma koe a sɔ mɔɛ chɛ a. N mbe a nyɛn tena wo wan tena, wo wɛn mbe Yataa 'a chɔchi ɔ, Kɔyindi duu ɔ, wo bɛ Yataa 'a mɔɛ n gbɛɛ a, miin mbe nɔ Akaya chɛnyɛ tɔɛ gbɛɛ ɔ.

GBOO FEAN BƆƐ KƆYINDI KO A 1:23

Chɛɛ Yataa an mu n 'na sii a, a si bai chɛ ma, n mbe ka min fɔ‑a wo ye. Mbɛ n toen ni, n ni wo to wan nɔ, an na‑a a ma n ma yɛ ni nɔ wo tena Kɔyindi duu ɔ.

GBOO FEAN BƆƐ KƆYINDI KO A 6:11

Nn dia nyɔɛ nu Kɔyindi, nn‑na ko ɔ ko yian wo a, nn‑na nn faa gbɛɛ be.

2 TIMOTI 4:20

Ɛyasitɔsi to‑a Kɔyindi duu ɔ wan, mbɛ n‑na Tɔfimɔsi sin to Midetɔsi duu ɔ, a gbandienɛ ni a tima chɛ a.