CHISƆSI 'A SƆ MƆƐ NU 18:4 - Yataa 'a Dɔbɛnɛ Nama

⁴ Suin tee kan kɔ kan ma, a ni koe tɛnsɛ wan mɔɛ chɛ n tena, Chu n 'na samun chɛ chen chɛ a. A sin, a ni butuin chɛ tena wan, Chu mɔɛ nu, an bɛ Kiisi mɔɛ n na, an yiima ni mun Chisɔsi tena.

CHISƆSI 'A SƆ MƆƐ NU 18:4 ပူးပေါင်းရင်းမြစ်များ

DUKU 16:31

Chɛɛ Ebeami ɔ, ‘Ni an mbe ee che an too ma sɔ‑a bai chɛ n ma gboo chɛ n dɔ, an mbe ee na‑a che‑a an ni dan a a, ni mɔɛ wɛɛ‑a a kɔɔ sɔ a ka saya ɔ.’ ”

DUKU 4:16

Mbɛ Chisɔsi yɛ‑a Nasaɛti duu ɔ, a bɔ‑a a ɔ kaina. Chu n 'na suin tee ma, a ta‑a wan an 'na samun chɛ chenɛ a, yɔ a ni a ma tee buɛ min dɔ. Mbɛ a‑a a kɔɔ sɔ, a sɔ‑a Yataa 'a gboo kan koe a mɔɛ chɛ n tena.

CHƆN 7:35

Mbɛ Chu mɔɛ chɛ nu, miin ni Chisɔsi chɛɛ ma nyɔɛ n na, an bun‑da a da a bai chɛ tɛnsɛ‑a an nyɔn tɛ ɔ, an dɔ, “A e na ma ta‑a mende, mmɔ ee a yen kaina min? Kɔkɔɛ a ɛ ta tena duu dɔ mende n fan dɔ, mmɔ 'a mɔɛ dɔ n mbe kaina min, mbɛ a‑a mɔɛ n kan, miin ma mmɔ 'a mɔɛ n na.

CHISƆSI 'A SƆ MƆƐ NU 13:14

Chɛɛ an‑na an 'na tachɛ a tun fan a ma, a ka Paaka, a ta Andiɔki duu dɔ mende ɔ, min ni Pisidia chɛnyɛ ɔ. A sin, Chu n 'na suin tee ma, an don‑da wan Chu n 'na samun chenɛ a, mbɛ an si‑a.

CHISƆSI 'A SƆ MƆƐ NU 14:1

Koe min si‑a Pɔɔ a, an fea Banabasi a, Andiɔki duu chɛ ɔ, an si‑a to an na Ikoniɔn duu wɛɛ ɔ. Pɔɔ an fea Banabasi a, an don‑da Chu n 'na samun chɛ chenɛ a. An sin koɔ buɛ ma kawa‑a wan aan, min‑na a ma, mɔ sɛsɛ n‑na an kai fa Chisɔsi a. Chu mɔɛ dɔ nu, an bɛ mɔɛ chɛ n na, miin nii ma Chu mɔ a, an gbɛɛ‑a an kai fa a a.

CHISƆSI 'A SƆ MƆƐ NU 17:11

Mɔɛ miin ni Bɛyia, an ta mɔya kɔ ni gbɛ, a ben chɛ n ma, miin ni Tɛsadonika. Koe min na mu, a ma bɛndenɛ ni, an too ma sɔ koe a Yataa 'a bai ma. Pɔɔ ni ma koɔ‑a tee ɔ tee a, an ni Yataa 'a gboo ma mɛn fan, a ɔ sɔn koe a, ni tea mu.

CHISƆSI 'A SƆ MƆƐ NU 17:17

Chɛ ko a, a ni ma wan Chu n 'na samun chen chɛ a. An bɛ an na, an ni koe n tɛnsɛ wan, an nyɔn tɛ ɔ. Mɔɛ chɛ n bɛɛ, miin ni kooya be Yataa ma, an ni ma wan nɔ. A yɛ to, Pɔɔ ni ta wan machiti ɔ tee ɔ tee a, mbɛ a‑a koe n tɛnsɛ chɛ n tena, miin ni che ma‑a nɔ.

CHISƆSI 'A SƆ MƆƐ NU 18:13

Mbɛ an dɔ, “Kamin chɛ toen mu, a ni a ma mmɔ 'a mɔɛ n yiima ni mun, Yataa fai gbee dɔ mende ma, mmɔ 'a sawa ma dɔn ni min ma.”

CHISƆSI 'A SƆ MƆƐ NU 18:19

An che‑a kɛn Ɛfisɔsi duu ɔ, Pɔɔ n tɛ du‑a wan Pisida, an fea a chɛɛ Akuida a. A ta‑a wan Chu n 'na samun chɛ chen chɛ a, koe n tɛnsɛ koe a, an bɛ Chu mɔɛ chɛ n na nɔ Ɛfisɔsi.

CHISƆSI 'A SƆ MƆƐ NU 19:26

Sanche gbɛ, wo wandi, wo e a ɔ yen tena wan, koe min mbe chɛ tena a ɔ. A yɛ to, wo e a a min tena wan. Ɛfisɔsi dechee ma, chɛɛ a maen fan mu gbɛ yɔ Esia chɛnyɛ gbɛɛ ɔ, Pɔɔ chɛ ɛ mɔɛ n yiima mun tena buɛ min dɔ, a si mmɔ 'a wai ma. A ɛ a fɔ tena wan mɔɛ n ye, mbɛ mmɔ ɛ yataa miin nyan ka mmɔ boo a, yataa kan kɔ kan ma an na.

CHISƆSI 'A SƆ MƆƐ NU 19:8

Kau sawa ko a, Pɔɔ ni ta wan Chu n 'na samun chɛ chen chɛ a, a sin ni koɔ wan nɔ faagbɛa a. A ni koe n tɛnsɛ wan, an bɛ an na, a sin ni an disa wan, a si Yataa 'a mansaya wakoe ma.

CHISƆSI 'A SƆ MƆƐ NU 26:28

Mbɛ Mansa Akipa‑a a fɔ Pɔɔ ye, a ɔ, “I toen mu gbɛ, i ni n ma Chisianɛ a, a ɔ wuuma wuuma chɛ a. Ae?”

CHISƆSI 'A SƆ MƆƐ NU 28:23

Mbɛ an‑na tee yian Pɔɔ a, an mbe bɛn tee min ma, a yia chenɛ a. An tee chɛ che‑a kɛn, an na‑a wan a tena, an da a koaen ba. Mbɛ a ka sau ma ma, aan yɛɛ ma tee a, Pɔɔ si‑a wan ko ɔ ko ma, a‑a a ɔ yian mɔɛ chɛ n na. Pɔɔ‑a bai ɔ yian fan, a si Yataa 'a mansaya ma, an yiima mun koe a Chisɔsi tena. A‑a bai chɛ bɔ sawa chɛ an dɔ, Yataa‑a miin be Mosisi ma, a basan gboo chɛ ɔ a, Yataa 'a gbonka chɛ mɔɛ n 'na gboo chɛ.

CHISƆSI 'A SƆ MƆƐ NU 9:20

A nii ma tima yayi ni, chɛɛ a ta‑a wan dɔndɔ gbe Chu n 'na samun chɛ chenɛ n na. Mbɛ a bun‑da bai sa‑a, a si Chisɔsi ma, a ɔ, Yataa 'a denɛ an nɛ.

GBOO FEAN BƆƐ KƆYINDI KO A 5:11

Nn‑na a ɔ sɔn fan, Mansa Yataa ma chianɛ mu koe min na. Chɛ an fɛ mu, nn mbe butuin chɛ mɔ dɔ mende yiima mun koe a chɛndɛ, a si a ma. Yataa‑a nn sɔn fan chɛndɛ chɛ. A sin, n yii na tɛen fan mu, wo ta yiinachii gbu wɛɛ ɔ, wo‑a n sɔn fan.