CHISƆSI 'A SƆ MƆƐ NU 18:6 - Yataa 'a Dɔbɛnɛ Nama

⁶ An‑na a kɔɔsa bia wan, mbɛ an‑na bai yama gbɛɛ sa a ma. An‑na chɛ ma kɛn, Pɔɔ‑a a 'a doma ɔ gbɔngbɔn fan, ma koe a dasi a an tena. Mbɛ a‑a a fɔ an ye, a ɔ, “Ni wo ma bauncha ma sɔn ni, wo ee wo tɛɛ si‑a to n ma. Wo e wo tɛɛ si‑a gbɛ wo wandi an ma. A ka gbɛ sanche ma, n mbe Yataa bai sa‑a gbɛ chɛ n fan tena, miin ma Chu mɔ a.”

CHISƆSI 'A SƆ MƆƐ NU 18:6 ပူးပေါင်းရင်းမြစ်များ

MATIU 10:14

Chɛɛ ni mɔ ɔ mɔ ma a boo si ni wo kɔɔ an chen chɛ a, ni mɔ ɔ mɔ ma a boo si ni wo kɔɔ an duu chɛ ɔ, ni an ma an too ma sɔ ni wo ma, wo bɔ nɔ. Ni wo ma‑a bɔ‑a, wo wo chenɛ a gbɔngbɔn fifii chɛ a, min mbe a ɔ yian an na, mbɛ an‑na koe min ma ka, a ma nyin.

MATIU 21:41

Mbɛ an dɔ, “Ɛ an mɔ yama chɛ n fa wan dɔndɔ gbe, a yama yama buɛ a. Mbɛ a‑a yadi kun don mɔ dɔ mende n boo ɔ, miin mbe che a kɔ‑a a ta chin fen gbɔɛ ɔ, chin fen ya tima a.”

MATIU 21:43

Mbɛ Chisɔsi ɔ te gbɛ, “Chɛ an fɛ mu, n ni a ma din wo tena, mbɛ gbasaya min gbɛɛ ɛ wo boo ɔ, ma koe a Yataa 'a mansaya kɔɔ, Yataa ɛ a gbasaya chɛ bɔ‑a wan wo boo ɔ. Mbɛ a‑a a be mɔɛ chɛ n ma, miin mbe a faa ma koe n ma‑a.

MATIU 22:10

Mbɛ bɔi den chɛ n ta‑a dani n ma, mbɛ an‑na mɔ sɛsɛ n na sɔn, an boo kun‑da miin ma, na koe a an na bɛn chɛ ɔ. Mɔ yama an basan a chɛndɛ n na, an na‑a wan an gbɛɛ a. Mbɛ an‑na chen chɛ a fa gban, bɛn chɛ ni bia tena kaina.

MATIU 27:25

Chɛɛ mɔ fanka chɛ ɔ, “Aa. A fa koe ni sɛ nn kun ma, nn bɛ nn 'na denɛ n na.”

MATIU 8:11

Ka wɛ n mbe tea fɔ wo ye. Mɔ sɛsɛ dɔ mende nu, an mbe na‑a wan a ka dunya chɛ gbɛɛ ɔ. An mbe si‑a wan kaina dɔndɔɛ, an bɛ Ebeami a, a basan Aisaki an fea Chekɔpi a, an ni daunɛ chɛ Yataa 'a mansaya kɔɔ.

DUKU 22:65

Mbɛ an yɛ‑a wan to, an‑na a main chia sɛsɛ a.

DUKU 9:5

Ni wo ta‑a duu kan kɔ kan dɔ, min dɔ mɔɛ n ma an too n ma sɔ ni wo ma, wo bɔ nɔ. Ni wo ma‑a bɔ‑a, wo wo chenɛ a gbɔngbɔn fifii chɛ a, min mbe ma‑a dasi a an tena, mbɛ an mbe ka a ma an na, Yataa faa ni tɛ an ma.”

CHISƆSI 'A SƆ MƆƐ NU 13:51

Chɛ ma‑a kɛn, Pɔɔ n‑na an chen 'na fifii a gbɔngbɔn fan an chenɛ a, ma koe a dasi a, an duu chɛ ɔ mɔɛ n ko a. Mbɛ an bɔ‑a nɔ, an ta‑a Ikoniɔn duu ɔ.

CHISƆSI 'A SƆ MƆƐ NU 26:11

Tima sɛsɛ ko a, n‑na an na mɔnɛ wan, Chu n 'na samun chɛ chenɛ n na. A sin to, n‑na butuin chɛ wan, a ma koe a, an ni Yataa main. Mbɛ n yɛ‑a, faatɛ wa ɔ, n‑na ko yawaenɛ sa an ma. N ni ta wan duu wa dɔ mende n bɛɛ ɔ, chɛnyɛ dɔ mende n dɔ.

CHISƆSI 'A SƆ MƆƐ NU 26:20

N‑na a ɔ yian Damasikɔsi pɛn, mbɛ n‑na a ɔ yian Chuusaɛn duu ɔ wɛɛ. A yɛ to, n‑na a ɔ yian Chudia chɛnyɛ gbɛɛ ɔ, ni mɔɛ chɛ n tena, miin nii ma Chu mɔɛ n na. N‑na a ɔ yian fan an gbɛɛ a, mbɛ an ni an kan kɔ sɔ an 'na ko yama n na, an ni an ya a mun Yataa ma. A sin, an ni koe n ma, yɔ mɔɛ nu, miin‑na an kan kɔ sɔ an 'na ko yama n na.

GBOO DOMI KO A 3:29

Yataa ee dechee Chu mɔɛ n fan ko a, ɛ wan mɔɛ chɛ n bɛɛ ko a, miin ma Chu mɔɛ n na. Ɛ ka wan tea gbu a.

1 TIMOTI 5:22

I 'a tima ya i boo bun koe a mɔɛ kun ma, a yian koe a gbakoo ya a. I 'a tima ya, mɔ dɔ mende 'a ko yama maenɛ a ee na sin i ma. To Yataa gbee an na tun.

2 TIMOTI 2:25

A mu mɔɛ an na, min mbe tima ya, a chɛɛ ma nyɔɛ n gba yama yian koe a an na, a faa chimaenɛ ɔ. Koe min na mu, kɔkɔɛ Yataa ɛ a ma‑a wan, an ni an kan kɔ sɔ an 'na ko yama a, mbɛ an‑na an ya a mun tea ma.

1 PITA 4:14

An mbe wo wɛn main‑da, an dɔ, Chisɔsi Chasi fɛ mɔɛ mu wo a, dua ɛ wo ma. Chɛ‑a a ɔ yian fan ka, Nyina gbasayaen chɛ, Yataa Nyina, ɛ gbɛ wo fɛ gban.

1 PITA 4:4

Sanche gbɛ sin, mɔɛ chɛ nu, miin ma an kai fa ni Chisɔsi a, an kɔndɔ fii‑a wo a. An‑na a yen, mbɛ wo ee bea tena to an fɛ, ben‑da mauma koe ma‑a, wo gbɔsɔ wɛɛ ma. Chɛ an mbe a ma tena, an mbe bai yama n sa tena wo ma.